Mateo 6:2 - ONUGBÙ NYƐNYÃ VUVƆ

² “So onu gɛ ɔɔkɔ etsyutsyuini dɔ, tɛ kpɛ kɛlɛ ogugu ganɔ buxulɔ̃ɛ bubɔ mɛ, ansɛ gɛ itroelete nɛ baa bhɛtɛ nɛ ixogokɔevu nɛ mɛ nɛ edzogbla nɛa bha, sɛ tɛ be ku anɔ awɔ̃. Itsre wɔnɔ kɛgba sɛ, bagɛ baa bhɛtɛ ana ba tɛ yɛkɛ balɛ ahwɛhuhu nɛ petee.

Mateo 6:2 Iomraidhean Croise

Mateo 15:7

Wɔnɔ betroni! Yezaya kɛbui dzyɔ gɛ amɔɖɔ nɛ wɔnɔ shu asɛ:

Mateo 16:3

klɛ nɛ kɛvulɔ mɛ, ‘Obo kɛlɛ ba fu, alasɛ owũsise nɛ ɔdzã klɛ lɔ da gblo.’ No nyi kana gɛ nɔ bɔ kla owũsise nɛ obu ɔlɛe si, pɔ nɔ tɛ ɔna kibe nɛ mɛ kɛdɔmumɔ nɛe si bu.

Mateo 22:18

Pɔ gɛ Yesu enyi butsutsɔmɔ nɔ gɛ kpasɛ balɛ kɛtɔkpum so, etsre balɛ asɛ, “Wɔnɔ betroni, kide pɛ nɔ pɛ mɛ sɛ tɛ no bu nɛ kɛgbam?

Mateo 23:5

“Kɛdɔnyɛdɔ gɛ ba bhɛtɛ nɛɛ, ba bhɛtɛ kɛlɛ sɛ tɛ banɔ amɔ, Ba bhɛtɛ balɛ besebe nɛ gɛ ba ta shu nɛ bhlɛlɛlɛ klɛ balɛ bawi nɛ butɔ ihui nɛ dze dzroɖoɖo,

Mateo 23:6

ba pɛɛ ɛzakɔgbla nɛ bakplɔ̃ shu klɛ ba dɛmɛ bugbugbla mɛ zɛza nɛ ixogokɔevu nɛ mɛ,

Mateo 24:51

Ebe bhui yɛ akpɛ bupɛpɛpɛ mɛ klɛ aba kɔ yɛ kɛxwɛ nɛ betroni nɛ shi, nɛ ɔkɛlɛ gɛ iyuyo nɛ eletɛtã alɛ.

Mateo 5:18

Itsre nɔ kɛgba, ɔdɔnanɔ kibe lɛ gɛ owũsise anɛ kesukpa kaa lɛla, kɛdɔ ŋuŋlɔmɛ bhli dɛ, kɛdɔŋlɔmɛshi kɛdɔfuflɔ̃ bhli, ganɔ kidzo nyɛdzoa bha nɛ tɛ baa lɛla nɛ Ɔshã nɛm ɔdɔnanɔ kibe lɛ gɛ kibuinyɛbui kɛ bɛɛ lɛm beke.

Mateo 6:16

“Onu gɛ nɔɔ sɛ tɛ nɔ nya onugbu, nɔ tɔɔ bhɛtɛ ishu ansɛ butɔ mɛ nɔ kpasɛ, ansɛ gɛɛ betroni na bhɛtɛ, alasɛ balɛ bee ɖuɖu amɛ nɛm sɛ tɛ ba wɛ̃ ansɛ banɔ gɛ baa nya inugbu. Itsre nɔ kɛgba sɛ, batɛ yɛkɛ bala abhɛ nɛ petee.

