Mateo 24:3 - ONUGBÙ NYƐNYÃ VUVƆ

³ Gɛ Yesu ezhidzi Olivɛ butu nɛa bha, yɛ badɔkpasɛ nɛ aba yɛ ɔbha nɛ tɛkpukpum. Klɛ ba ɖɔ asɛ, “Tsre lɔ, ” “kibe ɖueɖu mɛ kibui nɛ ba ba kɛlɛ mɛ, klɛ kide gɛ ba dzi wɔ tɛbɛba nɛ kɛdɔmumɔ nɛ kibe nɛ tibibeke mɛ?”

Mateo 24:3 Iomraidhean Croise

Mateo 13:36

Ɔkɛlɛ ashɛ̃ lɔ banɔɛza nɛ avɛ bupa mɛ. Yɛ badɔkpasɛ nɛ ba tɔnɔ yɛ aba klɛ la ɖɔ asɛ, “Bu buya mɛ tɛwa nɛɛ kpalɛ nɛesi kɔ lɔ.”

Mateo 13:49

Kana kɛba za nɛ kibe bibeke nɛ mɛ. Kpaya baxwɛdɛ na ba ba klɛ le be bu atɔkpum gɛganɛ elete nɛ badzyɔgo nɛ shi

Mateo 15:12

Ɔkɛlɛ yɛ badɔkpasɛ nɛ aba yɛ ɔbha klɛ be bisi asɛ, “No nyi sɛ gɛ Farisianɛ nɛ enu kibui nɛ kɛ lɔɛ titi nɛ balɛ shu xãa?”

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Mateo 16:28

Itsre nɔ kɛgba, banɔ teli gɛ be lii titi nɛ ɔkɛ̃ be ti be mini butsi flogo pɛ ba ba mɔ Anɔdzyrame yɛ Eyi nɛ aaba nɛ yɛ bukusi mɛ.”

Mateo 17:19

Ɔkɛlɛ badɔkpasɛ nɛ ba tɔnɔ Yesu nɛ tikpukpum klɛ be bisi yɛ asɛ, “Kide so pɛɛ bulɔ xũ nɛ dɛ na ɔlɛ kɛka bu?”

Mateo 21:1

Gɛ bee tsobunɔ Yerusalɛm pɛ be be ku Betfage nɛ Olivɛ Butu nɛa bha, Yesu akpɛ yɛ badɔkpasɛ tɛabha,

Mateo 24:27

Alasɛ ansɛ gɛ subhaɛfu nɛ kii de kiwiɔyɛkɔ pɛɛ kɛɛ wɛŋ nɛ kiwiɔdɔkɔ, kana Anɔdzyrame yɛ Eyi nɛ tɛbɛba nɛ baa za.

Mateo 24:30

“Nɛ kibe lɛ nɛ mɛ Anɔdzyrame yɛ Eyi nɛ kɛdɔmumɔ nɛ ba wɛ̃ nɛ owũsise, klɛ amadi petee nɛ kesukpa nɛa bha na be tsishu. Ba ba mɔ Anɔdzyrame yɛ Eyi nɛ ɔmunɔ nɛ mɛ gɛ ede owũsise nɛ aaba, nɛ kemi anɛ ishubhubhui gbɛgbla mɛ.

Mateo 24:37

Anasɛ gɛ kɛza nɛ Nowa kibe, kana kɛba za nɛ Anɔdzyrame yɛ Eyi nɛ tɛ bɛ ba mɛ.

Mateo 24:39

klɛ be di ti kibuinyɛbui denɔ kɛ gɛ baa ba nɛ shu, ɔdɔ nanɔ kibe lɛ gɛ buni nɛ ba gbɛgba klɛ bu yɛkɔ balɛ petee ashɛ̃nɔ. Kana kɛba za nɛ Anɔdzyrame yɛ Eyi nɛ tɛ bɛba mɛ.

Mateo 24:43

Pɔ nu kibui nɛesi sɛ: Otɔ sɛ apalete nɛ eti elishim ɔɖa nɔɔ nɛ mɛ gɛ ezi nɛ aba ba, ata za nɛ awɔ̃ klɛ agɛ ta kɔ sɛ ezi nɛ ebe tsoku bulɛ mɛ.

Mateo 28:20

klɛ tɛ nɔ kasɛ dɔ sɛ anɔnyanɔ abhɛtɛ ansɛ gɛ ɛtrɔ kɔ nɔ. Klɛ kɛlɛ kɛlɛm sɛ ɛlɛ plɛnɔ nɔ kibenyɛbe, ɔkɔ dɔ nanɔ kanɔ nɛ tibibeke.”

Luka 21:7

Be bisi asɛ, “Adɔkasɛ, kibeɖuweɖu ebuianɛ petee la ba bɛ lɛmɛ? Klɛ kide gɛ bakasɛ sɛ ebuianɛ la ba ba?”

Axwɛwɛwa 1:7

Yesu ebui lɛ nu etsrea lɛ asɛ: “Kɛma kɔnɔ sɛ tɛ noti ebe ɔdɔgɔsɛ ewi nɔɔ nɛ gɛ Maka atrɔ nɛ yɛnahwɛ kabhaŋɛŋam elu.

Hebriuanɛ 9:26

Kɛlɛalɛ Kristo agɛ ta mɔ butɔ ebe gelee odenɔ kanɔ kesikpɛkpɛ. Pɔ ɔtsɔnɛ aba bu ba tirikpo kɔ lɔ petee nɛ kanɔ bibeke ewia nɛ mɛ tɛ ayɛkɔ yɛshu egu bugu tɛ ebu ezizi nɛ atɛ̃.