Mateo 7:15 - ONUGBÙ NYƐNYÃ VUVƆ

¹⁵ “No lu awɔ̃ nɛ itro batɔnu. Baa ba wɔnɔ amɛ nɛ ibhoshi buplukpa kɛdɔnyunyumu mɛ, pɔ nɛ kɛmɛ, be nu ayakpam bukudzɔgɛ tsutsɔmɔ.

Mateo 7:15 Iomraidhean Croise

Mateo 10:17

“Nɔ lu awɔ̃ nɛ banɔdzyrame, be be vu nɔ ayɛkɔ akpɛ ahwɛ kɔ bamani klɛ ba ba mɛna nɔɛ dɔ nɛ balɛ ixogokɔevu nɛ mɛ.

Mateo 16:11

Kɛlɛ ki dzi so pɛ no too nu kɛlɛe si sɛ ganɛ kɛŋɛŋa shui bui mɛ ɛɖɔ tsre wɔnɔ? Pɔ nɔ za nɛ awɔ̃ nɛ Farisianɛ anɛ Zaɖusianɛ anɛ bunayekedɔ nɛ shu.”

Mateo 16:6

Yesu etsre balɛ asɛ, “No dii mɔ.” “No lu awɔ̃ nɛ Farisianɛ anɛ Zaɖusianɛ anɛ bunayekedɔ nɛ shu.”

Mateo 24:11

klɛ itro batɔnu gelee ba baa wɛ̃ klɛ la ba wɛɛ banɔ gelee.

Mateo 7:14

Pɔ kedunu bhli nɛ kidzo shuɛ kɛlɛ tɔnɔ vɛ ɛkpã mɛ, klɛ banɔ bhli teli ko ba la mɔɛ lɛ.

Luka 12:15

Kɛlɛ aɖɔ tsre alɛ sɛ, “Nɔ di mɔ! Nɔ zanawɔ̃ nɛ kɛdɔ gbɛgbla pɛpɛɛ shu, anɔdzyrame ɛkpã anɛ kɛdɔ gelee zɛza anɔahwɛ mɛ kɛlɛ.”

Luka 6:26

Butɔ kɔ nɔ kibe lɛ mɛ gɛ banɔ gelee aɖɔ kibui dzyɔgo nɛ nɔ shu, alasɛ kana bale akalɛ nɛ abhɛtɛ avɛnɔ itro batɔnu nɛ shu.

Yohanɛsɛ 10:12

Anɔ nɛ gɛ ba yɛkɔ sɛ agbanɔ ibhoshi ganɛ yɛ enu ibhoshi nɛ elete. So kibe lɛ gɛ amɔ ayakpamɛ kakudzɔgɛ nɛ gɛ kaa ba, áshɛ̃nahwɛ ibhoshi nɛ shu klɛ eesi ashɛ̃. Ɔkɛlɛ ayakpamɛ kakudzɔgɛ nɛ kee ku ibhoshiha nɛ mɛ klɛ kaa pɔɛ lɛ ehle.

Axwɛwɛwa 13:40

Di mɔɔ sɛ tɛ kɛgɛ batɔnu na ɖɔ nɛ tɛ bhɛtɛ wɔ:

Axwɛwɛwa 13:6

Ba nyɔ akana bunimɛesukpa nɛ petee abha ɔdɔ nanɔ kibe lɛ gɛ bede ku Pafosɛ. Nɛ ɔkɛlɛ nɛɛ ba tsyanɔ Yuɖanɛ ehuini anɛ otro atɔnu teli gɛ yɛ kinyi nu sɛ Baa-Yesu,

Galatianɛ 2:4

Kibui nɛ kɛ koeyi alasɛ itro badzya teli ba shɔku bulɔɛ shi sɛ tɛ be zuru ebui kpukpu nɛ ishuahwɛ zɛza gɛ bu lɛ nɛ Yesu Kristo nɛ tɛ babhɛtɛ lɔ banɔdzidzi.

Efesoanɛ 4:14

Kɛlɛ bu tɛa dzi banɛvɔ, gɛ kɛlɛɛ ba wanya vɛnɔ kede anɛ otugba klɛ kɛdɔkɛkasɛ kɛlɛɛ ba fu lɔ vɛnɔ ɔkɛ̃ anɛ mɛna ɔkɛ̃ ganɔ banɔ anɔwuwɔɛ anɛ bushɛ edzo bhɛbhɛtɛ mɛ.

