Mateo 6:1 - ONUGBÙ NYƐNYÃ VUVƆ

¹ “Dii mɔ sɛ ɔtɛ ‘bhɛtɛ wɔ ebuidzyɔgo’ nɛ banɔa mɛ, sɛ tɛ ba mɔ wɔ. Onu gɛ ɔbhɛtɛ ana, ɔtɛ bɔ yɛkɛ kɛbhɛnyɛbhɛ denɔ wɔ Aka nɛ Owũsise nɛ ɔkɔ.

Mateo 6:1 Iomraidhean Croise

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Mateo 16:6

Yesu etsre balɛ asɛ, “No dii mɔ.” “No lu awɔ̃ nɛ Farisianɛ anɛ Zaɖusianɛ anɛ bunayekedɔ nɛ shu.”

Mateo 23:13

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔ da owũsise bukusiɔŋakɔ nɛ ɔkpɛ banɔa. Wɔnɔ nahwɛ no to tsoku, klɛ nɔ tɔ kɔ bagɛ ba pɛa sɛ be tsoku nɛ tsyɛ etsoku.

Mateo 23:5

“Kɛdɔnyɛdɔ gɛ ba bhɛtɛ nɛɛ, ba bhɛtɛ kɛlɛ sɛ tɛ banɔ amɔ, Ba bhɛtɛ balɛ besebe nɛ gɛ ba ta shu nɛ bhlɛlɛlɛ klɛ balɛ bawi nɛ butɔ ihui nɛ dze dzroɖoɖo,

Mateo 25:40

“Ekusi nɛ ebe bui lɛ nu asɛ, ‘Ítsre nɔ kɛgba sɛ, kɛdɔnyɛdɔ nɔ bhɛtɛ kɔ anɔ bhli kanyaka nɛ madzyalɛa nɛ mɛ, mɛ nɔ bhɛtɛ kɔ.’

Mateo 5:16

Kana kidzoɛ lɛ nɛa bha ke, nɔ kɔ wɔnɔ kifu nɛ deke nɛ banɔa mɛ, sɛ tɛ bamɔ wɔnɔ kibuigba bhɛbhɛtɛ klɛ tɛ ba kpɛ wɔnɔ Aka nɛa bha nɛ owũsise.

Mateo 5:46

Onu gɛ ɔɔɖɔ bagɛ baa ɖɔ wɔ, kide ɔbɔ mɔ nɛ kɛlɛ mɛ? Sɛ badɔdzyɔ nɛ tsyɛ baa bhɛtɛ ana?

Mateo 5:48

Nɔ za nɛ tɛnɛna mɛ, ansɛ gɛ wɔnɔ Owũsise Aka nɛ alɛ nɛ tɛnɛna mɛ.

Mateo 6:16

“Onu gɛ nɔɔ sɛ tɛ nɔ nya onugbu, nɔ tɔɔ bhɛtɛ ishu ansɛ butɔ mɛ nɔ kpasɛ, ansɛ gɛɛ betroni na bhɛtɛ, alasɛ balɛ bee ɖuɖu amɛ nɛm sɛ tɛ ba wɛ̃ ansɛ banɔ gɛ baa nya inugbu. Itsre nɔ kɛgba sɛ, batɛ yɛkɛ bala abhɛ nɛ petee.

Mateo 6:9

“Ɔtsɔ̃, kanii, alɛ asɛ tɛ no zo klukpaya: “ ‘Bulɔ Aka nɛ owũsise, wɔɛ nyi la ba kpɛ nɛ abha,

Marko 8:15

Yesu etsre alɛ asɛ, “Nɔ dii mɔ.” “No vu awɔ̃hũ nɛ Farisianɛ anɛ Heroɖesɛ bunɛyekedɔ.”

Luka 11:35

Kɛlalɛ di lɔkɔ sɛ kifu nɛ gɛ kɛ lɛ wɔ mɛ kɛtɛdzi otumu.

