Mateo 5:8 - ONUGBÙ NYƐNYÃ VUVƆ

⁸ Ba yula bagɛ balɛ idzyi mɛ ebhui, alasɛ balɛ aba mɔ Kpaya.

Mateo 5:8 Iomraidhean Croise

Axwɛwɛwa 15:9

Adɛ kpɛ ɔtɔgɛga nɛ bulɔ nɛ balɛ kishi, alasɛ eplu balɛ idzyi nɛm nɛ tɛyɛyɛkɛŋa.

1 Kɔrintioanɛ 13:12

Ɔtsɔ̃nɛ bu mɔ pɔ tɛ mumɔ mabhui mabhui anasɛ azhuzhwɛ̃ mɛ dɔ, kɛlɛede bu ba mɔ amɛ nɛ amɛ. Ɔtsɔ̃nɛ ɛnyi kegunu, nɛ kɛlɛede ɛba ti mɔmɔ, anasɛ gɛ ɛtɛ ti tsyɛ.

2 Kɔrintioanɛ 7:1

Mɛ ɛbhɛalɛ, Nɛ kibelɛlɛ gɛ atɔnu alɛ bulɔ ahwɛ, mɛ ɔbhɛya lɛ mumɔa, nɔ kɔ lɔ plu bulɔnahwɛshu denɔ kɛdɔnyɛdɔ gɛ kɛba tutru lɔ shuidzya anɛ ɔfufɔɛ, sɛ tɛ bu za amɛ bhubhui mɛ kɔ Kpaya.

Titusɛ 1:15

Kɔ bagɛ balɛ shu bhui, kɛdɔnyɛdɔ shu bhui kɔa lɛ, pɔ kɔ bagɛ balɛ eti zi klɛ ba dɛ yɛkɛaŋa nɛɛ, kɛdɔnyɛdɔ shu dɛ bhui. Kɛgba nɛɛ, balɛ atɔkpu mɛ anɛ idzyi nɛ mɛ ezi.

Hebriuanɛ 10:22

nɔ kɔlɔ tsobunɔ Kpaya nɛ idzyi dzyɔgo anɛ́ tɛyɛyɛkɛŋa petee, nɛ kibe lɛ mɛ gɛ ba wanya kɛdɔnɔ nɛ gɛ ba pulu bulɔ idzyi nɛ bu nɛ kɛpɔŋɛŋa kɛtɔkpum bhɛbhɛtɛ anɛ bulɔ ishuidzya nɛ tɛpupulu nɛ buni gɛ bhui.

Hebriuanɛ 12:14

Nɔ kpɛemi tɛ nɔ za ishuyuyɔɛmɛ nɛ banɔ petee nɛ tɛ wɔnɔ shubhui, ishu bhuibhui mazɛlɛ mɛ anɔnyanɔ atɛ ba mɔ Apalete.

Hebriuanɛ 9:14

Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!

Yakobo 3:17

Pɔ kibuinyinyi nɛ gɛ de owũsise, putɔnɔ nɛɛ, kɛlɛ shu petee bhui, klɛ ishuyuyɔ— tɛdɛdɛmɛnɔ, tɛyɛyɛkɔ nɛ lɛm, ishu zhizhinɔesi, tɛyuyuku nɛ eshutukubui didi nɛ eyuyu dzyɔgo, anɔamɛ madimadi anɛ kidzo tirikpom nyɛnyɛna vunɔ.

Yakobo 4:8

Tsuobunɔ Kpaya klɛ yɛ tsyɛ ebe tsuebunɔ nɔ. No plu wɔnɔ ahwɛ, wɔnɔ bagɛ abhɛtɛ buzizi, tɛ no xule nɔ idzyim, wɔnɔ atɔkpum tabha-elete.

1 Petro 1:22

Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.

Tɛbubukasɛ 22:4

Ba ba mɔ yɛ amɛ, klɛ yɛ kinyi nɛ ba za balɛ butukpo.