Mateo 2:4 - ONUGBÙ NYƐNYÃ VUVƆ

⁴ Gɛ ekulu yɛ kpayaɔzakɔanɔ gbla anɛ ɛshãdɔkasɛ nɛ petee ebe xogo, ebisi alɛ ɔkɛlɛ gɛ ba ɖɔ sɛ ba baa mɔ Kristo.

Mateo 2:4 Iomraidhean Croise

Mateo 13:52

Aɖɔ etsre alɛ asɛ, “Kɛlɛ so ɔshãdɔkasɛ kanyaka gɛ ba kasɛ dɔ edenɔ owũsise bukusiɔŋakɔ nɛ shu asɔnɔ ansɛ apalete gɛ ebu yɛ kɛkesrɔdɔ vuvɔ nɛ kɛkuku nɛ edenɔ yɛ kɛdɔ ɔbalakɔ.”

Mateo 2:3

Gɛ Ekusi Heroɖesɛ enu sɛ kana, kɛ kpɛ yɛ bunuhu, klɛ Yerusalɛm petee aza plɛnɔ yɛ.

Mateo 2:5

Be bu kɛlɛ nu etsrea sɛ, “Nɛ Betlehem nɛ Yuɖia,” alasɛ kana atɔnu nɛ aŋlɔmɛ elu asɛ:

Mateo 21:15

Pɔ gɛ kpayaɔzakɔanɔ anɛ ɛshãdɔkasɛ na mɔ ebui nɛ di gɛ Yesu abhɛtɛ nɛ bunuvɔɛ nɛ igugu nɛ gɛ baa kpɛ nɛ busɔlɛvu nɛ ɔbha be nɛ asɛ, “Hosiana kɔ Daviti yɛ Eyi, ” kɛ kua lɛ obulo.

Mateo 21:23

Yesu etsoku busɔlɛvu nɛ kibee, klɛ, gɛ aza kasɛ dɔ, kpayaɔzakɔanɔ anɛ beshishe kɔ banɔ nɛ ba tɔnɔ yɛ aba. Be bisi asɛ, “Kabhaŋɛŋa ɖueɖu mɛ ɔɔbhɛtɛ ebuia nɛ petee?” “Klɛ anee gɛ akɔ wɔ kabhaŋɛŋɛa nɛɛ di?”

Mateo 26:3

Klɛ kpayaɔzakɔanɔ gbla anɛ balɛ banɔ shishe nɛ exogo nɛ Kayafasɛ gɛ enu kpayanɔgbla nɛ teli bupa mɛ,

Mateo 26:47

Nɛ kibe lɛ nɛ gɛ eke dzia ɖɔ kaɖɔ, Yuɖasɛ, gɛ enu Kɛfɔntɛabha nɛ ɔmɛayɛ teli, nɛ ebe ku. Banɔɛza gbla lɛ yɛe de nɛ baa hɛ nɛ busukpogunu, gɛ benu banɔ gɛ kpayaɔzakɔanɔ anɛ beshishe nɛ ba kpɛ yɛe si.

Mateo 27:1

Nɛ kɛvulɔ nɛ pinii, kpayaɔzakɔanɔ anɛ banɔ anɛ beshishe na ba trɔ asɛ be be yi Yesu.

Mateo 7:29

alasɛ akasɛ kɛdɔ ansɛ anɔ gɛ kabhaŋɛŋa ka lɛ yɛ ahwɛ, klɛ ganɛ ansɛ balɛ ɛshãdɔkasɛ.

Marko 8:31

Ɔkɛlɛ akpa kɛdɔ kasɛ balɛ asɛ, Anɔdzyrame yɛ Eyi alasɛ tɛ atɔ nɛ ebui gelee mɛ klɛ beshishe na tɛ ba yɛkɛ yɛ, kpayaɔzakɔanɔ anɛ ɛshãdɔkasɛ, klɛ kɛba za sɛ tɛ be yi yɛ klɛ nɛ ewi tataede ebe tsodzi alɔ.

Luka 20:19

Ɛshã dɔkasɛ nɛ kpayaɔzakɔanɔ ekusi ba pɛɛ kidzo sɛ tɛ be vu Yesu tsyiɔ̃, alasɛ be nyi asɛ akpɛ kɛkpalɛ nɛ alɔɛtiti nɛ balɛ shu. Pɔ be sifu nɛ banɔ nɛ gɛ ba za ɔkɛlɛ nɛ shu.

Luka 23:10

Kpayazakɔanɔ bekusi anɛ ɛshã badɔkasɛ ba za ɔkɛlɛ, gɛ bebhui yɛ nu gɛganɛganɛ.

Yohanɛsɛ 18:3

Kɛlɛso Yuɖasɛ aba buya lɛlɛ nɛ mɛ, agbanɛ keyutugbani nɛ baxwɛwa denɔ kpayaɔzakɔanɔ gbla anɛ Farisianɛ ata shu. Be vunɔ ɛbɛya, bakanɛgbɛ ne keyuitadɔ.

Yohanɛsɛ 3:10

Yesu aɖɔ sɛ, “Wɔ onu Izraɛl anɛ adɔkasɛ, klɛ odunu kibui nɛesi?

Yohanɛsɛ 7:32

Farisianɛ benu ebui nɛ di gɛ banɔ nɛ aɖɔ hunihuni denɔ yɛ shu. Ɔkɛlɛ kpayazakɔanɔ gbla anɛ Farisianɛ na kpɛ kpayavu bepupo sɛ tɛ bede vu yɛ.

Yohanɛsɛ 8:3

Ɛshã badɔkasɛ anɛ Farisianɛ ba mɛna adzɛ teli gɛ be vu sɛ, adɛ ɔmamɛ. Ba kɔ yɛ alɔ kititi nɛ banɔ nɛ shitibha.

Axwɛwɛwa 23:9

Ozikpkpɛ obo ku ɔkɛlɛ, klɛ ɛshadɔkasɛ nɛ teli gɛ nu Farisianɛ na ba lɔ kititi gɛganɛ nɛ kibui nɛ shu. Klɛ baa ɖɔ sɛ, “Blɔ bɔdɛ mɔ kɛdɔ nyɛdɔ lɛ zi nɛ anyɛa nɛ shu.” “Klɛ onu gɛ kidzi sɛ ɔfufɔɛ ɔdɔgɔsɛ Kpaya axwɛdɛ atɛ ɖɔ kaɖɔ etsre yɛ?”

Axwɛwɛwa 4:5

Nɛ keli zɛza nɛm nɛɛ baga ŋɛabha, beshishe anɛ ɛshãdɔkasɛ na ba tsya nɛ Yerusalɛm.

Axwɛwɛwa 6:12

So be de feke banɔ nɛ beshishe anɛ ɛshãdɔkasɛ nɛ idzyi edzu. Be vu Stefano klɛ la yɛkɔɛ mɛna bebhuiklu nɛ amɛ.