Luka 12:1

Nɛlɛbe, gɛ banɔɛza anasɛ akpã bexogo, so ba ga aglɔ abha, Yesu akpɛ kaɖɔɖuɖɔ oputɔnɔ kɔ yɛ badɔkpasɛ sɛ: “No di shuabha mɔmɔ nɛ Farisianɛ nɛ gɛ be bunɛyekedɔ, gɛ kinu otroebui bhɛbhɛtɛ shu.

Luka 12:15

Kɛlɛ aɖɔ tsre alɛ sɛ, “Nɔ di mɔ! Nɔ zanawɔ̃ nɛ kɛdɔ gbɛgbla pɛpɛɛ shu, anɔdzyrame ɛkpã anɛ kɛdɔ gelee zɛza anɔahwɛ mɛ kɛlɛ.”

Luka 16:15

Yesu etsre alɛ sɛ, “wunɔ nu banɔ nɛ gɛ nɔ bu shu tsya nɛ banɔ amɛ, pɔ Kpaya enyi wunɔ dzyi mɛ. Kɛdɔnɔ gɛ bayɛkɔ sɛ kinu kɛdɔ gbɛgbla nɛ banɔ amɛ, ki di yi kɛdɔnyɛdɔ nɛ Kpaya amɛ.

Yohanɛsɛ 12:43

alasɛ ba dɛmɛnɔ kɛnyi kpɛkpɛ nɛabha denɔ banɔ kɔ dɛ kɛnyi kpɛkpɛ denɔ Kpaya kɔ.

Yohanɛsɛ 5:44

Kɛlɛ nɔ bɔ yɛkɛŋa onugɛ nɔ yɛkɛ kabhakpɛkpɛ denɔ wɔnɔhaglɔ kɔ, pɔ nɔ dɛbhɛtɛ kɛdɔnyɛdɔ tɛ nɔ yɛkɛ kabhakpɛkpɛ denɔ anɔ nɛ gɛ ede Kpaya Terikpo nɔ kɔ?

Axwɛwɛwa 3:12

Gɛ Petro amɔ kibui, etsre balɛ asɛ, “Izraɛlanɛ mɔ, kide so pɛ kibui nɛ bhɛtɛ wɔnɔɛ bi? Kide pɛ noo yele lɔ ansɛ kɛdɔ gɛ bulɔ nahwɛ kemim ɔdɔgɔsɛ ɔfufɔɛ mɛzɛza nu lɔ yɛkɔ bhɛtɛ anyɛ nɛ pɛ aga?

Galatianɛ 6:12

Bagɛ ba pɛɛ asɛ tɛ beku awɔ̃ nɛ kede bui mɛ ba la wlãnkɛ sɛ tɛ be bhui bunyɛnyɛ kɔ nɔ. Kɛ dɔ tirikpo shu so gɛ babhɛtɛ lɛ kɛlɛ nu sɛ ba dɛ pɛɛ sɛ tɛ ba kpatɔnɔ alɛ nɛ Kristo yɛ butsiosi nɛ shu.

Hebriuanɛ 11:26

Adɛmɛ kɛwɔɛ̃ gɛ ba ba kpɛɛ yɛ nɛ Kristo tɔkpu dɛ kisiredɔ gɛ aba mɔ nɛ Egipte, alasɛ edi kɛdɔ gɛ aba mɔ nɛ otugba.

Hebriuanɛ 2:1

Alasɛ tɛ buza awɔ̃zɛza abha mɔmɔ, kɔ ebui nɛ gɛ bunu, sɛ tɛ batɛ bege lɔ ashɛnɔ.

Hebriuanɛ 6:10

Kpaya edinu anɔ gɛ ata bhɛtɛ ebui nɛ alɛ ɔzakɔ, atɛ ba dzɛkɛ wɔnɔ kɛxwɛwuwa nɛ yɛ tɛɖɛɖɔ gɛ nɔ kasɛ yɛ anasɛ gɛ nɔ plɛnɔ yɛ banɔ nɛ gɛ nɔ kɔ tsri lɛabha plɛnɔ alɛ.

2 Yohanɛsɛ 1:8

No di shuabha sɛ nɔ dɛ lɛla kɛdɔ nɛ gɛ nɔ waɛxwɛ kɔ, pɔ sɛ tɛ ba buya kɛbhɛ nɛna kɔ nɔ.