Mateo 5:11 - ONUGBÙ NYƐNYÃ VUVƆ

¹¹ “Ba yula wɔnɔ bagɛ banɔa kula, pɛ bakpatɔnɔ klɛ baa ɖɔ ebuikpã edidedi petee nɛ wɔnɔ shu akpɛ mɛ so.

Mateo 5:11 Iomraidhean Croise

Mateo 10:18

Nɛ mɛ tɔkpu so ba ba gbanɔ nɔ avɛnɔ baga ŋɛabha anɛ bekusigbla nɛ ɔkɔ ansɛ bebuimɔɖɔ kɔ balɛ anɛ bagɛ be di nu Yuɖanɛ.

Mateo 10:22

Banɔ petee ba tɛ ba dɛmɛ wɔnɔɛ bui akpɛ mɛ so, pɔ aanɔ nɛ gɛ aza mɔmɔ ɔdɔ nanɔ obekekɔ be be bu yɛ.

Mateo 10:25

Abɔ kɔ adɔkpasɛ sɛ tɛ aza ansɛ yɛ adɔkasɛ, tɛ axwɛdɛ tsyɛ aza anasɛ yɛ apalete. Onu gɛ bee kulu apaka nɛ asɛ Ɔfufɔɛkpã ekusi, klɛ le be kulu yɛ bupa mɛanɛ!

Mateo 10:39

Anɔnyanɔ gɛ aaba pɛɛ yɛ ɛkpã aba lɛla ɛlɛ, klɛ anɔnyanɔ gɛ aaba lɛla yɛ ɛkpã akpɛ mɛ so aba mɔɛ lɛ.

Mateo 19:29

Klɛ anɔnyanɔ gɛ atɛ shɛ alɔ bapa, yɛadzyalɛ, yɛadalɛ, yɛaka, yɛeni, yɛeyialɛ, yɛ kaya akpɛ mɛ so, aba yɛkɛ kɛdɔɛ lɛ nɛ ɛzakɔ kɛfɔɛfɔ klɛ aba mɔ ɛkpã gɛ ɛtɛ ba beke.

Mateo 24:9

“Ɔkɛlɛ la ba yɛkɔ wɔnɔ akpɛ ahwɛ kɔ sɛ ba kpatɔnɔ klɛ be be yi nɔ, klɛ amadi nɛ petee atɛ ba pɛɛ wɔnɔɛ bui akpɛ mɛ so.

Mateo 27:39

Baa nɔ nɛ gaa fla nɛ ɔkɛlɛ nɛ baa kula yɛ, klɛ bee shuku balɛ atɔkpu atrɔ pɛ baa ɖɔ asɛ,

Marko 13:13

Banɔ petee baba lɔ kititi nɛ wɔnɔ shu akpɛ mɛ so, pɔ aanɔ nɛ gɛ aza mahwa-mahwa ɔyɛkɔ vɛnɔ tɛbibeke mɛ nɛ, aba mɔ tɛyɛyɛkɛ.

Marko 13:9

“No di wɔnɔ shua bha. Baa yɛkɔ wɔnɔ akpɛ ahwɛ kɔ bamani klɛ le be tu wɔnɔ nɛ ixogokɔvu nɛm. Mɛ so, nɔ bɔ wɛ̃ nɛ bekusi anɛ ɛshãletegbla nɛ amɛ, klɛ no bo dzi ansɛ bebuimɔɖɔ kɔ balɛ.

Marko 4:17

Pɔ gɛ igu dɛ za alɛ so la dɛ za nɛ ɛkpã dzidze. Kibe lɛ gɛ butɔ ɔdɔgɔsɛ tɛkpɛkpatɔnɔ ba nɛ kibui nɛ shu ko ba wɔlɛ kplitaa.

Marko 8:35

Alasɛ anɔnyanɔ gɛ aba pɛ sɛ tɛ ebu yɛ ɛkpã nɛ, aba lɛla ɛlɛ, pɔ anɔ nɛ gɛ aba lɛla yɛ ɛkpã nɛ akpɛ mɛ anɛ kibuidzyɔgo nɛ so ebe bui lɛ.

