Mateo 4:23 - ONUGBÙ NYƐNYÃ VUVƆ

²³ Yesu aga nyɔ ekoeyi nɛ Galelia, anɛ kɛdɔkɛkasɛ nɛ balɛ oxogokɔevu nɛm, kibui dzyɔgo nɛ tɛɖuɖɔ denɔ bukusiɔŋakɔ nɛ shu, klɛ ebeke banya nyaanya nɛ banɔ mɛ.

Mateo 4:23 Iomraidhean Croise

Mateo 11:5

awɔ̃hũ pupuelete nɛ ba kpaa mɔ, akpatanɛ alɔa ga, bunya dzɛdzãelete nɛ banya nɛ ba shɛ, batɔpu nɛ ba kpa nu, betsitsi nɛ ba nyɛmɛ, klɛ ba ɖɔ kibui dzyɔgo nɛ etsre betsyutsyuini.

Mateo 12:9

Gɛ alɔ nɛ ɔkɛlɛ, ashɛ̃ avɛ ede tsoku balɛ oxogokɔvu nɛ mɛ,

Mateo 13:19

Kibe lɛ gɛ anɔ teli enu bukusiɔŋakɔ kibui pɛ edi nu klɛe si, ɔfufɔɛkpã nɛ ɔbɔ ba ɔbɔ bhɛ kɛ gɛ ba tɛ ɖa kpɛ idzyi nɛ mɛ nɛ obu. Kɛlɛ nu eyii nɛ gɛ awɔlɛ adɔ kidzo nɛ shu.

Mateo 13:54

Gɛ ebe ku yɛ kepiɔma nɛ mɛ, akpa kɛdɔ kasɛ banɔ nɛ balɛ oxogokɔvu nɛ mɛ, klɛ kɛbhɛtɛ balɛ bi. Be bisi asɛ, “Fakɔ anyɛa nɛ edenɔ kibuinyinyi nɛ ebui yiyinɔ anɔ kemia nɛ di?”

Mateo 14:14

Kibe lɛ gɛ Yesu ezhi aba kesukpa pɛ amɔ banɔɛza, be ku yɛ eshutukubui klɛ ebeke balɛ banya.

Mateo 24:14

Klɛ ba ba ɖɔ bukusiɔŋakɔ kibui nɛ akana kanɔ nɛ mɛ petee ansɛ kibuimɔɖɔ kɔ amadi nɛ petee, klɛ flogo pɛ obekekɔ nɛ ɔbɔ ba.

Mateo 3:2

klɛ aaɖɔ asɛ, “Tsyinaɛtem, alasɛ owũsise bukusiɔŋakɔ nɛ otsobunɔ.”

Mateo 9:35

Yesu aga ɛma anɛ ɛmabhli nɛ petee mɛ, aakasɛ dɔ nɛ ixogokɔevu nɛ mɛ, klɛ aaɖɔ kibui dzyɔgo nɛ edenɔ bukusiɔŋakɔ nɛ shu klɛ eebeke banyanyanya nɛ banɔ mɛ.

Marko 1:14

Gɛ be vu Yohanɛsɛ akpɛ buvu, Yesu ashɛ̃ avɛ Galelia, adaa ɖɔ Kpaya kibui dzyɔgo.

Marko 1:21

Ba vɛ Kapenaumɛ, klɛ gɛ Yuɖanɛ Kimuenewi nɛ na, Yesu ede tsoku oxogokɔvu nɛ mɛ klɛ akpa kɛdɔ kasɛ.

Marko 1:39

So anyɔ Galelia petee, aɖɔ Kpayabui nɛ oxogokɔevu nɛ mɛ klɛ akɛka ɛfufɔɛkpã.

Marko 3:10

Alasɛ eti beke banɔ gelee banya, klɛso bagɛ bakaa nya nee tieku otugba sɛ tɛ be hunɔ yɛ.