Efesoanɛ 5:6

Nɔ tɛ kɔ anɔnyanɔ awɔɛ nɔ nɛ ebui gɛ lama kibuinyɛbui mɛ, alasɛ kɛlɛso ebuia nɛdi shu Kpaya oblo ɔba nɛ bagɛ ba ta tatɔ nɛ abha.

Filipianɛ 3:2

Nɔ dimɔ nɛ bukudzɔgɛ lɛlɛ nɛ shu, banɔ alɛlɛ gɛ ba bhɛtɛ ebui kpã, bagɛ baa vɔ ishuidzya.

Koloseanɛ 2:8

Nɔ di kɛlɛ ɔkɔ sɛ anɔnyanɔ adɛ vu nɔ aganɔ kidzo kɔklɔ̃ nɛ tɛwɛwɔɛ dɔnyinyi, gɛ kɛlɛ anɔdzyrame begu nɛ̀ kanɔ nɛmɛ ebui bhɛbhɛtɛ ɔyɛkɔdɛ Kristo abha.

2 Timotio 3:13

nɛ kibe lɛ mɛ gɛ banɔ tsutsɔmɔ anɛ bagɛ ba wɛanɔ na ba lɔ denɔ butsutsɔmɔ mɛ avɛ butsutsɔmɔ dɛa na nɛ mɛ, aza wɛanɔ klɛ la ba za wɛalɛ tsyɛ.

2 Timotio 4:3

Alasɛ kibe nɛ baa ba gɛ banɔ atɛa nyɛna kɛdɔkɛkasɛ dzyɔgo mɛ evunɔ. Nɛ kɛlɛ ɔzakɔ, sɛ tɛ asɔnɔ balɛ nahwɛ tɛpɛpɛɛ, ba ba gbanɔ badɔkasɛ gelee akana balɛ shu sɛ tɛ be nu ebui nɛ gɛ bala tɔ nɛ gɛ awɛ̃sɛ alɛ nɛ apɛa sɛ tɛ be nu.

2 Petro 3:17

Kɛlɛso, ɛbhɛya mumɔa, nɛ kɛbelɛlɛ nɛ gɛ nɔ tɛ ti kibuinɛ, nɔ zanawɔ̃ sɛ tɛ banɔ gɛ ba taa bhɛtɛ ɔshã abha na ba ga kitoa bha agbanɔ nɔ nɛ wɔnɔ ɔzakɔ dzyɔgo.

1 Yohanɛsɛ 4:1

Ɛbhɛalɛ mumɔa, nɔ tɛ yɛkɛ ɛfufɔɛ ɛkanyaka abhaŋa, pɔ feke ɛfufɔɛ nɛ odi tɛ nɔ mɔ sɛ lɛ de Kpaya kɔ, alasɛ itro batɔnu gelee ba tɛ ga ekoeyi etsoku kanɔ nɛ mɛ.

Yuɖa 1:4

Alasɛ banɔ teli gɛ be bu kɛpɔ pɛ ba ŋlɔmɛ kɛdɔ nɛ balɛ shu kukuku, ba ga tɛkpukpu mɛ ashɔku wɔnɔɛ shi. Be nu banɔ gɛ kpaya ama balɛ mɛ, gɛ be tsyina Kpaya ɛyamyuyɔ nɛ edzi kidzokukɔ kɔ azhuzhɔlɛbui bhɛbhɛtɛ klɛ ba dɛ yɛkɛ Yesu Kristo bulɔ Ishuahwɛzɛza anɛ Apalete terikpo.

Tɛbubukasɛ 16:13

Ɔkɛlɛ mɛ ɛmɔ ɛfufɔɛ kpã tɛta gɛ dzi ansɛ agbɔkɔ; le koeyi edenɔ eblidzyagbla nɛ onugbu mɛ, agavuga nɛ onugbu mɛ anɛ otro atɔnu nɛ onugbu mɛ.

Tɛbubukasɛ 17:6

Ɛmɔ sɛ adzɛ nɛɛ ebuku nɛ banɔnɛna dzyosu, banɔ nɛ gɛ amɔ ebuiaɖɔ nɛ Yesu shu. Gɛ ɛmɔ yɛ nɛɛ, kɛ bhɛtɛ mɛ bi piim.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.