Luka 21:12

“Pɔ flogo gɛ anɛ nɛ petee aba ba, ba be vu nɔ klɛ ba ba yɛkɔ nɔ akpɛ ahwɛ. Ba ba yɛkɔ nɔ akɔ bebhuiklu nɛ oxogokɔvu nɛ mɛ klɛ la ba kpɛ nɔ vu, klɛ la ba gbanɛ nɔ vɛnɔ bekusi nɛ̀ ba mani nɛ ɔkɔ nɛ mɛ nyi nɛ tɔkpu.

Luka 21:17

Alasɛ mɛ so banɔ petee be gunɔ.

Luka 6:22

Bayula nɔ kɛbelɛlɛ nɛ gɛ banɔ egu nɔ, onugɛ bebunɔ nɛ balɛshi klɛ ba kula nɔ klɛ beklu wunɔe nyi anasɛ bezizi, alasɛ nɛ Anɔdzyrame yɛ Eyi nɛ shu.

Luka 9:24

Alasɛ anɔ nɛ gɛ apɛɛ asɛ tɛ ebui yɛ ekpã, lɛ ba lɛla, pɔ anɔ nɛ gɛ alɛla yɛ kpã nɛ mɛ tɔkpu ebe bui lɛ.

Yohanɛsɛ 15:21

Ba bakpɛ nɔ butɔ nɛ kidzoe nɛabha alasɛ nɛ mɛ nyi nɛ so, alasɛ be tinyi Anɔ nɛ gɛ yɛ akpɛ mɛ.

Yohanɛsɛ 9:28

Ɔkɛlɛ ba kula yɛ klɛ be tsre yɛ asɛ, “Wɔ ko wɔ nu anyɛanɛ adɔkpasɛ! Bulɔ bunu Mose badɔkpasɛ!

Axwɛwɛwa 9:16

Ɛba kasɛ yɛ kana gɛ kɛ lɛ sɛ tɛ atɔ ebunɔ nɛ mɛ kinyi nɛ tɔkpu.”

Romanɛ 8:36

Ansɛ gɛ ba ŋlɔmɛ elu asɛ: “Akpɛ wɔnɔ so bu dzu amɛ nɛ butsi nɛ ewia nɛ mɛ nyɔ̃ɔ; ba mɔ bulɔ ansɛ ibhoshi gɛ lɛ kɔ tɛbhubhui.”

1 Kɔrintioanɛ 4:10

Nɛ Kristo so bu nu bagã, pɔ nɔ nyi bui alasɛ nɔ nu Kristo ayɛ! Bu dɛ gɛganɛ, pɔ nɔ gɛganɛ! Bakpɛ wunɔ tɔkpu nɛabha, klɛ be zhinɔ bulɔ yɛ akpɛesi!

2 Kɔrintioanɛ 4:11

Alasɛ bulɔ gɛ bu lɛ nɛ ɛkpã kibenyɛbe bayɛkɔ lɔ akɔ butsi nɛ́ Yesu tɔkpu, sɛ tɛ yɛ kpã ba bukasɛ nɛ bulɔ ishuidzya tsitsi nɛ mɛ.

Filipianɛ 1:29

Alasɛ ba tɛ trɔ ahwɛ nɛ lɛabha kɔ nɔ nɛ Kristoe nyi mɛ ganɛ sɛ tɛ nɔ yɛkɛ yɛabhaŋa tite ko pɔ tɛ nɔ mɔ butɔ nɛ yɛ tɔkpu,

1 Petro 2:23

Gɛ ba sɛsɛ balɛ akulatu nɛ yɛ abha, adɛ tsodzi akula lɛ, onugbu gɛ amɔ butɔ, adɛ kpɛ anɔɛ fu. Nɛlɛɔzakɔ, ayɛ kɔ ishu atrɔ agɛ yɛ kluebhui dzyudzyɔ nɛabha.

1 Petro 4:14

Onugɛ ba kula nɔ nɛ Kristo kinyi nɛ shu, ba yula nɔ, alasɛ Ɔfufɔɛ shu bhubhui anɛ̀ Kpaya kitsri wɔnɔ abha.

Tɛbubukasɛ 2:3

Oti tsianyɛ klɛ ɔtɛ za ebuigɛganɛ nɛ nu ɔkpɛ mɛ kinyi nɛ so, klɛ oko si kifu.