Mateo 6:3

Pɔ onu gɛ ɔɔkɔ anɔɔ nɛ gɛ alɛasɛ ba kɔ kɛdɔ, tɛ kɔ wɔ kɛbɛtɛkpɛ ɔhwɛ nɛ oti kɛdɔnɔ nɛ gɛ kɛŋa ɔhwɛ nɛ ɔɔbhɛtɛ,

Mateo 6:5

“Klɛ kibe nɔɔ nɛ gɛ ɔsɛ okulukpaya, tɛbhɛtɛ ansɛ gɛ itroelete nɛ baa bhɛtɛ, alasɛ balɛ nɛɛ ba pɛɛa sɛ tɛ ba za kititi nɛ oxogokɔevu nɛm, anɛ edzogbla nɛa bha sɛ tɛ banɔ ba mɔ balɛ. Itsre nɔ kɛgba sɛ, balɛ nɛɛ di na tɛ yɛkɛ balɛ ahwɛhuhu nɛ petee.

Mateo 7:5

Wɔ etroni, bu kesukpogunu nɛ wɔ kɛwɔ̃hũ nɛ mɛ, tɛ ɔmɔ mɔmɔ kɔ wadzya nɛ yɛ tɛbubu.

Marko 12:39

tɛ bamɔ ɛzakɔ gbɛgbla nɛ ixogokɔvu nɛ mɛ, nɛ kinyibgla ɛzakɔ nɛ kɛdɔŋakɔ.

Marko 7:6

Yesu ebui lɛ nu asɛ, “Yezaya kibui dzyɔ nɛ ebui nɛ gɛ aɖɔ elu nɛ wɔnɔ shu sɛ no nu baa nɔ gɛ nɔtɔɔ ɖɔ kibui kɛwɔ̃hu; ansɛ gɛ ba ŋlɔmɛ elu asɛ: “ ‘Banɔa nɛ baɖɔ mɛ nɛ balɛ inugbu, pɔ balɛ idzyi mɛ aga ɔtɔ nɛ mɛ shu.

Luka 11:41

Pɔ yɛ kɔ kɛ gɛ kpasɛ kesugba nɛmɛ ɔkɔ betsyuitsyuini klɛ kɛdɔnyɛdɔ shu ba bhui kɔ wɔ.

Luka 11:43

“Butɔ kɔ wɔnɔ Farisianɛ, alasɛ nɔ pɛɛ ɛzakɔ ɖɛɖamadɛ nɛ ɛxogokɔvu nɛ mɛ nɛ tɛsɛsɛnɔ nɛ budzi nɛ mɛ.

Luka 12:33

Dɛ wɔ kɛdɔnyɛdɔ tɛ ɔyɛkɔ kɔ betsyutsyuini. Nɔ bala akpɛtɛ gɛ la tɛ ba tsa kɔ ishu, bala wɔ ehoeyi nɛ owũsise gɛ kɛdɔ tɛ ba beke nɛ ɔlɛ mɛ di, ɔkɛlɛ gɛ bezi be ti be tsobunɔ nɛ gɛ bugɔɛ tɛ batã lɛ.

Luka 12:56

Itroelete! Nɔ nyi kana gɛ nɔ bɔ bu kesukpa anɛ̀ owũsise mɛ tɛzɛzae si. Kide so gɛ nɔ tɛ nyi kana gɛ nɔ bɔ bu ɔtsɔnɛ ebui nɛesi?

Luka 13:15

Apalete ebushunu akɔ yɛ asɛ, “Wunɔ betroni! Wunɔ mayɛ kanyaka nɛ Kimoenewui abha ebe bule yɛ nɛntsyɔɛ pɛnɔ kitukuaga nɛ yɛ ohuimɛ klɛ agbanɛ yɛ avɛnɔ sɛ tɛ ada kɔ yɛ buni?

Luka 20:46

“No di ishuabha denɔ Ɛshã badɔkasɛ nɛ shu. Ba pɛɛ asɛ tɛ be nyumu kɛdɔ gbɛgbla tɛ ba za ga nyɔ klɛ tɛ banɔ ba za sɛnɔ alɛ nɛ budzi gbɛgbla mɛ klɛ tɛ ba yɛ kɛ ɔzakɔ gbɛgbla nɛ ɛxogokɔvu nɛ mɛ nɛ̀ kɛdɔŋakɔ gbɛgbla.

Luka 6:24

“Pɔ butɔ kɔ wunɔ agɛ nɔ mɔ ehoeyi, alasɛ nɔ tɛyɛkɛ wunɔ kibui dzyɔgo.

