Tɛbubukasɛ 1:1 - ONUGBÙ NYƐNYÃ VUVƆ

¹ Yesu Kristo tɛbubukasɛ gɛ, Kpaya akɔ yɛ sɛ tɛ ayɛkɔ kasɛ yɛ baxwɛdɛ kɛgɛ baa ba kɛlɛ mɛ nɛ kibe kplitaa mɛ. Akɔ le ti lɛ ganɔ yɛ kpayaxwɛdɛ nɛ tɛkpɛkpɛ sɛsɛ yɛ axwɛdɛ Yohanɛsɛ,

Tɛbubukasɛ 1:1 Iomraidhean Croise

Yohanɛsɛ 12:49

Alasɛ ɛdɛ ɖɔ kibui nɛ nɛmɛnahwɛ shu ahwɛ, pɔ Aka nɛ gɛ akpɛ mɛ yɛ akɔ mɛ ɔshã sɛ tɛ ɛɖɔ kɛ gɛ ɛba ɖɔ nɛ ka na gɛ ɛba ɖɔɛ lɛ.

Yohanɛsɛ 15:15

Ɛtɛa klu nɔ sɛ axwɛdɛ, alasɛ axwɛdɛ eti nyi yɛ apalete nɛ kɛxwɛwɛwa. Nɛ kɛlɛ ɔzakɔ, iklu nɔ sɛ ɛbhɛya, alasɛ kibuinyɛbui gɛ ɛkpasɛ denɔ mɛ Aka nɔ kɔ ɛkɔ nɔ ti.

Yohanɛsɛ 17:8

Alasɛ ɛkɔ alɛ ebui gɛ ɔkɔ mɛ klɛ ba yɛkɛ alɛ. Be nyi nɛ kɛgbɛagba sɛ ɛde wɔ kɔ klɛ ba yɛkɛŋa sɛ wɔ kpɛ mɛ

Yohanɛsɛ 3:32

Yɛ aɖɔaɖɔ denɔ kɛ gɛ amɔ nɛ̀ enu, pɔ anɔnyanɔ atɛ yɛkɛ yɛ kaɖɔɖuɖɔ.

Yohanɛsɛ 8:26

“Ebui gelee alɛ mɛ ahwɛ gɛ ɛba kɔ klu kebhui nɛ nɔ. Pɔ agɛ akpɛ mɛ enu anɔ gɛ ba be lu awɔ̃ nɛabha, klɛ agɛ inu denɔ yɛ kɔ alɛ mɛ tsre kanɔ.”

Romanɛ 16:25

Ɔtsɔ̃, kɔ anɔ nɛ gɛ yɛ ana wɔnɔesi dzu ganɔ mɛ kibui dzyɔgo nɛ Yesu Kristo kibui nɛ tɛbubuɖɔ, anɛ ebuikpukpu tɛbubukasɛ gɛ ekpu agɔagɔ gɛ atɛ ba fla nɛ nu,

Galatianɛ 1:12

Ɛdɛyɛkɛ lɛ denɔ anɔnyanɔ kɔ, ɔdɔgɔsɛ bakasɛ mɛ lɛ, pɔ nɛɛ, ɛyɛkɛ lɛ ganɔ Yesu Kristo kibui bubukasɛ nɛ mɛ.

Efesoanɛ 3:3

kɛlɛ nu, kibui kpukpu gɛ akɔ mɛ tii ganɔ tɛbubukasɛ, anasɛ gɛ ɛtɛ ŋlɔmɛ kplita kɔ nɔ.

Titusɛ 1:1

Paolo, Kpaya axwɛdɛ anɛ Yesu Kristo anɔkpɛkpɛ kɔ Kpaya tɛyɛyɛkɛŋa gɛ be bu nɛ kɛgba anɛ kibuititi nɛ gɛ kɛɛ gbanɔ anɔ vɛnɔ kpayazɛza mɛ,

Tɛbubukasɛ 1:19

Kɛlɛ so, “Ŋlɔmɛ kɛdɔnɔ nɛ gɛ ɔmɔ, kɛgɛ lɛ ɔtsɔ̃ anɛ kɛgɛ ba ba kɛlɛ mɛ kidegba.

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 17:1

Kpayaxwɛdɛ tiegene nɛ ɔmayɛ teli gɛ evunɔ busugba tugene nɛ aba klɛ etsrem asɛ, “Ba, ɛba kasɛ wɔ butɔhihe kɔ adzɛzhuzhɔlɛ gbla, nɛ gɛ ezhiaza beni gelee abha.

