Mateo 5:3 - ONUGBÙ NYƐNYÃ VUVƆ

³ “Ba yula bagɛ ba dɔɛtsyui nɛ ɔfufɔɛ mɛ, alasɛ balɛ yɛ kɛlɛ nu bukusiɔŋakɔ nɛ owũsise.

Mateo 5:3 Iomraidhean Croise

Mateo 11:25

Nɛ kibe lɛ nɛ mɛ Yesu aɖɔ asɛ, “Ɛkpɛ wɔ, nɛabha, mɛ Aka, owũsise nɛ kesukpa Apalete, alasɛ ɔyɛkɔ ebuia nɛ okpu bebuinyi anɛ badɔkpasɛ, klɛ obua lɛ ɔkasɛ bunuvɔɛ bhli.

Mateo 11:6

Ba yula aanɔ nɛ gɛ ataa wɔlɛ ekoeyi akpɛ mɛ so.”

Mateo 13:16

“Pɔ ba yula wɔnɔ awɔ̃hũ alasɛ laa mɔ, wɔnɔ batɔ alasɛ lee nu.

Mateo 19:14

Yesu asɛ, “Nɔ kɔ bunuvɔɛ bhli na ba mɔkɔ, nɔ tɛ kɔ sɛ ba tɛ ba, alasɛ owũsise bukusi nɛ nu baa lɛ nɛɛ di nu yɛ.”

Mateo 24:46

Kɛ ba pɛ kɔ axwɛdɛ nɔɔ nɛ gɛ yɛ apalete nɛ aba ba mɔ yɛ sɛ aabhɛtɛ kana onu gɛ etsodzi aaba.

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Mateo 3:2

klɛ aaɖɔ asɛ, “Tsyinaɛtem, alasɛ owũsise bukusiɔŋakɔ nɛ otsobunɔ.”

Mateo 8:11

Itsre nɔ sɛ banɔ gelee ebe de owuwu anɛ ozhizhi, klɛ la ba za balɛ ɛzakɔ nɛ kɛdɔŋakɔ nɛ Abraham, Isakɛ anɛ Yakɔb nɛ owũsisɛ bukusi nɛ mɛ.

Marko 10:14

Gɛ Yesu amɔ kibui nɛ, amɔ obulo. So etsre balɛ asɛ “Nɔ kɔ bunuvɔɛbhli na ba mɛ ɔbha, klɛ nɔ tɔɔ kɛka lɛ, alasɛ banɛ nɛɛ di nɛ ɔzakɔ ɔlɛ nu Kpaya bukusiɔŋakɔ.

Luka 11:28

Ebuilɛnu asɛ, “Bayula bagɛ be nu Kpaya bui klɛ ba bhɛtɛ atrɔ kɛlɛ abha.”

Luka 18:14

‘Etsre nɔ se anyanɛ, anɛ Farisi anyɛ, avɛ bupa mɛ ɛku Kpaya awɔ̃. Alasɛ anɔnyanɔ gɛ efeke shu ba bɛ zhinɔ yɛ, agɛ ezhinɔ shu ba be feke yɛ owunɔ.”

Luka 22:29

Klɛ eshɛnahwɛ bukisiɔŋakɔ kɔ nɔ anasɛ gɛ mɛ Aka tsyɛ ashɛ̃nahwɛ tuli shu atrɔ mɛabha,

Luka 22:30

sɛ tɛ nɔ bɔ ŋaɛdɔ tɛ nɔ wɔɛ̃dɔ nɛ mɛ dɔŋakɔ nɛ mɛ bukisiɔŋakɔ klɛ tɛ nɔ za bugbu abha, nɔ zɔ klubhui nɛ Izraɛl anɛ apatsu lɔfɔnɛtabha.

Luka 4:18

“Apalete nɛ Ɔfufɔɛ tsri mɛ abha, alasɛ abalɛ bubɔ nɛ mɛ abha tɛ aɖɔ ebui dzyɔgo kɔ betsutsukpɛ̃. Akpɛ mɛ asɛ ɛbaɖɔ ishu ahwɛzɛza bui kɔ bagɛ ba kpɛ buvu nɛ tɛ adanɛ awɔ̃hu kɔ awɔ̃hu pupu elete, tɛ ebu butɔ nɛ banɔ shu,

Yohanɛsɛ 20:29

Yesu ɛtsre yɛ asɛ, “Alasɛ ɔtsɔlɛ gɛ ɔmɔ mɛ, ɔyɛkɛŋa, tɛyuyula kɔ ba gɛ ba dɛ mɔ pɔ ba yɛkɛŋa.”

Yakobo 1:10

Pɔ anɔ nɛ gɛ ehoeyi alɛ yɛahwɛ efeke shu nɛ yɛ ɔzakɔ zhizhiesi, alasɛ yɛ ebe fu afla ko ansɛ ayakpam efufu.

Yakobo 1:12

Ba yula anɔ nɛ gɛ akpɛemi nɛ yɛ tɛfifekedi mɛ, alasɛ onu gɛ ana kɛlɛ nu za nɛɛ, aba yɛkɛ ɛkpã kikutu nɛ gɛ Kpaya aɖɔ asɛ aba kɔ bagɛ ba ɖɔ yɛ.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

Tɛbubukasɛ 19:9

Ɔkɛlɛ kpayaxwɛdɛ nɛ etsrem asɛ, “Ŋlɔmɛ: ‘Bayula bagɛ balɛ be kulu akɔ Obhoshieyi nɛ adzɛ gbɛgbanɔ owulagoe dɔ ŋɛŋa!’ ” Klɛ aza yɛkɔ ata sɛ, “Anɛ nɛ alɛ nu Kpaya ebuiɖuɖɔ nɛ gɛ enu kɛgba.”

Tɛbubukasɛ 22:14

“Bayula bagɛ be plu balɛ bawi, klɛ kidzoenu ba za kɔa lɛ nɛ ɛkpãosi nɛ shu klɛ ba ba ga budunu nɛ etsoku ɔmagbla nɛm.

Tɛbubukasɛ 3:17

Ɔɖɔ sɛ, ‘Inu ehoeyielete, ɛtɛ mɔ kɛnɔmdɔ klɛ ɛda zhã kɔ kɛdɔnyɛdɔ.’ Pɔ ɔtɔ mɔɛ lɛ ɔsɛ ɔzhɔlɛ, oku eshutukubui, ɔdɔɛ tsyui, opu anhũ klɛ ɔlɛ zholia nɛ ɔfufɔɛ mɛ.