Marko 6:2

Gɛ Kimuenewi nɛ kɛ na, Yesu ada kpa kɛdɔ kasɛ nɛ oxogokɔvu nɛ mɛ. Banɔ gelee gɛ be nu yɛ kɛdɔ, kiyinɔ balɛ. “Fakɔ anɔa nɛ edenɔ ebuia nɛ gɛ aɖɔ?” “Kide gɛ nu kibui nyinyi nɛ, gɛ ba kɔ yɛa na, gɛ kɔ sɛ abhɛtɛ ebui gɛ eyinɔanɔ tsyɛ!

Marko 6:6

Kɛbhɛtɛ yɛ kibi sɛ yɛeletealɛ nɛɛ, tɛyɛyɛkɛŋa ma balɛ mɛ. Ɔkɛlɛ Yesu anyɔ akana anɛ yɛ kɛdɔkɛkasɛ denɔ ɛmabhli mɛ ɔvɛnɔ ɛmabhli mɛ.

Luka 10:9

Nɔ bu bunya nɛ̀ banyɛnya nɛ́ gɛ ba lɛ ɔkɛlɛ shuimɛ klɛ nɔ tsre alɛ ɔse, ‘Kpaya bukusiɔŋakɔ nɛ tsobunɔ nɔ.’

Luka 13:10

Nɛ Kimoenewui tili abha Yesu akàsɛ dɔ nɛ oxogokɔvu tirikpo tuli mɛ,

Luka 16:16

“Ɛshã anɛ Bebuiɖɔlu nɛ ebui ba ɖɔ alɛ ɔdɔtɔnɔ Yohanɛsɛ be. Denɔ kɛbelɛlɛ, ba ɖɔ kɛbui dzyɔgo denɔ Kpaya kusiɔŋakɔ nɛ shu, klɛ anɔnyanɔ wlãkɛ yɛ dzo sɛ tɛ etsoku lɛ mɛ.

Luka 20:1

Kiwui tirikpo gɛ Yesu àkasɛ dɔ nɛ Kpaya busɔlɛvu ka nɛ mɛ klɛ aɖɔɛ̀ kibui dzyɔgo, Kpaya ɔzakɔ banɔ, ɛshãbadɔkasɛ anɛ banɔ shishe gɛ ba ba yɛ ɔbha.

Luka 4:14

Yesu etsodzi avɛ Galelia nɛ Ɔfufɔɛ nɛ kemi nɛ mɛ, klɛ ebui denɔ yɛ shu nɛ yi kana amadi petee mɛ.

Luka 5:17

Kiwui tirikpo gɛ Yesu akasɛ dɔ, Farisianɛ anɛ ɛshãdɔkasɛ, gɛ be de bakɔxoe kanyaka mɛ nɛ Galelia, Yuɖea anɛ Yerusalem, ba zaesi nɛ ɔkɛlɛ. Klɛ Apalete nɛ kemi aza kɔ yɛ sɛ tɛ ebu bunya nɛ banyɛnya nɛ shui mɛ.

Luka 6:17

Yesu ezhi avɛ nɛ alɛ klɛ ada lɔɛtiti nɛ ɔsusɔ̃ kɔ. Yɛ badɔkpasɛ kɛha gbla za ɔkɛlɛ klɛ banɔɛza gbɛgbla de Yuɖea, Yerusalɛm, nɛ Tire anɛ Sidon keni nɛ tɔ,

Luka 6:6

Nɛ Kimuenewi bhlatɔ abha Yesu avɛ oxogokɔvu nɛ mɛ klɛ akasɛdɔ, klɛ anɔ teli aza ɔkɛlɛ gɛ yɛ kɛŋa ɔhwɔɛ no si ku.

Luka 7:21

Nɛ kɛbelɛlɛ nɛ mɛ Yesu ebu bunya nɛ banɔ gelee mɛ, banya nɛ̀ ɛfufɔɛ zizi, klɛ adanɛ banɔ gelee gɛ balɛ awɔ̃hu epu.

