Mateo 22:16 - ONUGBÙ NYƐNYÃ VUVƆ

¹⁶ Ba kpɛ balɛ badɔkpasɛ nɛ aplɛnɔ Heroɖesɛanɛ nɛ yɛ ɔkɔ. Ba ɖɔa sɛ, “Adɔkasɛ, ” “bunyi sɛ onu anɔ gɛ ɔbhɛtɛ ebui nɛ alɛ ɔzakɔ klɛ ɔkasɛ dɔ nɛ Kpaya dzo nɛ kɛgba nɛ nu. Banɔdzyrame ataa hwanɛ wɔ, alasɛ oto di balɛ ɔkɔ sɛ banee di be nu dza.

Mateo 22:16 Iomraidhean Croise

Mateo 22:24

Ba sɛ, “Adɔkasɛ, ” “Mosesɛ etsre lɔ sɛ onu gɛ anyɛ etsi pɛ kɛɛ lɛ sɛ adɛ mɔ beyi, kɛ lɛ sɛ tɛ yɛadzya nɔɔ gɛ alɛ nɛ ayɛkɔ yɛedzini nɛ agbanɔ tɛ amɔ beyi akɔ yɛ.

Mateo 22:26

Kana kɛ za kɔ adzya bhla anɛ atramɛ, ɔdɔ nanɔ egigenemi nɛa bha.

Mateo 26:18

Ebui lɛ nu asɛ, “Nɔ tsoku ɔmagbla nɛ mɛ nɛ anyɛ teli ɔkɔ tɛ no tsre yɛ ɔsɛ, ‘Adɔkasɛ nɛ asɛ: Mɛ kibe nɛ tsuu ba. Ɛɛvɛ tɛ ŋa Tɛfɛflawi bulɔ nɛ mɛ badɔkpasɛ nɛ wɔ pa nɛ mɛ.’ ”

Mateo 26:49

Yuɖasɛ aga tɔnɔ Yesu nɛ ɔklɛ, klɛ asɛ, “Adɔkasɛ, Ɛsɛnɛ wɔ!” klɛ emini yɛ onugbu.

Marko 10:17

Gɛ Yesu agaa vɛ, anyɛ teli aba tɔnɔ yɛ klɛ ezhiakpla nɛ yɛ otugba. Ebisi asɛ, “Adɔkasɛ Dzyɔgo,” “kidee mɛ ɛba bhɛtɛ pɛ ɛba mɔ ɛkpã gɛ tɛ ba beke?”

Marko 12:13

Klɛe de nɛ ba kpɛ Farisianɛ anɛ Heroɖesɛanɛ teli sɛ tɛ be de vu Yesu aganɔ yɛ ebui ɖuɖɔ shu.

Marko 12:14

Ba ebe ku yɛ ɔbha klɛ la ɖɔ asɛ, “Adɔkasɛ, bunyi sɛ onu anɔ gɛ ɔna. Anɔdzyrame ataa na wɔ tsyina, alasɛ wɔ otoo di banɔ nɛ di gɛ be nu nɛ ɔkɔ, pɔ ɔkasɛ Kpaya kidzo nɛ kɛgbɛagba nɛ nu. Kɛbɔ sɛ tɛ ba kɔ kadzyɔ Kaɛzaro pɛnɔɔ kɛmɛtã?

Marko 3:6

Klɛ so, Farisianɛ ba shɛ avɛ ada bhɛtɛ terikpo nɛ Heroɖesɛanɛ akɔ Yesu tiyiyi.

Marko 8:15

Yesu etsre alɛ asɛ, “Nɔ dii mɔ.” “No vu awɔ̃hũ nɛ Farisianɛ anɛ Heroɖesɛ bunɛyekedɔ.”

Luka 20:21

So ba gɛ baxwua anɔ nɛ bebisi yɛ asɛ: “Adɔkasɛ, bu nyi sɛ ɔɖɔ kibui klɛ ɔkasɛ kɛ gɛ nu gbɛagba, klɛ ɔtɛ tsyina kibui okumu pɔ ɔkasɛ banɔ Kpaya bui nɛ kidzo gbɛagba abha.

