Mateo 8:6 - ONUGBÙ NYƐNYÃ VUVƆ

⁶ Asɛ, “Apalete, mɛ axwɛdɛ teli awɔlɛdɔ klɛ agba eli mɛ bupa nɛm klɛ akpasɛ butɔm gɛganɛɛ.”

Mateo 8:6 Iomraidhean Croise

Mateo 4:24

Be nu yɛ dɔ akana Siria petee, klɛ banɔa gbanɔ balɛ banyɛnya edidedi amɛna yɛ, banɔ teli nɛ ishutɛtã, beteli ɛfufɔɛkpã vua lɛ, beteli baa wɔlɛ ebho, klɛ beteli bagba klɛ ebeke balɛ banya nɛ petee.

Mateo 8:7

Yesu etsre yɛ asɛ, “Ɛba vɛ tɛ ɛda beke yɛ bunya.”

Mateo 9:2

Banɔ teli be tuku anɔgbɛgba nɛ oputsoa bha ebe lu. Gɛ Yesu amɔ bagɛ ba mɛna anɔ nɛ tɛyɛyɛkɛŋa, etsre anɔgbɛgba nɛ asɛ, “Kpɛɛ te, meyi; ba yɛkɔ wɔ buzizi nɛ etsye wɔ.”

Axwɛwɛwa 10:7

Gɛ Kpaya axwɛdɛ nɛ gɛ aɖɔ kaɖɔ nɛ tsre yɛ na shɛ beke nɛ, Kɔnelius eklu yɛ baxwɛdɛ tɛabha nɛ keyutugbani terikpo gɛ nu anɔ gɛ edi yɛ ɔkɔ.

Axwɛwɛwa 8:7

Ganɔ igugu kpɛkpɛ mɛ ɛfufɔɛkpã koeyi nɛ banɔ geleem, klɛ bagɛ bagba nɛ akpatanɛ banya ne beke.

Axwɛwɛwa 9:33

Ɔkɛlɛ ada mɔ anyɛ teli gɛ be kulu asɛ Eneasɛ, gɛ awɔesukpa nɛ oputsoa bha agɔ tasuɔɛ.

Koloseanɛ 3:11

Ɔkɛ̃nɛ Griki ɔdɔgɔsɛ Yuɖaeyi ama, bunyɛnyɛ bhubhui, ɔdɔgɔsɛ bunyɛnyɛ mabhuimabhui, bunuhu bhlatɔ ehuhu, amɛ mabhuimabhui, banɔdzidzi, ɔdɔgɔsɛ ɛshuahwɛ zɛza, pɔ Kristo enu balɛ petee, klɛ alɛ balɛ petee mɛ.

Koloseanɛ 4:1

Bapalete, nɔ kɔ wɔnɔ banɔ dzidzi nɛ kɛgɛ nu kɛdzyɔgo kɛlɛ lɛ pɛɛ̃, alasɛ nɔ nyi sɛ wũnɔ tsyɛ Apalete teli alɛ wɔnɔahwɛ nɛ owũsise.

1 Timotio 6:2

Bagɛ balɛ apaletealɛ nɛ nu banɔ gɛ ba yɛkɛ aŋa, kɛ ma sɛ tɛ ba kɔa lɛ bubu bhli, alasɛ be nu badzya. Nɛ kɛlɛ mɛ, kɛlɛ sɛ ba dɛ balɛ axwɛ nɛ mɔmɔ adɛa na, alasɛ bagɛ balɛ amɔ kɛdzyɔgo edenɔ balɛ axwɛdɛdɛ nɛ mɛ nɛ nu banɔ gɛ bayɛkɛaŋa, klɛ ba lɛ balɛ idzyi shu. Ebuia nɛɛdi ala lɛ sɛ tɛ nɔ kasɛ tɛ nɔ yɛkɔ olua lɛ amɛ.

Filimɔnɛ 1:16

ansɛ anɔ gɛ etie dzi anɔdzidzi, pɔ aba pɛ̃ dɛ anɔdzidzi, aba za ansɛ adzya gɛ ɔɖɔ. Enu anɔ ɖuɖɔ kɔ mɛ pɔ ɔzɔ ɖɔ yɛ ɔdɛ mɛ, ansɛ anyɛ klɛ ansɛ adzya na nɛ Apalete nɛ mɛ.