Luka 7:22

So ebushunu etsre baxwɛdɛ nɛ asɛ, “Nɔ tsodzi vɛ tɛ nɔ dɔ tsre Yohanɛsɛɛ kɛdɔ nɛ gɛ nɔ mɔ klɛ no nu: Awɔ̃hũ pupuelete ba mɔɛ dɔ, bakpata ba lɔ agɛ, bagɛ bunyadzɛdzã lɛ ba lɛ shu mɛ balɛ shu bhui, bagɛ ba lɛ batɔ epu be nu, betsitsi na nyɛmɛ klɛ ba ɖɔ kibui dzyɔgo nɛ tsre betsutsuɛkpɛ̃.

Luka 8:1

Kɛnɛ nɛede, Yesu agɛdzo anyɔ denɔ ɔma gbɛgbla anɛ ɔma bhliyi torikpoɛ mɛ ɔvɛnɔ ɛbhlatɔɛ, aɖɔ kibui dzyɔgo denɔ Kpaya bukusi shu. Banɔ lɔfɔnɛtɛabha nɛ aza yɛ ɔbha,

Luka 9:11

pɔ banɔɛza ne nu bui denɔ kɛlɛ shu klɛ ba tɔnɛ yɛ. Ayɛkɛ alɛ klɛ aɖɔaɖɔ kɔ alɛ denɔ Kpaya bukusi nɛ shu, klɛ akɔ ba lɛ shubhui ba gɛ ba lɛ sɛ tɛ ba lɛ shubhui.

Luka 9:60

Yesu etsre ya sɛ, “Kɔ be tsitsi ba vubɔ balɛ nahwɛ be tsitsi, pɔ wɔ vɛ tɛ ɔdɔ ɖɔ Kpaya Kusi nɛ bui.”

Yohanɛsɛ 18:20

Yesu ebuilɛnu asɛ, “Ɛɖɔaɖɔ wee kɔ kanɔ. Mɛ kibenyɛbe ɛkasɛ dɔ nɛ́ oxogokɔvu anɛ̀ Kpayavu nɛ mɛ, ɔkɛlɛ Yuɖanɛ petee ba be xogo aza. Ɛtɛ ɖɔaɖɔ nɛ okpukpukɔ.

Yohanɛsɛ 6:59

Yesu aɖɔ kibui nɛ kɛbelɛlɛ gɛ akasɛdɔ nɛ Yuɖanɛ oxogokɔvu nɛ mɛ nɛ́ Kapɛnum.

Yohanɛsɛ 7:1

Kɛlɛlɛ nɛede Yesu avɛ ada nyɔ nɛ Galelia, yɛ tɛpɛpɛɛ kɛlɛ nu sɛ tɛ ashɛ̃ nɛ Yuɖea alasɛ Yuɖanɛ be po sɛ tɛ be yi yɛ.

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Axwɛwɛwa 18:4

Nɛ kimuenewi kanyaka bha adɛ oxogokɔvu nɛ mɛ, klɛ ada ɖɔaɖɔ nɛ Yuɖanɛ anɛ Grikanɛ sɛ tɛ awɛa lɛ nu.

Axwɛwɛwa 20:25

“Ɔtsɔ̃ nɛɛ, inyi sɛ wɔnɔ mɛayɛ nyɔmɛayɛ gɛ ɛɖɔ bukusi ɔŋakɔ kibui nɛ tsre na za ba mɔm.

Axwɛwɛwa 28:31

Ganɔ kitekpɛkpɛ anɛ kide madimadi mɛ aɖɔ kaɖɔ edenɔ Kpaya bukusi ɔŋakɔ nɛ shu klɛ akasɛ kɛdɔ denɔ Apalete Yesu Kristo shu.

Romanɛ 10:15

Klɛ kɛlɛ la ba ɖɔ yɛ shui bui onu gɛ baa ka kpɛ alɛ? Ansɛ gɛ ba ŋlɔmɛ kɛlɛ elu sɛ, “Kɛlɛ bagɛ ba mɛna kibui dzyɔgo nɛ butsrukpɔ ba pudi!”