Luka 7:40

Yesu ebushunu asɛ, “Simɔn, kibui tili lɛ mahwɛ gɛ ɛba tsre wɔ.” Aɖɔ asɛ, “Tsremɛ, adɔkasɛ.”

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Yohanɛsɛ 18:37

Pilato ebisi asɛ, “Kɛlɛso ekusi wɔ nu?” Yesu ebushunu asɛ, “Kibui gbɛagba wɔɖɔ Ɛnu ekusi. Kɛgbɛagba kɛlɛso gɛ bamɔ mɛ, nɛ kɛlɛso gɛ ɛba kanɔ nɛ mɛ, sɛ tɛ ibu kɛgbɛagba nɛ kasɛ. Anɔnyanɔ gɛ alɛ kibui gbɛagba nɛede ata mɛatɔ.”

Yohanɛsɛ 7:18

Anɔ nɛ gɛ aɖɔaɖɔ nɛ yɛ nahwɛshu ahwɛ apɛɛ tɛgbɛgbla kɔ ishu, pɔ anɔ gɛ awa kɛxwɛ kɔ agɛ akpɛ yɛ, sɛ tɛ akpɛ yɛnyi nɛabha, enu anɔ gɛ aɖɔ kibui gbɛagba, kibuinyɛbui dɛ zi nɛ yɛ shu.

2 Kɔrintioanɛ 2:17

Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.

2 Kɔrintioanɛ 4:2

Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.

2 Kɔrintioanɛ 5:16

Kɛlɛso denɔ ɔtsɔnɛ ɔvɛnɔ butɛ ka yɛkɔ anɔ bui denɔ kanɔanɛ mɛ dɔ didi wa kɛxwɛ nɔ. Kɛlɛlɛmɛ sɛ bu yɛkɔ Kristo nɛ kidzoɛ nɛabha, bu tɛ ka bhɛtɛ alɛlɛ.

Galatianɛ 1:10

Ɔtsɔ̃nɛ ɛwlãnkɛ sɛ ɛmɔ ahwɛ tɛtrɔ denɔ banɔ kɔ pɛnɔ Kpaya kɔ? Pɛnɔ ɛwlãkɛ sɛ tɛ ɛku banɔ awɔ̃? Onugɛ ɛka wlãnkɛ sɛ tɛ ɛku banɔ awɔ̃, ɛtɛba dzi Kristo axwɛwa.

Galatianɛ 2:6

Kɔ bagɛ wɔɛ̃ anasɛ bavɛ kɛdɔnyɛdɔ di gɛ be nu kɛ dɛ bhɛtɛ ɔtɔgɛga kɔ mɛ, Kpaya etedi anɔ tɛzɛzamɛ eklu kebhui—banɔ alɛlɛ ba dɛ yɛkɔ kɛdɔnyɛdɔ aplɛnɔ mɛ ɔsɔkɛkla.

1 Tɛsolonianɛ 2:4

Kɛɛlɛ nɛ mazɛ lɛ mɛ, bu ɖɔaɖɔ anasɛ banɔ gɛ Kpaya atrɔahwɛ bulɔa bha pɛ ba ba yɛkɔ kibuidzyɔgo nɛ akpɛ bulɔ ahwɛ. Bu tɛ bhɛtɛ sɛ tɛ bu ku banɔ awɔ̃ pɔ Kpaya, gɛ eefeke bulɔ idzyi nɛ mɛ edi.

Yakobo 3:17

Pɔ kibuinyinyi nɛ gɛ de owũsise, putɔnɔ nɛɛ, kɛlɛ shu petee bhui, klɛ ishuyuyɔ— tɛdɛdɛmɛnɔ, tɛyɛyɛkɔ nɛ lɛm, ishu zhizhinɔesi, tɛyuyuku nɛ eshutukubui didi nɛ eyuyu dzyɔgo, anɔamɛ madimadi anɛ kidzo tirikpom nyɛnyɛna vunɔ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.