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”

Tɛbubukasɛ 19:9

Ɔkɛlɛ kpayaxwɛdɛ nɛ etsrem asɛ, “Ŋlɔmɛ: ‘Bayula bagɛ balɛ be kulu akɔ Obhoshieyi nɛ adzɛ gbɛgbanɔ owulagoe dɔ ŋɛŋa!’ ” Klɛ aza yɛkɔ ata sɛ, “Anɛ nɛ alɛ nu Kpaya ebuiɖuɖɔ nɛ gɛ enu kɛgba.”

Tɛbubukasɛ 21:2

Ɛmɔ Ishubhuibhui Ɔmagbla, gɛ onu Yerusalɛm vuvɔ, gɛ ozhide Kpaya ɔkɔ nɛ owũsise ɔɔba, gɛ ba bala kɔ ɔlɛ ansɛ adzɛ pupudi gɛ ba kpɛ bunuwã gɛ ba bala yɛ akɔ yɛenyine.

Tɛbubukasɛ 21:9

Kpayaxwɛdɛ tɛegene nɛ ɔmɛayɛ teli gɛ evunɔ busugba tugene nɛ gɛ yuku nɛ batɔ tiegene nɛ aba klɛ aɖɔ etsrem asɛ, “Ba, ɛba kasɛ wɔ adzɛ nɛ gɛ bakpɛ bunuwã, gɛ enu Obhoshieyi nɛ yɛedzini.”

Tɛbubukasɛ 22:1

Ɔkɛlɛ kpayaxwɛdɛ nɛ akasɛ mɛ ɛkpãni anɛ keni, bulɛ mɛ bhui ansɛ kɛdɔbhubhui, bu kpɛ denɔ Kpaya anɛ Obhosheyi nɛ kekusigbu nɛm

Tɛbubukasɛ 22:16

“Mɛ, Yesu, ɛtɛ kpɛ mɛ kpayaxwɛdɛ sɛ tɛ aba yɛkɔ ebuimɔɖɔa nɛ akɔ basɔlɛha. Mɛ nu Ogu anɛ Agɛ ede Daviti mɛ, anɛ Kɛvulɔɛ Wɛ̃wɛ̃ nɛ gɛ tã.”

Tɛbubukasɛ 22:6

Kpayaxwɛdɛ nɛ etsrem asɛ, “Ebuia nɛ alɛ gɛ ba ba yɛkɛ alɛa bha aŋa klɛ le nu kɛgba. Apalete, batɔnu nɛ ɛfufɔɛ nɛ Kpaya, asɛsɛ yɛ kpayaxwɛdɛ sɛ tɛ akasɛ yɛ baxwɛwa nɛ ebui nɛ gɛ alasɛ tɛ la ba alɛ ɔzakɔ kpataa.”

Tɛbubukasɛ 22:8

Mɛ, Yohanɛsɛ, mɛ nu anɔ nɛ gɛ enu klɛ amɔ ebuia nɛ. Klɛ gɛ ɛnua lɛ klɛ mɛ mɔa lɛ, ɛwɔlɛ dɔ kpayaxwɛdɛ nɛ butsrukpɔ nu sɛ tɛ ɛkpɛ kɛtɔkpuesi kɔ yɛ gɛ ebu ebuia nɛ akasɛ mɛ.

Tɛbubukasɛ 22:9

Pɔ etsrem asɛ, “Tɛ bhɛtɛ lɛ! Mɛ tsyɛ nu axwɛwa plɛnɔ wɔ anɛ wɔadzyalɛ batɔnu anɛ bagɛ ba nyɛna keplukpɛa nɛm ebui nɛ evunɔ. Kpɛtɔkpuesi kɔ Kpaya!”

Tɛbubukasɛ 4:1

Kɛnɛ nɛe de idi, klɛ nɛ mɛ amɛ kedunu tieli kadanɛ li nɛ owũsise. Klɛ olim tutɔpu nɛ gɛ inu lɔ ɖɔ kaɖɔ otsrem ansɛ kaxũlɛ̃ nɛ ɔsɛ, “Wu ɔba ɔkɛ̃, klɛ ɛba kasɛ wɔ kɛgɛ alasɛ kɛ ba nɛ kɛɛ nɛ nɛe de.”

Tɛbubukasɛ 5:7

Aba klɛ aba yɛkɛ kazaplukpa nɛ edenɔ agɛ ezhidzi kekusigbu nɛa bha nɛ kɛŋahwɛ nɛ mɛ.