Mateo 3:2 - ONUGBÙ NYƐNYÃ VUVƆ

² klɛ aaɖɔ asɛ, “Tsyinaɛtem, alasɛ owũsise bukusiɔŋakɔ nɛ otsobunɔ.”

Mateo 3:2 Iomraidhean Croise

Mateo 10:7

Onu gɛ nɔɔ vɛ, nɔ ɖɔ kibui nɛ ɔsɛ, ‘Owũsise bukusi nɛ tɛ tsuba.’

Mateo 11:20

Ɔkɛlɛ Yesu ebu ɛmagbla nɛ mɛ gɛ aba bhɛtɛ yɛ ebuiyiyinɔ anɔ nɛa bha agɔ, alasɛ lɛ di tsyina kitem.

Mateo 12:41

Niniveanɛ na ba lɔɔ titi nɛ kebhuim nɛ ɔtsɔ̃ nɛ tɛmumɔɛ nɛm banɔ klɛ be be bui lɛ pɔ; alasɛ be tsyina kitem nɛ Yona kibuiɖuɖɔ nɛ mɛ, klɛ ɔtsɔ̃ agɛ adɛ Yona nɛ ya lɛ ɔkɛ̃ naa.

Mateo 13:11

Ebui lɛ nu asɛ, “Ba tɛ yɛkɔ ebui kpukpu nɛ owũsise bukusiɔŋakɔ nɛ tɛtiti akɔ nɔ, pɔ ganɛ kɔ balɛ.

Mateo 13:24

Yesu aza kpɛ kɛkpalɛ bhlatɔ akɔa lɛ asɛ: “Owũsise bukusiɔŋakɔ nɛ ɔsɔnɔ ansɛ anɔ gɛ avɛ yɛ buya mɛ klɛ ada hwɛ kɛdɔeyi dzyɔgo.

Mateo 13:31

Yesu aza kpɛ kɛkpalɛ bhlatɔ asɛ: “Owũsise bukusiɔŋakɔ nɛ odzi ansɛ eyixwɛtsɛ, gɛ anɔ teli ada ɖa nɛ yɛ buya mɛ.

Mateo 13:33

Aza kpɛ kɛkpalɛ bhlatɔ kɔ balɛ asɛ, “Owũsise bukusiɔŋakɔ nɛ odzi ansɛ bunayekedɔ gɛ anɔdzɛ aayɛkɔ akpɛ buna gelee mɛ kɔ tɛ yiyeke nɛ tɛ pipe.”

Mateo 13:47

Kana ke, owũsise bukusiɔŋakɔ nɛ odzi ansɛ kenimdzikle gɛ ba tɛa kpɛ kɛvɔm pɛ ebu akpã edidedi.

Mateo 13:52

Aɖɔ etsre alɛ asɛ, “Kɛlɛ so ɔshãdɔkasɛ kanyaka gɛ ba kasɛ dɔ edenɔ owũsise bukusiɔŋakɔ nɛ shu asɔnɔ ansɛ apalete gɛ ebu yɛ kɛkesrɔdɔ vuvɔ nɛ kɛkuku nɛ edenɔ yɛ kɛdɔ ɔbalakɔ.”

Mateo 18:23

“Kɛlɛ so, owũsise bukusiɔŋakɔ nɛ lo dzi ansɛ ekusi gɛ apɛa sɛ tɛ aga yɛ kɔba ebuim nɛ yɛ baxwɛdɛ.

Mateo 20:1

Yesu avɛ kɛlɛa bha sɛ, “Alasɛ owũsise bukusiɔŋakɔ nɛ ɔlɛ ansɛ kesukpaelete teli gɛ alɔ kɛvulɔ pinii avɛ sɛ tɛ ada pɛɛ banɔ tɛ ba da wa kɛxwɛ kɔ yɛ nɛ buya mɛ.

Mateo 22:2

“Owũsise bukusiɔŋakɔ nɛ odzi ansɛ gɛ ekusi abala adzɛ ɔgbanɔkɔ akɔ yɛ eyianyɛ.

Mateo 23:13

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔ da owũsise bukusiɔŋakɔ nɛ ɔkpɛ banɔa. Wɔnɔ nahwɛ no to tsoku, klɛ nɔ tɔ kɔ bagɛ ba pɛa sɛ be tsoku nɛ tsyɛ etsoku.

Mateo 25:1

“Nɛ kibe lɛ nɛ mɛ owũsise bukusiɔŋakɔ nɔ bɔ za ansɛ badzɛ lɔfɔ gɛ ba yɛkɔ balɛ bakanɛgbɛ pɛ be koeyi avɛ sɛ tɛ ba da tsyanɔ adzɛenyine.

