Mateo 7:25 - ONUGBÙ NYƐNYÃ VUVƆ

²⁵ Subha aba dɔ, nɛ budekeni, klɛ kɛlɛɛ ba fu hunɔ buvu; tsyɛ bɔdɛ kpa, alasɛ buvu nɛ bu denɔ bɔlɛ kesikpɛkpɛ nɛ kɛklãgbua bha.

Mateo 7:25 Iomraidhean Croise

Mateo 16:18

Klɛ mɛ itsre wɔ sɛ wonu Petro, klɛ nɛ kɛklãgbui nɛa bha mɛ ba bhɔ mɛ busɔlɛɔha nɛ ɛtrɔ, klɛ butsi tsyɛ tɛ ba ŋa ɔlɛa bha.

Mateo 7:24

“Kɛlɛ so anɔnyanɔ gɛ enu mɛ ebuia nɛ, klɛ ayɛkɔ alɛ akpɛ tɛbhɛbhɛtɛ mɛ asɔnɔ anɔ nyinyibui gɛ edzu buvu atrɔ kɛklãgbua bha.

Mateo 7:26

Pɔ anɔnyanɔ gɛ enu mɛ ebuia klɛ adɛ yɛkɔ kpɛ tɛbhɛbhɛtɛ mɛ asɔnɔ agã gɛ edzu buvu atrɔ anyɛsɛa bha.

Mateo 7:27

Subha aba dɔ, nɛ budekeni, klɛ kɛlɛɛ nɛ ba fu hunɔ buvu klɛ butsra.”

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Efesoanɛ 3:17

sɛ tɛ Kristo aba za wɔnɔ idzyi mɛ ganɔ tɛyɛyɛkɛŋa abha. Klɛ ibisi sɛ wɔnɔ, nɔ kpɛ igu nɛ anɔ tɛtɛdzuesi mɛ nɛ tɛdɛdɛmɛ nɛ anɔ mɛ,

Koloseanɛ 2:7

nɔ kpɛgu klɛ tɛ nɔ bhɔ ɔtrɔ nɛ yɛ mɛ, tɛ nɔ gɛganɛ nɛ́ tɛyɛyɛkɛŋa mɛ anasɛ gɛ ba kasɛ nɔ, klɛ tɛ nɔ yuku ɔgbɛgba nɛ̀ ahwɛhuhu.

Yakobo 1:12

Ba yula anɔ nɛ gɛ akpɛemi nɛ yɛ tɛfifekedi mɛ, alasɛ onu gɛ ana kɛlɛ nu za nɛɛ, aba yɛkɛ ɛkpã kikutu nɛ gɛ Kpaya aɖɔ asɛ aba kɔ bagɛ ba ɖɔ yɛ.

1 Petro 1:5

ganɔ agɛ tɛyɛyɛkɛŋaɛ abha Kpaya kemi kakpɛ buka kpɛ ɔdɔtɔnɔ kibe nɛ gɛ tɛbhubhuiyɛkɛ kɔ ba kɛlɛ nu tɛbubukasɛ nɛ kibe gugɔɛ nɛabha.

1 Petro 1:7

Anɛ na ba sɛ tɛ wũnɔ tɛyɛyɛkɛŋa—kɛŋaɛdzi gbɛgbladɛ kɔba dzɛdzã, gɛ etsi nɛlɛmɛ sɛ ba yɛ kɔ kifu eŋuse lɛ nɔ—gɛ kɛbakasɛ sɛ kɛnu kɛdzyɔgo klɛ kɛbakɔ tɛkpɛkpɛabha, samɛ kpɛkpɛ anɛ tɛfifeke kabhakpɛkpɛ kɛbelɛlɛ gɛ Yesu Kristo aba ba.

1 Yohanɛsɛ 2:19

Ba shɛ nɛ bulɔɛ shi, pɔ ba dɛ nu bulɔ banɔ kɛgbɛagba. Alasɛ onugɛ benu bulɔ banɔ ba ta wɔ bulɔ bha, pɔ balɛ tɛ shɛshɛ̃ nɛ kasɛ sɛ balɛ akanyaka edi nu bulɔ ayɛ.