Mateo 6:5 - ONUGBÙ NYƐNYÃ VUVƆ

⁵ “Klɛ kibe nɔɔ nɛ gɛ ɔsɛ okulukpaya, tɛbhɛtɛ ansɛ gɛ itroelete nɛ baa bhɛtɛ, alasɛ balɛ nɛɛ ba pɛɛa sɛ tɛ ba za kititi nɛ oxogokɔevu nɛm, anɛ edzogbla nɛa bha sɛ tɛ banɔ ba mɔ balɛ. Itsre nɔ kɛgba sɛ, balɛ nɛɛ di na tɛ yɛkɛ balɛ ahwɛhuhu nɛ petee.

Mateo 6:5 Iomraidhean Croise

Mateo 21:22

Onu gɛ ɔyɛkɛŋa, ɔbɔ yɛkɛ kɛdɔnyɛdɔ gɛ obisi ganɔ kpayakuklu mɛ.”

Mateo 23:13

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔ da owũsise bukusiɔŋakɔ nɛ ɔkpɛ banɔa. Wɔnɔ nahwɛ no to tsoku, klɛ nɔ tɔ kɔ bagɛ ba pɛa sɛ be tsoku nɛ tsyɛ etsoku.

Mateo 23:5

“Kɛdɔnyɛdɔ gɛ ba bhɛtɛ nɛɛ, ba bhɛtɛ kɛlɛ sɛ tɛ banɔ amɔ, Ba bhɛtɛ balɛ besebe nɛ gɛ ba ta shu nɛ bhlɛlɛlɛ klɛ balɛ bawi nɛ butɔ ihui nɛ dze dzroɖoɖo,

Mateo 23:6

ba pɛɛ ɛzakɔgbla nɛ bakplɔ̃ shu klɛ ba dɛmɛ bugbugbla mɛ zɛza nɛ ixogokɔevu nɛ mɛ,

Mateo 6:1

“Dii mɔ sɛ ɔtɛ ‘bhɛtɛ wɔ ebuidzyɔgo’ nɛ banɔa mɛ, sɛ tɛ ba mɔ wɔ. Onu gɛ ɔbhɛtɛ ana, ɔtɛ bɔ yɛkɛ kɛbhɛnyɛbhɛ denɔ wɔ Aka nɛ Owũsise nɛ ɔkɔ.

Mateo 6:16

“Onu gɛ nɔɔ sɛ tɛ nɔ nya onugbu, nɔ tɔɔ bhɛtɛ ishu ansɛ butɔ mɛ nɔ kpasɛ, ansɛ gɛɛ betroni na bhɛtɛ, alasɛ balɛ bee ɖuɖu amɛ nɛm sɛ tɛ ba wɛ̃ ansɛ banɔ gɛ baa nya inugbu. Itsre nɔ kɛgba sɛ, batɛ yɛkɛ bala abhɛ nɛ petee.

Mateo 6:2

“So onu gɛ ɔɔkɔ etsyutsyuini dɔ, tɛ kpɛ kɛlɛ ogugu ganɔ buxulɔ̃ɛ bubɔ mɛ, ansɛ gɛ itroelete nɛ baa bhɛtɛ nɛ ixogokɔevu nɛ mɛ nɛ edzogbla nɛa bha, sɛ tɛ be ku anɔ awɔ̃. Itsre wɔnɔ kɛgba sɛ, bagɛ baa bhɛtɛ ana ba tɛ yɛkɛ balɛ ahwɛhuhu nɛ petee.

Mateo 9:38

No bisi Kɛxwɛaka sɛ tɛ asɛsɛ baxwɛwa nɛ buya nɛ mɛ.”

Marko 11:25

So, onu gɛ oli pɛ oklukpaya, pɛ anɔ teli kibui zizi kpasɛ wɔ ishu mɛ, yɛ kɔ otsye yɛ, tɛ wɔ aka nɛ owũsise tsyɛ ayɛkɔ wɔ buzizi nɛ etsye wɔ.”

Marko 12:38

Nɛ yɛ kɛdɔ kɛkasɛ nɛ mɛ Yesu aɖɔ asɛ, “No vu awɔ̃hũ nɛ ɛshãbadɔkasɛ. Kinu balɛ tɛpɛpɛ sɛ tɛ baza balɛ bawi dzidze nɛ mɛ tɛ baza mɔ balɛ asɛnɔ nɛ budzi nɛ mɛ,

Luka 11:43

“Butɔ kɔ wɔnɔ Farisianɛ, alasɛ nɔ pɛɛ ɛzakɔ ɖɛɖamadɛ nɛ ɛxogokɔvu nɛ mɛ nɛ tɛsɛsɛnɔ nɛ budzi nɛ mɛ.

Luka 18:1

Ɔkɛlɛ Yesu akpɛ kɛkpalɛ akɔ badɔkpasɛ na sɛ tɛ baza kpayakuklu abha kibenyɛbe klɛ tɛ ba tɛ kɔɛ tɔkpu.

Luka 18:13

Pɔ adɔdzyɔ alɔɛ titi nɛ odzidze kɔ. Edi bu amɛ akpɛ kabha edi owũsise kuratsyɛ, pɔ edzu ahwɛ nɛ te mɛ klɛ aɖɔ sɛ, ‘Kpaya di mɛ eshutukubui, anɔzizi mɛ nu.’

Luka 20:47

Ba yɛkɔ banyɛtsi bupa mɛ ɔbhɛtɛ balɛ ɔzakɔ klɛ ba yɛkɔ kpayakuklu dzidze akasɛ ishu nɔ. Banɔ alɛlɛ nɛdi bá ba tɛta balɛ bátɔ tsutsɔmɔ tsutsɔmɔ.”

Luka 6:24

“Pɔ butɔ kɔ wunɔ agɛ nɔ mɔ ehoeyi, alasɛ nɔ tɛyɛkɛ wunɔ kibui dzyɔgo.

Yohanɛsɛ 16:24

Ɔdɔtɔnɔ ɔtsɔnɛ nɔ kɔ bisi kɛdɔnyɛdɔ nɛ mɛ nyi mɛ. Nɔ bisi klɛ nɔ bɔ yɛkɛ, klɛ wunɔ same aba na.

Efesoanɛ 6:18

Klɛ klukpaya nɛ Ɔfufɔɛ nɛ mɛ kibenyɛbe nɛ kpayakuklu kanyakaɛdi anɛ tɛbibisi. Nɛ̀ kɛnɛ nɛ́ tɔkpuimɛ, zanɛ awɔ̃ klɛ kibenyɛbe za kpayakuklu abha kɔ kpaya banɔ.

1 Tɛsolonianɛ 5:17

za kpayakuklua bha;

Yakobo 4:6

Pɔ akɔ lɔ ɛyamyuyɔ gelee. Kɛlɛ so pɛ Kɛdɔŋuŋlɔmɛ nɛ ɖɔ sɛ, “Kpaya alɔ kititi nɛ agɛ efekeshu nɛ shu pɔ akɔ agɛ ezhinɔ ishuesi nɛ ɛyamyuyɔ.”