Luka 6:42

Kɛlɛ ɔbɔ na ɖɔ tsre wɔ adzya, ‘Adzya, kɔ mɛ bu osi apɛ bhli nɛ wɔ kɛwɔ̃hũ nɛ mɛ,’ nɛ kɛbe lɛ gɛ wɔnahwɛ ɔdɛ mɔ kesukpogunu nɛ wɔ nahwɛ kɛwɔ̃hũ nɛ mɛ? Wɔ etroni, putɔ tɛ obu kesukpogunu nɛ wɔ kɛwɔ̃hũ nɛ mɛ, klɛ flogo pɛ ɔbɔ mɔ mɔmɔ pɛ obo bu osi apɛ bhli nɛ wɔadzya kɛwɔ̃hũ nɛ mɛ.

Yohanɛsɛ 13:29

Gɛ Yuɖasɛ yɛ abala kɔba nɛ so, be teli ba yɛkɔɛ lɛ sɛ, Yesu etsre yɛ asɛ tɛ ada dzi kɛdɔ nɛ gɛ kɛlɛ shu xwɛ gɛ ba bawa nɛ Kiwui nɛ mɛ, pɛnɔ ada kɔ betsutsukpɛ̃ kɔba teli.

Yohanɛsɛ 5:41

“Ɛtɛɛ yɛkɛ kabhakpɛkpɛ denɔ banɔ kɔ,

Yohanɛsɛ 5:44

Kɛlɛ nɔ bɔ yɛkɛŋa onugɛ nɔ yɛkɛ kabhakpɛkpɛ denɔ wɔnɔhaglɔ kɔ, pɔ nɔ dɛbhɛtɛ kɛdɔnyɛdɔ tɛ nɔ yɛkɛ kabhakpɛkpɛ denɔ anɔ nɛ gɛ ede Kpaya Terikpo nɔ kɔ?

Yohanɛsɛ 7:18

Anɔ nɛ gɛ aɖɔaɖɔ nɛ yɛ nahwɛshu ahwɛ apɛɛ tɛgbɛgbla kɔ ishu, pɔ anɔ gɛ awa kɛxwɛ kɔ agɛ akpɛ yɛ, sɛ tɛ akpɛ yɛnyi nɛabha, enu anɔ gɛ aɖɔ kibui gbɛagba, kibuinyɛbui dɛ zi nɛ yɛ shu.

Axwɛwɛwa 10:2

Yɛ anɛ yɛeshopoalɛ nɛ petee be dzi banɔ gɛ bayɛkɔ ishu akɔ klɛ be si Kpaya; akɔ banɔ kɛdɔ nɛ ɛyamyuyɔ banɔ bagɛ alasɛ ba kɔɛ dɔ klɛ bee klu Kpaya kibenyɛbe.

Axwɛwɛwa 10:31

klɛ aɖɔ sɛ, ‘Kɔneliusɛ, Kpaya eti nu wɔ yɛ tɛkukulu klɛ abaka wɔ kɛdɔkukɔ kɔ betsyuitsyuini.

Axwɛwɛwa 10:4

Kɔneliusɛ edi yɛ nɛ kifu sisim. Klɛ ebisia sɛ, “Kide gɛ ba, Apalete?” Axwɛdɛ nɛ asɛ, “Wɔ kpayakuklu nɛ betsyutsyuini kɛdɔkukɔ kɛ ba dzi kɛdɔkukɔ gɛ batɛ ba dzɛkɛ nɛ Kpaya amɛ.

Axwɛwɛwa 11:29

Badɔkpasɛ, akanyaka nɛ yɛ tɛzɛzam nu, na trɔ sɛ ba ba kɔ balɛ adzyalɛ nɛ ga lɛ Yuɖia nɛ tɛpɛplɛnɔ.

Axwɛwɛwa 24:17

“Nɛ mɛ maza maza agɔ gelee de, ɛba ba Yerusalɛm sɛ tɛ ɛmɛna manɔa lɛ nɛ kɛdɔkukɔ, kɔ betsyutsyuni tɛ ɛbhɛtɛ ɔfufɔɛ mɛ kɛdɔkukɔ tsyɛ.

