Mateo 20:2 - ONUGBÙ NYƐNYÃ VUVƆ

² Adɛmɛ asɛ aba bua kiwi zɛzɛ kɛbhɛ gɛ nu dinario akɔa lɛ, klɛ asɛsɛ balɛ nɛ buya nɛ mɛ.

Mateo 20:2 Iomraidhean Croise

Mateo 18:28

“Pɔ gɛ axwɛdɛ alɛlɛ nɛ ekoeyi avɛ, ada tsyanɔ yɛabhla teli gɛ yɛ tsyɛ adɔ kɛbhɛ bhli tili nɛ yɛ shu. Anyɛna yɛ klɛ atasɔlɛ yɛ kɛhali. Klɛ asɛ, ‘Buya kɛbhɛ nɛ gɛ ɔdɔ nɛ mɛ shu nɛ ɔkɔm!’

Mateo 20:1

Yesu avɛ kɛlɛa bha sɛ, “Alasɛ owũsise bukusiɔŋakɔ nɛ ɔlɛ ansɛ kesukpaelete teli gɛ alɔ kɛvulɔ pinii avɛ sɛ tɛ ada pɛɛ banɔ tɛ ba da wa kɛxwɛ kɔ yɛ nɛ buya mɛ.

Mateo 20:13

“Pɔ ebui lɛ nu etsre terikpo asɛ, ‘Ɔbhɛa, nɛ sɛ ɛtɛɛ bhɛtɛ wɔ mɔmɔ. Anɛ kiwi zɛzɛ bhɛ gɛ nu dinario terikpo ɔdɛmɛ sɛ ɔbɔ wa kɛxwɛ nɛ ɔkɔ?

Mateo 20:3

“Nɛ kɛvulɔ ɛɖɔ tizhita mɛ ana, ekoeyi ada mɔ banɔ nɛ teli gɛ be li titi nɛ kedzi mɛ gɛ ba taa bhɛtɛ kɛdɔnyɛdɔ.

Mateo 20:9

“Baxwɛwa nɛ gɛ ba yɛkɔ nɛ ɛɖɔ titi mɛ na ba klɛ akanyaka ayɛkɛ dinario terikpo.

Mateo 22:19

Nɔ kasɛ mɛ ehoeyi nɛ gɛ nɔɔ dzyɔ kɛdɔ nɛ nɔ.” Ba yɛkɔ kihueyi gɛ nu denarosɛ terikpo amɛna yɛ,

Mateo 9:37

Klɛ etsre yɛ badɔkpasɛ nɛ asɛ, “Kɛdɔbubu nɛ lɛ kpi pɔ baxwɛwa nɛ ba dɛ na tɛashɛ̃.

Marko 12:15

Bu buya pɛnɔɔ bɔtɛ buya?” Pɔ Yesu enyi balɛ butsutsɔmɔ. Ebisi alɛ asɛ, “Kide so pɛ nɔ tɔ kɛgba kɔ mɛ?” “Nɔ yɛkɔ wɔnɔ kɔba nɛ tili ɔmɛna tɛ idi.”

Luka 1:15

alasɛ ebe dzi agbɛgbla nɛ Apalete nɛ amɛ. Ama sɛ tɛ awɔɛ̃ bulu ɔdɔgɔsɛ kɛdɔ wuwɔɛ̃ gɛganɛ kanyakaɛ di, klɛ Ɔfufɔɛ Dzyɔgo kuratsyɛ lɔ bo yuku yɛ de nɔ yɛ tɛmumɔɛ mɛ.

Luka 10:35

Kelizɛza ayɛkɔ kɔba frɛrɛ tɛabha akɔ agɛ edi ɔtsɛkɔ nɛabha sɛ, ‘Yɛ kɔ edi yɛ abha, tɛ onu gɛ itsodzi ɛba nɛ, ɛba buya kɛdɔnyɛdɔɛ bhɛ gɛ ɔzɔ zi nɛ yɛ shu kɔ wɔ.’

Luka 20:24

“Kasɛ mɛ dinario. Ane amɛ nɛ kinyi kɛlɛ tsiri yɛ abha?”

2 Timotio 3:15

klɛ ansɛ kana gɛ denɔ wɔ kɛnuvɔbe pɛ onyi Kpayɛbui buplukpa mɛ ebui gɛ alɛ shu bhui, gɛ ana wɔ bhɛtɛ pɛ onyibui kɔ tɛbubu ganɔ tɛyɛyɛkɛŋa nɛ Kristo Yesu mɛ.

Tɛbubukasɛ 6:6

Ɔkɛlɛ mɛ nu kɛdɔ tili dɔ gɛ kɛlɛ oli mɛ odzi ansɛ kɛdɔbhɛbhɛtɛ lulu tɛlɛ̃ nɛ shi, kɛɛ ɖɔ sɛ, “Agɔnɛ kedzyidzyi tierikpo kɔ kiwi zɛzɛ bhɛ, anɛ amɔ budzyidzyi tɔta kɔ kiwi zɛzɛ bhɛ, klɛ tɛ zi bubɔ anɛ bulu!”