Mateo 6:16 - ONUGBÙ NYƐNYÃ VUVƆ

¹⁶ “Onu gɛ nɔɔ sɛ tɛ nɔ nya onugbu, nɔ tɔɔ bhɛtɛ ishu ansɛ butɔ mɛ nɔ kpasɛ, ansɛ gɛɛ betroni na bhɛtɛ, alasɛ balɛ bee ɖuɖu amɛ nɛm sɛ tɛ ba wɛ̃ ansɛ banɔ gɛ baa nya inugbu. Itsre nɔ kɛgba sɛ, batɛ yɛkɛ bala abhɛ nɛ petee.

Mateo 6:16 Iomraidhean Croise

Mateo 6:1

“Dii mɔ sɛ ɔtɛ ‘bhɛtɛ wɔ ebuidzyɔgo’ nɛ banɔa mɛ, sɛ tɛ ba mɔ wɔ. Onu gɛ ɔbhɛtɛ ana, ɔtɛ bɔ yɛkɛ kɛbhɛnyɛbhɛ denɔ wɔ Aka nɛ Owũsise nɛ ɔkɔ.

Mateo 6:2

“So onu gɛ ɔɔkɔ etsyutsyuini dɔ, tɛ kpɛ kɛlɛ ogugu ganɔ buxulɔ̃ɛ bubɔ mɛ, ansɛ gɛ itroelete nɛ baa bhɛtɛ nɛ ixogokɔevu nɛ mɛ nɛ edzogbla nɛa bha, sɛ tɛ be ku anɔ awɔ̃. Itsre wɔnɔ kɛgba sɛ, bagɛ baa bhɛtɛ ana ba tɛ yɛkɛ balɛ ahwɛhuhu nɛ petee.

Mateo 6:5

“Klɛ kibe nɔɔ nɛ gɛ ɔsɛ okulukpaya, tɛbhɛtɛ ansɛ gɛ itroelete nɛ baa bhɛtɛ, alasɛ balɛ nɛɛ ba pɛɛa sɛ tɛ ba za kititi nɛ oxogokɔevu nɛm, anɛ edzogbla nɛa bha sɛ tɛ banɔ ba mɔ balɛ. Itsre nɔ kɛgba sɛ, balɛ nɛɛ di na tɛ yɛkɛ balɛ ahwɛhuhu nɛ petee.

Marko 2:18

Yohanɛsɛ badɔkpasɛ anɛ Farisianɛ naa nya onugbu. Banɔ teli ba ba ebe bisi Yesu asɛ, “Kɛde so pɛɛ Yohanɛsɛ badɔkpasɛ anɛ Farisianɛ badɔkpasɛ nɛ baa nya onugbu pɛɛ wayɛalɛ xũ na taa nya?”

Luka 18:12

Ɛnyaonugbu ɔgɔnɛ torikpo anya tabha, klɛ ɛkɔ tirikpo nɛ kɛfɔ nɛ gɛ lɛ mɛ ahwɛ.’

Luka 2:37

klɛ kɛlɛe de edzi anyɛtsi ɔdɔtɔnɔ gɛ ayɛkɛ agɔ afɛtasɔɛ nɛ talɛ̃. Adɛ shɛnahwɛ kpaya buvu mɛ zɛza lu, pɔ akpɛ tɔkpuesi elishi anɛ kemuze, anya onugbu klɛ eklukpaya.

Axwɛwɛwa 10:30

Kɔneliusɛ ebui lɛ nu asɛ: “Nɛ ewi talɛ̃ gɛ aba fla nɛ mɛ ɛza mɛ bupa mɛ ɛklukpaya nɛ kemuze ɛɖa tɛtam. Ɔkɛlɛ ko ɛmɔ anyɛ teli gɛ enyumu kɛdɔ fufu gɛ kɛta shiãshiã

Axwɛwɛwa 14:23

Paolo anɛ Banabasɛ edzu beshishe nɛ busɔlɛɔha ɔkanyaka nu klɛ, ɔyɛkɔ plɛnɔ onugbunyɛnya anɛ kpayakuklum, ayɛkɔa lɛ akpɛ ahwɛ kɔ Apalete, gɛ yɛabha la yɛkɛ aŋa.

1 Kɔrintioanɛ 7:5

Nɔti gbe ishu kukɔ ɔhaglɔ odi nu sɛ wunɔ tɛabha nɛ tɛtɛtrɔ klɛ kɔ kibe, sɛ tɛ nɔ kɔ kpayakuklu. Nɔ tsodzi ɔba aglɔbha zia sɛ tɛ Satana eti be feke nɔ edi alasɛ nɔ̀ dɛ ŋa ɛshuabha.

2 Kɔrintioanɛ 11:27

Ɛwa kɛxwɛ gɛganɛ klɛ ɛmɔ butɔ klɛ ɛzanɛ awɔ̃ ebemɛ, eti bubhɛ anɛ oniwɛ klɛ ɛza ebe mɛ kɛdɔ maŋamaŋa, bublɔ yimɛ ebemɛ klɛ ɛza alagba.

2 Kɔrintioanɛ 6:5

nɛ tɛtutuɛ mɛ, buvuzɛza anɛ kɛdɔziziogugu kpɛkpɛ, kɛxwɛ gɛganɛ wuwa, elishi tramadɔmadɔ anɛ̀ bubhɛdɛdɔ,