Mateo 27:51 - ONUGBÙ NYƐNYÃ VUVƆ

⁵¹ Nɛ kibe lɛ nɛ mɛ, busɔlɛvu mɛ kɛpɔtɛ nɛ tsywɛ denɔ kabha ɔbɔ na nɔ kesi. Kesukpa nɛ ka hwa, klɛ aklãgbu gbɛgbla ayɛɛ.

Mateo 27:51 Iomraidhean Croise

Mateo 27:54

Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Mateo 28:2

Kesukpa huhwa gɛganɛɛ abɛ lɛ mɛ, alasɛ Apalete nɛ axwɛdɛ nɛ ede owũsise nɛ aba, klɛ ede tii kɛklãgbugbla nɛ aplɛ nɛ odzre nɛa bha klɛ ezhiaza klɛa bha.

Marko 15:38

Busɔlɛvu mɛ kɛpɔtɛ nɛ tswɛ denɔ kabha ɔbɔ nanɔ kesi nɛ wa.

Luka 23:45

alasɛ kiwui nɛ zɛkɔlɔ tã. Klɛ kɛpɔtɛ nɛ gɛ kɛ bhui kpayavu nɛ mɛ kɛ tsyɔɛ̃ kpɛ ɛkɔtɛbha.

Luka 23:47

Keyutugbani anɔ gbɛgbla, gɛ amɔ ebui gɛ la ba ba, akpɛ Kpaya kɛtɔkpu nɛabha klɛ aɖɔ sɛ, “Kɛgbɛagba anɔ dzyɔgo yɛ edzi.”

Hebriuanɛ 6:19

Kɛdidzoenu didi lɛ bulɔ ahwɛ anasɛ keniabha opupu dzrɔnɔ kɔ kɛtɔwui, mɔmɔ nɛ gɛganɛ. Kɛ tsoku obhubhuikɔ nɛ kɛmɛnɛmɛ anɛ́ kɛpɔtɛ nɛ gɛ ba yɛ kɔ bhui busɔlɛvu nɛ kede,

Hebriuanɛ 9:3

Nɛ buvumɛmɛma kɛpɔtɛ bhla nɛede buvu tuli za gɛ be klu asɛ Ɔzakɔ Dzyɔgo Ɖɛɖamadɛ,

Tɛbubukasɛ 11:13

Nɛ ɔɖɔ lɛlɛ nɛ mɛ ɖɛɛ kesukpa gɛganɛ tieli ka ba hwa klɛ ɔmagbla nɛ kapɛ tierikpo nɛ bupɛ lɔfɔm na tsra. Banɔ akpã tegene balɛ etsi nɛ kesukpa huhwa nɛ mɛ, klɛ bagɛ ba gɔ nɛ si kifu zizi klɛ ba kɔ Kpaya nɛ owũsise nɛ kabhakpɛkpɛ.

Tɛbubukasɛ 11:19

Ɔkɛlɛ Kpaya busɔlɛvu nɛ owũsise nɛ danɛ, klɛ nɛ yɛ busɔlɛvu nɛ mɛ ba mɔ yɛ onugbunyɛnya osiakputɔ. Klɛ kifu ɛmɔɛ ba, ilimgugu, subhalɛlɛ aklãgbu, kesukpa huhwa anɛ amuklãgbuilɛ gbɛgbla.