Mateo 2:23 - ONUGBÙ NYƐNYÃ VUVƆ

²³ klɛ ada za ɔma toli gɛ bee kulu asɛ Nazarɛtɛ nɛm. Kana kɛda ba kɛlɛm anasɛ gɛ ba ɖɔɛ lɛ aganɔ batɔmu nɛa bha asɛ: “Be be kulu yɛ asɛ Nazarɛtɛeyi.”

Mateo 2:23 Iomraidhean Croise

Mateo 1:22

Ebuia nɛ petee la ba kɛlɛ mɛ sɛ tɛ ba yɛkɔ mɔ Apalete nɛ ebui nɛ gɛ aɖɔ ganɔ atɔnu nɛa bha na asɛ:

Mateo 21:11

Banɔɛza nɛ asɛ, “Yesu naa, atɔnu gɛ ede Nazarɛtɛ nɛ Galelia.”

Mateo 26:71

Ɔkɛlɛ ashɛ̃ vɛ ede li kedunu, ɔkɛlɛ adzɛnuvɔɛ teli aza ba mɔɛ klɛ aaɖɔ tsre banɔ nɛ gɛ be li ɔkɛlɛ nɛ asɛ, “Anɔa nɛ gɛ elia nɛ tsyɛ aza Yesu Nazarɛtɛ eyi nɛe de. ”

Marko 1:24

“Kidee wɔ Yesu Nazarɛtɛ eyi nɛ ɔpɛɛ denɔ bulɔ ɔkɔ? Ɔba sɛ tɛ obo beke lɔ dza? Inyi anɔ nɛdi gɛ onu, wɔ nu Kpaya Ɔfufɔɛ Dzyɔgo Anɔ!”

Marko 1:9

Kɛbe lɛlɛ nɛ mɛ gɛ, Yesu ede Nazarɛtɛ nɛ Galelia nɛ aba, klɛ aba yɛkɛ bunikpɛkpɛ denɔ Yohanɛsɛ ɔkɔ nɛ Yɔɖan Keni nɛ mɛ.

Luka 1:26

Nɛ woele hlomi nɛ mɛ, Kpaya akpɛ axwɛdɛ Gabrɛlɛ nɛ Nazarɛtɛ, ɔma toli nɛ Galelia,

Luka 18:37

Be tsre yɛ asɛ, “ Yesu gɛ ede Nazarɛtɛ yɛ afla.”

Luka 2:39

Gɛ Yosef anɛ Maria ba bhɛtɛ kibuinyɛbui beke nɛ Apalete nɛ Ɛshã tɛbibisi nɛ nu, be tsodzi avɛ Galelia balɛ nahwɛ ɔma nɛ mɛ nɛ Nazarɛtɛ.

Yohanɛsɛ 18:5

Baɖɔ sɛ, “Yesu gɛ ede Nazarɛtɛ.” Yesu aɖɔ sɛ, “Mɛ nu yɛ.” (Klɛ Yuɖasɛ agɛ akpɛ Yesu ahwɛ aza kititi nɛ balɛ ɔbha.)

Yohanɛsɛ 18:7

Ɛze bisi ale sɛ, “Ane nɔ pɛɛ?” Klɛ baɖɔ sɛ, “Yesu gɛ ede Nazarɛtɛ.”

Yohanɛsɛ 19:19

Pilatio aŋlɔmɛ kɛdɔ ata butsiosi nɛ shu. Kɛlɛ tɛkɛkla nɛ ɖɔ sɛ: Yesu Nazarɛtɛeyi, Yuɖanɛ Ekusi.

Axwɛwɛwa 2:22

“Izraɛlanɛ mɔ, nɔ tatɔ kibui nɛ, Yesu Nazarɛtɛ eyi nɛɛ edzi anɔ gɛ Kpaya ebu kɔnɔ ganɔ ebui gɛ abhɛtɛ bi mɛ, ebui yiyinɔanɔ nɛ kɛdɔmumɔm gɛ Kpaya abhɛtɛ nɛ wɔnɔɛ shi ganɔ yɛa bha, ansɛ gɛ wɔnɔ nahwɛ no nyi.

Axwɛwɛwa 24:5

“Bɔ ba mɔ sɛ anyɛa nɛɛ enu anɔ gɛ akpɛ bunuhu, akpɛ ozi nɛ Yuɖanɛ nɛ kishi kana kanɔm petee. Enu otugbanɔ kɔ Nazarɛtɛanɛ ɔshɛ