Mateo 20:1 - ONUGBÙ NYƐNYÃ VUVƆ

¹ Yesu avɛ kɛlɛa bha sɛ, “Alasɛ owũsise bukusiɔŋakɔ nɛ ɔlɛ ansɛ kesukpaelete teli gɛ alɔ kɛvulɔ pinii avɛ sɛ tɛ ada pɛɛ banɔ tɛ ba da wa kɛxwɛ kɔ yɛ nɛ buya mɛ.

Mateo 20:1 Iomraidhean Croise

Mateo 13:24

Yesu aza kpɛ kɛkpalɛ bhlatɔ akɔa lɛ asɛ: “Owũsise bukusiɔŋakɔ nɛ ɔsɔnɔ ansɛ anɔ gɛ avɛ yɛ buya mɛ klɛ ada hwɛ kɛdɔeyi dzyɔgo.

Mateo 13:31

Yesu aza kpɛ kɛkpalɛ bhlatɔ asɛ: “Owũsise bukusiɔŋakɔ nɛ odzi ansɛ eyixwɛtsɛ, gɛ anɔ teli ada ɖa nɛ yɛ buya mɛ.

Mateo 13:33

Aza kpɛ kɛkpalɛ bhlatɔ kɔ balɛ asɛ, “Owũsise bukusiɔŋakɔ nɛ odzi ansɛ bunayekedɔ gɛ anɔdzɛ aayɛkɔ akpɛ buna gelee mɛ kɔ tɛ yiyeke nɛ tɛ pipe.”

Mateo 13:47

Kana ke, owũsise bukusiɔŋakɔ nɛ odzi ansɛ kenimdzikle gɛ ba tɛa kpɛ kɛvɔm pɛ ebu akpã edidedi.

Mateo 20:2

Adɛmɛ asɛ aba bua kiwi zɛzɛ kɛbhɛ gɛ nu dinario akɔa lɛ, klɛ asɛsɛ balɛ nɛ buya nɛ mɛ.

Mateo 21:28

“Wɔnɔ kɛtɔkpu nɛ mɛ sɛ kɛlɛ? Anyɛ teli aza gɛ beyianyɛ tɛabha za yɛahwɛ. Atɔnɔ atutɔpu nɛ avɛ asɛ, ‘Eyi, vɛ tɛ ɔdɔ wa kɛxwɛ nɛ vãyɛ̃ buya nɛ mɛ obo.’

Mateo 22:2

“Owũsise bukusiɔŋakɔ nɛ odzi ansɛ gɛ ekusi abala adzɛ ɔgbanɔkɔ akɔ yɛ eyianyɛ.

Mateo 23:37

“O Yerusalɛm, Yerusalɛm, wɔ gɛ oyi batɔnu klɛ ohu bagɛ ba sɛsɛ wɔ nɛ aklãgbu, klɛ pɛɛ mɛ ɛdɛ pɛɛ sɛ tɛ ɛxogo weyialɛ, ansɛ gɛ ɔkukɔni oxogo akukɔɛyi akpɛ ɔlɛ busɛ mɛ, pɔ nɔ dɔɔ dɛmɛ.

Mateo 25:1

“Nɛ kibe lɛ nɛ mɛ owũsise bukusiɔŋakɔ nɔ bɔ za ansɛ badzɛ lɔfɔ gɛ ba yɛkɔ balɛ bakanɛgbɛ pɛ be koeyi avɛ sɛ tɛ ba da tsyanɔ adzɛenyine.

Mateo 25:14

“Klɛ kɛ zɛ ba za ansɛ anɔ gɛ aaga kidzo, klɛ eklu yɛ baxwɛdɛ klɛ ayɛkɔ yɛ kɛnɔmɛdɔ nɛ akpɛ ahwɛ kɔa lɛ.

Mateo 3:2

klɛ aaɖɔ asɛ, “Tsyinaɛtem, alasɛ owũsise bukusiɔŋakɔ nɛ otsobunɔ.”

Marko 13:34

Edzi ansɛ anyɛ teli gɛ ekoeyi aavɛ, klɛ ayɛkɔ yɛ bupa nɛ akpɛ yɛ baxwɛdɛ nɛ ahwɛ, akanyaka nɛ yɛ kɛxwɛ, klɛ etsre agɛ eli kedunu na sɛ epo ɔkɛlɛ.

Yohanɛsɛ 15:1

Me nu vãyɛ̃ kɛgbɛagba, klɛ ma Aka yɛ nu ɔlɛ ayadɛ.

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

Hebriuanɛ 13:21

akɔ nɔ kɛdɔ dzyɔgo nyɛdɔdzyɔgo kɔ yɛ tɛpɛpɛɛ, klɛ tɛ awaɛxwɛ nɛ bulɔ mɛ kɛgɛ ku yɛ awɔ̃, ɔganɔ Yesu Kristo abha, kɔ yɛ ishubhubhui mɛ denɔ mabeke ɔvɛnɔ mabeke mɛ. Tɛlɛbɛlɛmɛ.