Axwɛwɛwa 9:36

Nɛ Yoppa adɔkpasɛ teli aza ɔkɛlɛ gɛ be klu asɛ Tabita (gɛ onu be bu kɛlɛesi nɛɛ, kinu sɛ Dɔkasɛ) gɛ kɛdzyɔgo ko aabhɛtɛ aplɛnɔ betsyutsyuini.

Romanɛ 12:8

onu kɛ nu kemikpɛkpɛ, kɔ yɛ akpɛ anɔ kemi, onu kinu kɛdɔdzyudzyɔ kɔ banɔ bhlatɔ, kɔ akɔɛ lɛ nɛ yɛ yam petee, onu kinu anɔnuzɛza, kɔ yɛ agbanɛ anɔ mɔmɔ; onu kinu eshutukubui didi, kɔ abhɛtɛ lɛ nɛ same.

1 Kɔrintioanɛ 13:3

Onugɛ gɛ ɛyɛkɔ mɛ dɔnyɛdɔ kɔ etsyutsyuini klɛ ɛyɛkɔ mɛshuidzya kɔ sɛ tɛ ba puɛ, pɔ tɛdɛdɛmɛnɔ ma mahwɛ, ɛdɛ nu kɛdɔnyɛdɔ.

Galatianɛ 2:10

Bagɛ alɛ petee bebisi alɛ dzi sɛ bu za kɛlɛabha tɛ bu zɛ baka betsutsuikpɛ̃ nɛ bui, kɛdɔɛ lɛlɛ nɛ gɛ ɛpɛɛ sɛ tɛ ɛbhɛtɛ.

Efesoanɛ 4:28

Anɔ nɛ gɛ ezuru ete zuru, pɔ awa kɛxwɛ, ayɛkɔ yɛ ɛhwɛ aza bhɛtɛ kɛdɔ dzyɔgo tili nɔ, tɛ amɔ kɛdɔ tili tɛ aba ya kɔ anɔ nɛ gɛ apɛɛ dɔ.

1 Tɛsolonianɛ 2:6

Bu tɛɛ pɛɛ bulɔ kabhakpɛkpɛ denɔ banɔ ɔkɔ, ganɛ denɔ wɔnɔ kɔ ɔdɔgɔsɛ anɔnyanɔ ɔkɔ. Ansɛ Kristo banɔkpɛkpɛ ana bu ta dzi kituku kɔ nɔ,

1 Timotio 6:18

Bu otsre alɛ sɛ ba bhɛtɛ kɛdzyɔgo, tɛ kibui dzyɔgo ehoeyi aza balɛ ahwɛ, tɛ ba pɛ̃ ɛyam tɛ ba dɛmɛ akɔ kɛdɔ.

Filimɔnɛ 1:7

Wɔ tɛɖuɖɔ nɛ kɔ mɛ same piim kemikpɛkpɛ, alasɛ wɔ, adzya, ɔkpɛ kpaya banɔ nɛ idzyi same.

Hebriuanɛ 13:16

Klɛ tɛ dzɛkɛ kɛdɔ dzyɔgo bhɛbhɛtɛ shu lu klɛ tɛ ɔkɔ wɔhaglɔɛ dɔ, alasɛ buguɛ nɛdi bulɛ ku Kpaya awɔ̃.

1 Petro 4:11

Onugɛ anɔnyanɔ aba ɖɔ, abhɛtɛ lɛ anasɛ aɖɔ Kpaya ebui alɛlɛ, Onugɛ anɔnyanɔ adɛ axwɛ, abhɛtɛ lɛ nɛ̀ tɛgɛganɛ gɛ Kpaya akɔ yɛ, sɛ tɛ nɛ ebuinɛ petee mɛ ba bakpɛ Kpaya nyi nɛabha aganɔ Yesu Kristo abha. Kɔ yɛ kɛlɛ nu ishubhubhui anɛ̀ kemi denɔ mabeke ɔvɛnɔ mabeke. Tɛlɛbɛlɛm.