Mateo 9:4 - ONUGBÙ NYƐNYÃ VUVƆ

⁴ Gɛ Yesu atɛ mɔ balɛ atɔkpu nɛ mɛ so, aɖɔ asɛ, “Kide so pɛɛ nɔ nyɛna atɔkpumkpã ebui ɔkpɛ wɔnɔ idzyi mɛ ana?

Mateo 9:4 Iomraidhean Croise

Mateo 12:25

Yesu enyi balɛ atɔkpu nɛ mɛ so etsre alɛ asɛ, “Bukusiɔŋakɔ kanyaka gɛ bu ma kpɛ bupɛ tubha mɛ bu ba yɛɛ, klɛ ɔmagbla nɛ bupa kanyaka gɛ bu pɔɛhle nɛ aglɔ shu bu tɛ ba naa za.

Marko 12:15

Bu buya pɛnɔɔ bɔtɛ buya?” Pɔ Yesu enyi balɛ butsutsɔmɔ. Ebisi alɛ asɛ, “Kide so pɛ nɔ tɔ kɛgba kɔ mɛ?” “Nɔ yɛkɔ wɔnɔ kɔba nɛ tili ɔmɛna tɛ idi.”

Marko 2:8

Yesu eti tsiɔ̃ nɛ yɛ ɔfufɔɛ mɛ asɛ kana banɔ nɛ baa ɖɔ nɛ balɛ idzyi mɛ, klɛ etsre alɛ asɛ, “Kide so pɛ no di ebuia nɛ ana?

Luka 11:17

Yesu eti balɛ atɔkpuɛmɛ ebui klɛ etsre alɛ sɛ: Bukusiɔŋakɔ kanyaka gɛ bu yɛ̀ bupɛ tubha nɛ aglɔ shu bu bawɔlɛ, klɛ onu gɛ bupa tuli lɔ kɛtiti nɛ aglɔ shu bu bayɛ.

Luka 5:22

Yesu eti ebui nɛ gɛ ba ɖɔ nɛ balɛ mɛ klɛ ebisi asɛ, “Kɛdeso gɛ nɔ ɖɔ ebuianɛ nɛ wunɔ dzyi mɛ?

Luka 6:8

Pɔ Yesu amɔ kibui nɛ gɛ batrɔ nɛ tɔkpu mɛ klɛ etsre anɔ nɛ gɛ yɛ ɔhwɛ nɛ osi ku nɛ asɛ, “Lɔ kititi tɛ ɔbɔza banɔnyanɔ amɛ.” Kɛlɛso ada lɔ kititi nɛ ɔkɛlɛ.

Luka 7:40

Yesu ebushunu asɛ, “Simɔn, kibui tili lɛ mahwɛ gɛ ɛba tsre wɔ.” Aɖɔ asɛ, “Tsremɛ, adɔkasɛ.”

Yohanɛsɛ 16:19

Yesu amɔ sɛ bapɛɛ asɛ tɛ be bisi yɛ kɛbui nɛ gɛ aɖɔ nɛesi, so aɖɔ tsre alɛ sɛ, “Nɔ bisi ɛhaglɔ ɛbui nɛesi gɛ ɛɖɔ, ‘Nɛ kɛbe bhliyi nɔ tɛ bɔmɔ mɛ, klɛ kɛlɛede bhliyi ko nɔ bɔ mɔ mɛ’?

Yohanɛsɛ 16:30

Ɔtsɔnɛ bu ba mɔ sɛ onyi ebuia nɛ petee klɛ so kɛ ma sɛ tɛ anɔnyanɔ ebisi wɔ kɛbuinyɛbui. Kɛnɛ kɔ lɔ sɛ bɔ yɛkɛŋa sɛ ode Kpaya kɔ.”

Yohanɛsɛ 21:17

Butramɛ aza ɖɔ tsre asɛ, “Simɔnɛ Yohanɛsɛ yɛ eyi, ɔdɛmɛ mɛ bui xã?” Kɛ puɛ Petro alasɛ butramɛ nyɔ na gɛ Yesu ebisi yɛ bui nɛ sɛ, “Ɔdɛmɛ mɛ bui?” Aɖɔ sɛ, “Apalete, ɔnyi ebui nɛ petee; onyi sɛ ɛdɛmɛ wɔɛ bui.” Yesu aɖɔ sɛ “Kɔ mɛ ibhoshi nɛ kɛdɔŋɛŋa.

Yohanɛsɛ 6:61

Yesu eti asɛ yɛ badɔkpasɛ ba kpɛ onugbuesi nɛ kibui nɛ shu, Yesu etsre alɛ sɛ, “Kɛlɛ kibui nɛ lɔɛtiti nɛ wunɔ shu?

Yohanɛsɛ 6:64

Pɔ wunɔ teli nɔ dɛ yɛkɛŋa.” Alasɛ Yesu eti ti denɔ kesikpɛkpɛ ke bagɛ ba dɛ yɛkɛŋa klɛ agɛ aba kɔ yɛ akpɛ ahwɛ.

Axwɛwɛwa 5:9

Petro ebisi yɛ asɛ, “Kɛlɛ lɛ baza sɛ tɛ nɔ dɛmɛ ɔsɛ obo feke Apalete nɛ Ɔfufɔɛ nɛ odi? Di! Banɔ nɛ ga da vubɔ wenyine nɛ butsrukpɔ nɛ lie dunu, klɛ be be feke wɔ tsyɛ ebu eyinɔ.”

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.