Mateo 26:41 - ONUGBÙ NYƐNYÃ VUVƆ

⁴¹ “Nɔ za nɛ awɔ̃ tɛ no kulukpaya sɛ tɛ nɔ tɛ bɔ wɔlɛ ku tɛfifeke di mɛ. Ɔfufɔɛ nɛ xũ ɔpɛɔ sɛ, pɔ ishuidzya nɛ tɔ.”

Mateo 26:41 Iomraidhean Croise

Mateo 24:42

“Kɛlɛ so nɛ nɔ za nɛ awɔ̃, alasɛ no ti nyi kiwi nɔɔ nɛ gɛ klɛa bha wɔnɔ Apalete nɛ aba ba.

Mateo 25:13

“Kɛlɛ so nɔ za nɛ awɔ̃, alasɛ no tinyi kiwi nɔɔ ɔdɔgɔsɛ ɔɖɔ nɛ mɛ.

Mateo 26:38

Ɔkɛlɛ etsrea lɛ asɛ, “Mɛ ɔfufɔɛ nɛ oyuku nɛ same mamɔ mamɔ ɔyɛkɔ dɔ nanɔ butsi. Nɔ za nɛ awɔ̃ nɛ ɔkɛ̃ nɛ mɛ.”

Mateo 6:13

Klɛ tɛ gbanɔ lɔ kpɛ tɛfifekedi mɛ, pɔ bu lɔ odenɔ ezizi nɛ ahwɛ mɛ.’

Marko 14:38

Nɔ za nɛ awɔ̃ nɛ kpayakuklu mɛ sɛ tɛ nɔ tɛ bɔ dɔ ku tɛfifekedi mɛ. Ɔfufɔɛ nɛ ɔɔpɛ ɔsɛ, pɔ ishuidzya nɛ ɛtɔ.”

Luka 11:4

Yɛkɔ blɔ ebuizizi ɔtsye lɔ, alasɛ bulɔ tsyɛ buyɛkɔ tsye anɔnyanɔ yɛ buizizi gɛ babhɛtɛ mɛna lɔ shu. Klɛ tɛgbanɛ lɔ kpɛ tɛfifekedi mɛ.’ ”

Luka 21:36

Nɔ di ishu abha kibenyɛbe, klɛ tɛ nɔ klukpaya sɛ tɛ nɔ bɔna koeyi nɛ alɛ petee gɛ la pɛɛ sɛ tɛ la ba mɛ, klɛ tɛ nɔ bɔna kititilɛlɔ nɛ Anɔdzyrame Eyi nɛ amɛ.”

Luka 22:40

Ɔkɛlɛ nɛ tɛkuku ko, etsre alɛsɛ, “Nɔ klukpaya sɛ tɛ nɔ tɛ bɔ wɔlɛ ku tɛfifekedi mɛ.”

Luka 22:46

Ebisi alɛ sɛ, “Kideso gɛ nɔ dɔtra?” Nɔ lɔ klɛ tɛ nɔ klukpaya sɛ tɛ nɔ tɛ bɔ wɔlɛ oku tɛfifekedi mɛ.”

Luka 8:13

Eyi gɛ adɔ aklagbu nɛabha alɛ nu ba gɛ bayɛkɛ bui nɛ same kɛbelɛlɛ gɛ be nu lɛ, pɔ kɛ dɛkpɛ ɛgu. Ba yɛkɛŋa kɛ be, pɔ tɛfifekedi ba ko, ba wɔlɛ ekoeyi.

Romanɛ 8:3

Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

1 Kɔrintioanɛ 10:13

Tɛfifekedi kanyaka ka vu wɔ dɛ kɛgɛ ba anɔnyanɔ abha. Klɛ Kpaya enu ayɛyɛkɛŋa, atɛ bakɔ tɛfifekedi dɛ kɛgɛ ɔtɛ bɔ na. Pɔ kibenɔ gɛ befeke wɔ di, aba kasɛ wɔ kidzo sɛ tɛ ɔga lɛabha tɛ obo koeyi nɛ lɛesi.

1 Kɔrintioanɛ 16:13

Nɔ za wunɔ tɛpupo abha, nɔ za gɛganɛɛ nɛ tɛyɛɛkɛŋaɛ mɛ, nɔ dzi banɔ gɛ ba kpɛ kemi, nɔ za gɛganɛ.

1 Kɔrintioanɛ 9:27

Oo ɛtu mɛ shuidzya klɛ ɛbhɛtɛ lɛ mɛ anɔdzidzi sɛ tɛ nɛ kɛlɛede ɛɖɔ kibui dzyɔgo kɔ ba bhlatɔ, mɛnahwɛ be ti be tsodikpɛ mɛ abha ŋɛŋa mɛ.

Galatianɛ 5:24

Bagɛ benu Kristo Yesu ayɛ ba tɛ kpla buzizi ɛkpã nɛ asɔ nɛ ɛlɛ tɛpɛpɛɛ.

Efesoanɛ 6:18

Klɛ klukpaya nɛ Ɔfufɔɛ nɛ mɛ kibenyɛbe nɛ kpayakuklu kanyakaɛdi anɛ tɛbibisi. Nɛ̀ kɛnɛ nɛ́ tɔkpuimɛ, zanɛ awɔ̃ klɛ kibenyɛbe za kpayakuklu abha kɔ kpaya banɔ.

1 Petro 4:7

Ebui nɛ petee obekekɔ lɛ tsobunɔ. Kɛlɛso kɔ wɔɛ tɔkpu mɛ bhui anɛ̀ ishu-nyɛnyɛna sɛ tɛ nɔ na kpayaklu.

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

2 Petro 2:9

onugɛ kana lɛ lɛ, kɛlɛalɛ Apalete enyi kana gɛ ebe bhui Kpaya banɔ denɔ tɛfifekedi mɛ klɛ tɛ anyɛna ebuikpã lete kɔ kebhui kuklu wui, kibelɛlɛ gɛ be tsiri balɛ batɔ tɛtɛta nɛabha.

Tɛbubukasɛ 16:15

“Di, ɛba ansɛ ezi! Bayula agɛ yɛa lɛ nɛ awɔ̃ klɛ anyɛna yɛ apɔtɛ nɛ ebunɔ shu, sɛ atɛ ba vɛ eti bu ishu elu nɛ kɛwɔɛ̃ mɛ.”

Tɛbubukasɛ 3:10

Nɛ kibe lɛ gɛ ɔtɛ nyɛna mɛ tɛtutrɔ nɛ mɛ ovunɔ kɛdzyɛɛ so, mɛ tsyɛ ɛba nyɛna wɔ shɛnɔ nɛ ɔɖa nɛ mɛ gɛ ɔbɔ ba kɔ kebhui kuklu nɛ kanɔ nɛ petee tɛ ba yɛkɔ efeke bagɛ balɛ kesukpa nɛa bha nɛ edi.