Mateo 5:12 - ONUGBÙ NYƐNYÃ VUVƆ

¹² Nɔ mɔ same tɛ nɔ wɔ, alasɛ wɔnɔɛ bhɛ tri nɛ owũsise, alasɛ kidzoe lɛ nɛ dia bha ke la ga pɛ ba kpatɔnɔ batɔnu nɛ gɛ eputɔ kɔ nɔ.

Mateo 5:12 Iomraidhean Croise

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Mateo 6:16

“Onu gɛ nɔɔ sɛ tɛ nɔ nya onugbu, nɔ tɔɔ bhɛtɛ ishu ansɛ butɔ mɛ nɔ kpasɛ, ansɛ gɛɛ betroni na bhɛtɛ, alasɛ balɛ bee ɖuɖu amɛ nɛm sɛ tɛ ba wɛ̃ ansɛ banɔ gɛ baa nya inugbu. Itsre nɔ kɛgba sɛ, batɛ yɛkɛ bala abhɛ nɛ petee.

Luka 13:34

“O Yerusalɛm, Yerusalɛm, wɔ gɛ ɔyi bebuiɖɔlu klɛ nɔ hu aklãgbu bagɛ ba sɛsɛnɔ, atɛ tashɛ̃ ɛba gba wunɔ yialɛ nɛ xogo, anasɛ gɛ ɔkukɔni lɔ kumu yɛ yialɛ nɛ ɔlɛ buglebe mɛ, pɔ kɛtɛ ku nɔ awɔ̃!

Luka 6:23

“Nɔmɔ samɛ nɛ kiwui lɛlɛ nɛabha klɛ tɛ nɔ lɔtɛ̃ kɔ same mumɔ, alasɛ kɛdɔ gbɛgbla lɛ kɔnɔ nɛ owũsise. Alasɛ kana balɛ akalɛ nɛ abhɛtɛ ebuia nɛdi nɛ batɔnu nɛ shu.

Luka 6:35

Pɔ dɛmɛ nɛ bagɛ ba dɛ pɛɛ́ wɔɛ bui, bhɛtɛ kɛdzyɔgo kɔ alɛ, klɛ pa kɛdɔ kɔ alɛ tɛ ɔtɔdi dzoɛnu sɛ ɔbɔ tsodzi ɔyɛkɛ kɛdɔnyɛdɔ nɛ ba lɛ ahwɛ. Ɔkɛlɛ wɔɛ bhɛ tri, klɛ nɔ bodzi Owũsise Apaletedɛ yɛ yialɛ, alasɛ yɛ yɛyamɛyɔ kɔ ba gɛ betehuahwɛ nɛ bagɛ balɛ kɛtɔkpumɛ gɛganɛ.

Axwɛwɛwa 16:25

Nɛ elishi kishitibha mɛ nɛɛ Paolo anɛ Silas ba za ɛdzɛ zhɛzha nɛ Kpaya kuklua bha, klɛ baga za buvu nɛ aplɛnɔa lɛ na za ta batɔ nɛ ebui nɛ gɛ ba za bhɛtɛ.

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

Romanɛ 5:3

Ganɛ kana tite ko, pɔ bu mɔ same nɛ bulɔ baatɔ nɛ mɛ tsyɛ, alasɛ bu nyi sɛ butɔ bhɛtɛ kanyɛtsitsi;

1 Kɔrintioanɛ 3:8

Anɔ nɛ gɛ aɖa klɛ nɛ agɛ akpɛ ɔlɛ ni kibui tirikpo kɛlɛ lɛ balɛ ahwɛ, klɛ ba ba buya kɛbhɛ kɔ akanyaka nɛ yɛ xwɛ wuwa nɛ nu.

2 Kɔrintioanɛ 4:17

Alasɛ bulɔ butɔ bumapu klɛ bu lɛ kplita gɛ kɛ ba mɛna lɔ kabhaŋɛŋa mabeke gɛ kɛlupudɛ alɛ petee.

