Mateo 5:7 - ONUGBÙ NYƐNYÃ VUVƆ

⁷ Ba yula bagɛ balɛ edi eshutukubui, alasɛ balɛ le be di eshutukubui.

Mateo 5:7 Iomraidhean Croise

Marko 11:25

So, onu gɛ oli pɛ oklukpaya, pɛ anɔ teli kibui zizi kpasɛ wɔ ishu mɛ, yɛ kɔ otsye yɛ, tɛ wɔ aka nɛ owũsise tsyɛ ayɛkɔ wɔ buzizi nɛ etsye wɔ.”

Luka 6:35

Pɔ dɛmɛ nɛ bagɛ ba dɛ pɛɛ́ wɔɛ bui, bhɛtɛ kɛdzyɔgo kɔ alɛ, klɛ pa kɛdɔ kɔ alɛ tɛ ɔtɔdi dzoɛnu sɛ ɔbɔ tsodzi ɔyɛkɛ kɛdɔnyɛdɔ nɛ ba lɛ ahwɛ. Ɔkɛlɛ wɔɛ bhɛ tri, klɛ nɔ bodzi Owũsise Apaletedɛ yɛ yialɛ, alasɛ yɛ yɛyamɛyɔ kɔ ba gɛ betehuahwɛ nɛ bagɛ balɛ kɛtɔkpumɛ gɛganɛ.

Romanɛ 11:30

Ansɛ gɛ wɔnɔ nɛ kibe tilim gɛ nɔ dɛ ta Kpaya batɔ pɛ ɔtsɔ̃ nɔ bɔ mɔ eshutuku didi denɔ balɛ batɔ matamata shu,

1 Kɔrintioanɛ 7:25

Ɔtsɔ̃nɛ nɛ badzɛ gɛ be ke ti anyɛa pɛ mɛ: Kabhaŋɛŋa ka ma mɛ ahwɛ denɔ Apalete nɛ ɔkɔ, pɔ ikulu kebhui ansɛ anɔ gɛ ganɔ Apalete nɛ eshutukubui didi mɛ ana gɛ ba ba yɛkɛ yɛa bha ŋa.

2 Kɔrintioanɛ 4:1

Kɛlɛso ganɔ Kpaya eshutukubui didi belɛlɛ kɛxwɛwɛwa lɛlɛ nɛ lɛ bulɔ ahwɛ, idzyi edi koeyi nɛ bulɔɛ temɛ.

Efesoanɛ 4:32

Kɔ wɔnɔ ɛyɛmɛ yɔ nɛ eshutukubui didi kɔ ɔhaglɔ, yɛkɔ wɔhaglɔ ebui otsye, anasɛ nɛ Kristoɛ mɛ Kpaya ayɛkɔ tsye nɔ.

Koloseanɛ 3:12

Kɛlɛso anasɛ Kpaya banɔ kuklu, tɛbhubhui anɛ tɛdɛdɛmɛnɔ mɔmɔ, wɔnɔ nahwɛ nɔ nyumu eshutukubuididi, ɛyamɛyɛyɔ ishubububɔ, ishunyɛnyɛna anɛ tɛdɛdɔfɔɔ̃.

1 Timotio 1:13

Kɛnya lɛ kɛlɛm sɛ iti dzi anɔ gɛ abhɛtɛ ebusobui di anɛ anɔ gɛ akpatɔnɔ anɔ klɛ idzi anɔ gɛ aza kanya, be di mɛ eshutukubui alasɛ ɛbhɛtɛ ebuia nɛ matimati mɛ anɛ mayɛkɛ mayɛkɛŋa.

1 Timotio 1:16

Pɔ kibui lɛ nɛ shu so pɛ be di mɛ eshutukubui sɛ tɛ nɛ mɛ mɛɛ, ansɛ eziziadɛ nɛ be zizi nɛ shi, tɛ Kristo Yesu ebe bu yɛ tɛdudɔfɔɔ̃ nɛ gɛ obekekɔ ma kɔɛ lɛ nɛ akasɛ ansɛ kibui gɛ bagɛ ba ba yɛkɛ yɛa bha aŋa nɛ be di abhɛtɛ pɛ la ba mɔ ɛkpã mabeke mabeke.

Hebriuanɛ 4:16

Nɔ kɔlɔ yɛ kɔ kemikpɛkpɛ tsobunɔ ɛyɛmɛyuyɔ bukusi, sɛ tɛ bu yɛkɛ eshutukubui didi nɛ tɛ bupɛɛ ɛyɛmɛyuyɔ tɛ kɛplɛnɔ lɔ nɛ kibe gɛ bupɛɛ nɛ mɛ.

Hebriuanɛ 6:10

Kpaya edinu anɔ gɛ ata bhɛtɛ ebui nɛ alɛ ɔzakɔ, atɛ ba dzɛkɛ wɔnɔ kɛxwɛwuwa nɛ yɛ tɛɖɛɖɔ gɛ nɔ kasɛ yɛ anasɛ gɛ nɔ plɛnɔ yɛ banɔ nɛ gɛ nɔ kɔ tsri lɛabha plɛnɔ alɛ.

Yakobo 2:13

alasɛ kebhui kukulu eshutukubui madimadi la ba yɛkɔ kasɛ bagɛ edi di eshutukubui nɛ anɔ. Eshutukubui didi aŋa kebhuikuklua bha!

Yakobo 3:17

Pɔ kibuinyinyi nɛ gɛ de owũsise, putɔnɔ nɛɛ, kɛlɛ shu petee bhui, klɛ ishuyuyɔ— tɛdɛdɛmɛnɔ, tɛyɛyɛkɔ nɛ lɛm, ishu zhizhinɔesi, tɛyuyuku nɛ eshutukubui didi nɛ eyuyu dzyɔgo, anɔamɛ madimadi anɛ kidzo tirikpom nyɛnyɛna vunɔ.

1 Petro 2:10

Kibe tili bafla nɔ di dzi anɔ, pɔ ɔtsɔnɛ nɔ nu Kpaya banɔ, kibe bafla nɔ dɛ yɛkɛ eshutukubuididi, pɔ ɔtsɔnɛ nɔ yɛkɛ eshutukubuididi.