Mateo 9:6 - ONUGBÙ NYƐNYÃ VUVƆ

⁶ Pɔ sɛ tɛ no ti sɛ Anɔdzyrame Yeyi nɛɛ kabhaŋɛŋa ka lɛ yɛahwɛ nɛ kesukpa nɛa bha sɛ tɛ ayɛkɔ buzizi etsye.” Klɛ aɖɔ etsre anɔgbɛgba nɛ asɛ, “Lɔ, yɛkɔ wɔ oputso tɛ ɔga vɛ bupa mɛ.”

Mateo 9:6 Iomraidhean Croise

Mateo 4:24

Be nu yɛ dɔ akana Siria petee, klɛ banɔa gbanɔ balɛ banyɛnya edidedi amɛna yɛ, banɔ teli nɛ ishutɛtã, beteli ɛfufɔɛkpã vua lɛ, beteli baa wɔlɛ ebho, klɛ beteli bagba klɛ ebeke balɛ banya nɛ petee.

Mateo 8:20

Yesu ebu lɛ nu sɛ, “Ayakpamkudzɔgɛ nɛ mɔ ɛlɛ okukɔ klɛ kɛlɛɛm buzhuɔɛ nɛ tsyɛ mɔ bulɛ evu, pɔ Anɔdzyrame yɛ Eyi nɛ aka mɔ ɔkɛlɛ gɛ ebe lu yɛ tɔkpu.”

Mateo 9:2

Banɔ teli be tuku anɔgbɛgba nɛ oputsoa bha ebe lu. Gɛ Yesu amɔ bagɛ ba mɛna anɔ nɛ tɛyɛyɛkɛŋa, etsre anɔgbɛgba nɛ asɛ, “Kpɛɛ te, meyi; ba yɛkɔ wɔ buzizi nɛ etsye wɔ.”

Mateo 9:5

Kiɖue gɛ lɛ bubɔɛbɔɛ dɛ: sɛ tɛ baɖɔ asɛ, ‘Ba yɛkɔ wɔ buzizi nɛ etsye wɔ,’ pɛnɔɔ sɛ tɛ baɖɔ asɛ, ‘Lɔ tɛ ɔga’?

Mateo 9:7

Klɛ anyɛ nɛ alɔ klɛ ashɛ̃ avɛ bupa mɛ.

Marko 2:10

Pɔ kɛ lɛ sɛ tɛ no ti sɛ Anɔdzyrame yɛ Eyi nɛɛ kabhaŋɛŋa kalɛ yɛ ahwɛ nɛ kesukpa nɛa bha sɛ tɛ ayɛkɔ buzizi etsye.” Aɖɔ etsre anɔ nɛ gɛ awɔesukpa nɛ asɛ,

Marko 2:7

“Kide so pɛ anyɛa nɛ aaɖɔ kaɖɔa nɛɛ di? Aaɖɔ ebusobui! Anee gɛ aba na buzizi ayɛkɔ etsye, gɛ odu nu sɛ Kpaya?”

Luka 5:21

Farisianɛ anɛ ɛshã badɔkasɛ be tenɔ ishu etsi, “Ane na nɛ gɛ aɖɔ ebusobui ana? Ane gɛ aba na ebuizizi ayɛkɔ etsye gɛ odi nu Kpaya ko?”

Yohanɛsɛ 10:28

Ɛkɔ alɛ ɛkpã mabeke mabeke, klɛ lɛtɛ ba tsi, anɔnyanɔ atɛ ba bhɛ lɛ nɛ mɛ ahwɛ.

Yohanɛsɛ 17:2

Alasɛ wɔ ɔkɔ yɛ kabhaŋɛŋa nɛ banɔ nɛ petee abha sɛ tɛ aba kɔ ɛkpã mabeke banɔ petee gɛ ɔyɛkɔ kpɛ ahwɛ kɔ yɛ.

Yohanɛsɛ 5:27

Klɛ akɔ yɛ kabhaŋɛŋa tɛ eklu kebhui alasɛ yɛ nu Anɔdzyrame Eyianyɛ.

Yohanɛsɛ 5:8

Ɔkɛlɛ Yesu ɛtsre yɛ asɛ, “Lɔ kititi! Yɛkɔ wɔ oputso tɛ ɔga.”

Axwɛwɛwa 5:31

Kpaya eti bu yɛ ede dzu yɛ kɛŋam ansɛ Ekusieyi anɛ Ayɛyɛkɛkɔanɔ gɛ aba kɔ kitem tsyitsyina anɛ buzizi tɛyɛyɛkɔ tsye Izraɛlanɛ.

Axwɛwɛwa 9:34

Petro etsre yɛ asɛ, “Eneasɛ, Yesu Kristo ebeke wɔ bunya. Lɔ tɛ ɔyɛkɔ wɔ oputso.” Ɔkɛlɛɔlɛlɛ nɛ ko, Aeneasɛ evua lɔ.

2 Kɔrintioanɛ 2:10

Onugɛ nɔ yɛkɔ kibui otsye anɔteli, mɛ tsyɛ ɛyɛkɔ tsye yɛ. Klɛ kɛgɛ ɛyɛkɔ tsye—onugɛ kɛdɔ tili za sɛ ba yɛkɔ tsye—ɛyɛkɔ tsye nɛ Kristo amɛ anɛ́ wunɔɛ tɔkpu,

2 Kɔrintioanɛ 5:20

Kɛlɛso bu nu Kristo ɔzakɔanɔ kpɛkpɛ, anasɛ kɛlɛlɛmɛ sɛ Kpaya ábhɛtɛ yɛ dɔ bibisi ganɔ bulɔ abha. Bu kpɛ kɛtɔkpuesi kɔ nɔ ganɔ Kristo abha: Kɔlɔ bhɛtɛ terikpo nɛ Kpaya.

Efesoanɛ 4:32

Kɔ wɔnɔ ɛyɛmɛ yɔ nɛ eshutukubui didi kɔ ɔhaglɔ, yɛkɔ wɔhaglɔ ebui otsye, anasɛ nɛ Kristoɛ mɛ Kpaya ayɛkɔ tsye nɔ.

Koloseanɛ 3:13

Nɔ bhɛtɛ terikpo nɛ aglɔ klɛ nɔ yɛkɔ tsye kibuinyɛbui di gɛ kɛba za wɔ ahwɛ nɛ ɔhaglɔ. Yɛkɔ tsye anasɛ gɛ Apalete nɛ ayɛkɔ etsye nɔ.