Mateo 25:14

“Klɛ kɛ zɛ ba za ansɛ anɔ gɛ aaga kidzo, klɛ eklu yɛ baxwɛdɛ klɛ ayɛkɔ yɛ kɛnɔmɛdɔ nɛ akpɛ ahwɛ kɔa lɛ.

Mateo 4:17

Denɔ kibe lɛ nɛ mɛ ɔvɛnɔ klɛ Yesu etenɔ Kpayɛbui nɛ ɖɔ, “Tsyinɛtem, alasɛ owũsise bukusiɔŋakɔ nɛ tɛ tsu ba.”

Mateo 4:23

Yesu aga nyɔ ekoeyi nɛ Galelia, anɛ kɛdɔkɛkasɛ nɛ balɛ oxogokɔevu nɛm, kibui dzyɔgo nɛ tɛɖuɖɔ denɔ bukusiɔŋakɔ nɛ shu, klɛ ebeke banya nyaanya nɛ banɔ mɛ.

Mateo 5:10

Ba yula bagɛ ba kpatɔnɔ akpɛ tɛzɛza dzyɔgo so, alasɛ balɛ yɛ kɛlɛ nu bukusiɔŋakɔ nɛ owũsise.

Mateo 5:3

“Ba yula bagɛ ba dɔɛtsyui nɛ ɔfufɔɛ mɛ, alasɛ balɛ yɛ kɛlɛ nu bukusiɔŋakɔ nɛ owũsise.

Mateo 6:10

Kɔ wɔ bukusiɔŋakɔ nɛ ɔba, wɔ tɛpɛpɛɛ lɔ ba bhɛtɛ nɛ kesukpa nɛabha, ansɛ gɛ kɛlɛ nɛ owũsise.

Mateo 6:33

Pɔ pɛɛ yɛ bukusi ɔŋakɔ nɛ yɛ tɛnɛnamɛzɛza nɛ oputɔnɔ, klɛ la ba yɛkɔ kɛdɔɛ nɛ petee tsyɛ ata kɔ nɔ.

Marko 1:15

Aɖɔ asɛ, “Kibe nɛ tɛ na,” “Kpaya bukusi nɛ tɛ tso bunɔ lɔ. So no tsyina kitem tɛ nɔ yɛkɛ kibui dzyɔgo nɛa bha ɔŋa!”

Marko 1:4

Klɛ so Yohanɛsɛ aba nɛ bunikpɛkpɛ denɔ ayakpa nɛ mɛ be, klɛ aɖɔ kitem tsyitsyina bunikpɛkpɛ bui kɔ buzizi tɛyɛyɛkɔ tsye.

Marko 6:12

Ba vɛ ada kasɛ kɛdɔ sɛ tɛ banɔ nɛ be tsyina kite mɛ.

Luka 1:16

Aba gbanɔ Izraɛl banɔ gelee etsodzini amɛna Apalete balɛ Kpaya kɔ.

Luka 11:20

Pɔ onugɛ ɛ́kɛka ɛfufɔɛkpã nɛ Kpaya wɔɛ, kɛlɛalɛ Kpaya kusi bu tɛ́ ba kɔ nɔ.

Luka 13:3

Itsre nɔ sɛ, ao! Pɔ odunu sɛ nɔ tsyinɛtemɛ, wunɔ petee tsyɛ nɔ bɔ tsi.”

Luka 13:5

Itsre nɔ sɛ, ao! Pɔ odunu sɛ nɔ tsyinaɛtemɛ wunɔ petee tsyɛ nɔ bɔ tsi.”

Luka 15:10

Nɛ kidzo lɛlɛ nɛabha, itsre nɔ sɛ, samemumɔ aba za Kpaya axwɛdɛ amɛ nɛ ezizi terikpo gɛ etsyina temɛ.”

Luka 15:7

Itsre nɔ sɛ kana ke samemumɔ gelee aba za owũsise nɛ́ ezizi terikpo gɛ etsyina temɛ shu dɛ banɔ dzyɔgo afɛtezhita nɛ-tiezhita gɛ kitemɛ tsyitsyina va ma balɛ shu.

Luka 16:30

Aɖɔ sɛ, “ ‘Ao, aka Abraham, pɔ onugɛ anɔteli ede bekpuimɛ avɛ balɛ ɔbha, ba be tsyina kitemɛ.’

Luka 21:31

So onuana, kibenɔ gɛ nɔ mɔ ebuianɛ la ba lɛ mɛ, noti sɛ Kpaya bukusiŋakɔ nɛ tsobunɔ.

Luka 24:47

klɛ kitemɛ tsyitsyina nɛ ebuizizi tsyitsye, ba baɖɔ nɛ yɛ nyimɛ kɔ amadi nɛ petee, kesikpɛkpɛ nɛ Yerusalɛm.