Filipianɛ 1:29

Alasɛ ba tɛ trɔ ahwɛ nɛ lɛabha kɔ nɔ nɛ Kristoe nyi mɛ ganɛ sɛ tɛ nɔ yɛkɛ yɛabhaŋa tite ko pɔ tɛ nɔ mɔ butɔ nɛ yɛ tɔkpu,

Filipianɛ 2:17

Pɔ tsyɛ onugɛ ba balɛ mɛ elu ansɛ bulu bɛbalɛesi anɛ tɛyɛyɛkɔkɔ nɛ kɛxwɛwa gɛ de wɔnɔ tɛyɛyɛkɛŋa nɛ mɛ ba, ki ku mɛ awɔ̃ klɛ mɛ mɔ same nɛ wɔnɔ petee.

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

Koloseanɛ 3:24

nɛ kɛbelɛlɛ gɛ onyi sɛ ɔbɔ yɛkɛ kededɔ denɔ Apalete nɛ ɔkɔ anasɛ ahwɛhuhu. Apalete Kristo nɔ dɛ axwɛ kɔ.

1 Tɛsolonianɛ 2:15

gɛ be yi Apalete Yesu anɛ batɔnu klɛ ba kɛka lɔ tsyɛ ebu eyinɔ. Be di ku Kpaya awɔ̃ klɛ ba yɛkɔ ebla nɛ anɔnyanɔ

Hebriuanɛ 10:34

Eshutukubui kunɔ nɛ bagɛ bakpɛvu klɛ onugɛ ba yɛkɛ kɛdɔ gɛ kɛlɛ wɔnɔahwɛ nɔ yɛkɛ lɛ nɛ same, alasɛ wɔnɔ nahwɛ nɔ nyi sɛ kɛdɔ gɛ kɛbaza ɔvɛnɔ fãã lɛ wɔnɔahwɛ.

Hebriuanɛ 11:26

Adɛmɛ kɛwɔɛ̃ gɛ ba ba kpɛɛ yɛ nɛ Kristo tɔkpu dɛ kisiredɔ gɛ aba mɔ nɛ Egipte, alasɛ edi kɛdɔ gɛ aba mɔ nɛ otugba.

Hebriuanɛ 11:33

bagɛ ba ganɔ tɛyɛyɛkɛŋa abha gɛ ba ŋa bekusi gɛ ba taa buyu nɛabha, babhɛtɛ atrɔ ɔshã dzyɔgo abha klɛ ba mɔ kɛdɔ gɛ ba ɖɔ elu kɔa lɛ, balɛ ada badzyata nɛ inugbu,

Hebriuanɛ 11:6

Klɛ tɛyɛyɛkɛŋa mazɛlɛ mɛ ɔtɛ bɔ na Kpaya awɔ̃ ku, alasɛ anɔnyanɔ gɛ aba ba yɛ ɔkɔ alasɛ tɛ ayɛkɛŋa sɛ alɛ klɛ abuya kɛbhɛ kɔ bagɛ ba pɛɛ yɛ gɛganɛ.

Yakobo 1:2

Madzyalɛ mɔ, no di lɛ ɔsɛ same dzyɔgo, onu gɛ no tsoku tɛfifekedi edidedi gelee mɛ,

Yakobo 5:10

Badzya mɔ, ansɛ diɔbhɛtɛ na nɛɛ nɛ tɛdɛdɔfɔ̃ɔ nɛ butɔ mɛɛ, nɔ yɛkɔ batɔnu nɛ gɛ baɖɔaɖɔ nɛ Apalete nɛ kinyi mɛ.

1 Petro 4:13

Pɔ nɔ mɔ same sɛ nɔ bhɛtɛ tili nɛ Kristo butɔ mumɔ nɛ mɛ, sɛ tɛ nɔ bɔ mɔ same ɔflanɔ kibenɔ nɛ gɛ be bu yɛ ishubhubhui nɛ akasɛ.