Luka 6:20

Yesu gɛ edi yɛ badɔkpasɛ, aɖɔ sɛ: “Bayula wunɔ agɛ nɔ dɔɛ tsyui, alasɛ wunɔɛyɛ klɛ nu Kpaya kusiŋakɔ

Luka 9:2

klɛ akpɛ alɛ sɛ tɛ ba da ɖɔaɖɔ denɔ Kpaya bukusi nɛ shu klɛ tɛ ba kɔ banyɛnya nɛ alɔ.

Axwɛwɛwa 11:18

Gɛ be nua na nɛ, kibuinyɛbui daa za balɛ ahwɛ ɔyɛkɔ dɛ sɛ tɛ ba kpɛ Kpaya nɛa bha, nɛ tɛ ɖuɖɔ sɛ, “Klɛ so, Kpaya atrɔ ahwɛ bagɛ be di nu Yuɖanɛ nɛ tsyɛ kitem tsyitsyina nɛa bha nɛ kanɔa nɛ mɛ.”

Axwɛwɛwa 17:30

Nɛ atiti mɛ Kpaya ada awɔ̃hũ akpɛ kibui mati mati lɛlɛ nɛ di, pɔ ɔtsɔ̃ nɛɛ akɔ ɔshã sɛ banɔ nyanɔ nɛ ɔkɔnyɔkɔ be tsyinɛtem.

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Axwɛwɛwa 20:21

Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

Axwɛwɛwa 26:20

Putɔnɔ kɔ baga lɛ Damaskosɛ, ka kɔ baga lɛ Yerusalɛm nɛ Yuɖia petee, anɛ kɔ bagɛ be di nu Yuɖanɛ nɛ tsyɛ, ɛkasɛ kɛdɔ sɛ tɛ be tsyina kitem tɛ be tsyina tɔ Kpaya tɛ be bu balɛ tɛtsyitsyina nɛ akasɛ anɛ ganɔ balɛ ebui bhɛbhɛtɛm.

Axwɛwɛwa 3:19

No tsyina kitem, tɛ no tsyina amɛ ɔtɔnɔ Kpaya, sɛ tɛ be xule wɔnɔ buzizi, tɛ kimuenebe ba kɔnɔ denɔ Apalete nɛ ɔkɔ,

2 Kɔrintioanɛ 7:10

Kpaya obulo mɛna kitemtsyitsyina gɛ kɛkɔ sɛ nɔ mɔ tɛbhubhuiyɛkɛ klɛ kɛ dɛ tɔ anɔ, pɔ kanɔɛmɛ obulo mɛna butsi.

Koloseanɛ 1:13

Alasɛ ebhulɔayɛkɛ denɔ otumu ɔzakɔ klɛ amɛna lɔ aba kpɛ nɛ Eyi bukusiɔŋakɔ gɛ adɛmɛnɔ,

2 Timotio 2:25

Bagɛ ba ma yɛe de, adɔfɔɔ̃ tɛ ebu ebui mɛ akɔa lɛ, nɛ kidzoenu didi sɛ Kpaya aba kɔa lɛ kitem tsyitsyina gɛ ba gbanɔa lɛ vɛnɔ kɛgba nɛ tititi mɛ,

Hebriuanɛ 6:1

Kɛlɛso nɔ kɔlɔ shɛnahwɛ kesikpɛkpɛ kɛdɔkɛkasɛ denɔ Kristo shu klɛ tɛ buvɛ tɛshishe nɛ abha, nɔ tɔ kɔ sɛ bu zia dzu kitemtsyitsyina denɔ kɛxwɛwɛwa gɛ kɛba gbanɛ lɔ vɛnɔ butsi mɛ klɛ tɛ bu yɛkɛ Kpaya bhaŋa,

2 Petro 3:9

Apalete ata gbɛede kɔ yɛ ebui bhɛbhɛtɛ gɛ aɖɔlu nɛ shu, anasɛ gɛ beteli nu kedegbɛgba nɛesi. Yɛ dzyi ayɔ nɛ wunɔ shu, ata pɛɛ sɛ anɔnyanɔ etsi, pɔ anɔnyanɔ aba tsyinaɛtemɛ.

Tɛbubukasɛ 2:21

Ɛtɛ kɔ yɛ kibe sɛ tɛ etsyina kitem nɛ yɛ azhuzhɔlɛbui nɛ mɛ, pɔ ataa pɛ asɛ.

Tɛbubukasɛ 2:5

Baka ɔkɛlɛ gɛ ɔtɛ wɔlɛ ode! Tsyina kitem tɛ ɔbhɛtɛ ebui nɛ gɛ ɔbhɛtɛ putɔnɔ. Onu gɛ ɔdɛ tsyina kite mɛ, ɛba tɔnɔ wɔ ba klɛ ɛba nyɛna wɔ kanɛgbɛosi nɛ yɛkɔ nɛ ɔlɛ ɔzakɔ.