Mateo 2:13 - ONUGBÙ NYƐNYÃ VUVƆ

¹³ Gɛ kiwiɔyɛkɔ bebuiti na shɛ beke, Apalete nɛ axwɛdɛ nɛ ada wɛ̃ nɛ Yosɛfu bulɛlam klɛ etsrea sɛ, “Lɔ, yɛkɔ ŋɛvuvɔ anɛ yeni tɛ osi vɛ Egibte. Za ɔkɛlɛ ɔdɔ nanɔ kibe lɛ gɛ eba tsre wɔ, alasɛ Heroɖesɛ abaa pɛ anuvɔ na sɛ tɛ eyi.”

Mateo 2:13 Iomraidhean Croise

Mateo 1:20

Pɔ kɛlɛede gɛ akpɛ kɛtɔkpum ana nɛɛ, Kpaya axwɛdɛ ebe bu ishu akasɛ yɛ nɛ bulɛla mɛ asɛ, “Yosɛfu Daviti yɛeyi, tɛ si kifu nɛ Maria tɛgbɛgbanɔ vɛnɔ bupa mɛ ansɛ wedzini ana nɛ shu, alasɛ ɛya nɛ gɛ ɛlɛ yɛ shu nɛɛ lɛ de Ɔfufɔɛ Dzyɔgo nɛ ɔkɔ.

Mateo 10:23

Kibe lɛ gɛ bakpatɔnɔ nɔ nɛ ɔkɔtoli, no si ɔvɛ ɔkɔ bhlatɔ. Itsre nɔ kɛgba sɛ, nɔ tɛ bɔ ga Izraɛl ɛma nɛ mɛ beke flogo pɛ Anɔdzyrame yɛ Eyi nɛ aba ba.

Mateo 2:12

Klɛ gɛ beti bu akasɛ alɛ nɛ bulɛla mɛ sɛ be tee tsodzi avɛ Heroɖesɛ ɔkɔ so, ba da ga kidzo bhlatɔ avɛ balɛe pi.

Mateo 2:14

So evu alɔ, ayɛkɔ ŋɛvuvɔ anɛ yeni nɛ elishim klɛ ashɛ̃ avɛ Edzyibite,

Mateo 2:16

Kibe lɛ gɛ Heroɖesɛ aba mɔ sɛ kiwiɔyɛkɔ bebuiti nɛ be ti bui adɛ yɛ, obulo oku yɛ, klɛ akɔ ɔshã sɛ be yi eyianyɛnuvɔ kanyaka nɛ Betlehem anɛ yɛ kɛdɔ nɛm petee, denɔ agɔ tabha ɔmɛnaesi, anasɛ gɛ enu denɔ kiwiɔyɛkɔ bebuiti nɛ ɔkɔ.

Mateo 2:22

Pɔ gɛ enu asɛ Heroɖesɛ yeyi Atsyɛlausɛ yɛ aŋa bukusi nɛ yɛaka kinyi mɛ nɛ Yuɖia nɛɛ, kifu kui sɛ tɛ avɛ ɔkɛlɛ. Gɛ batɛ kpɛ yɛ ɔshã nɛ bulɛla mɛ so, etsodzi ɔkɛlɛ klɛ ada fla vɛ Galelia kɛdɔ nɛm,

Axwɛwɛwa 10:22

Banyɛ nɛ bu ishu nu sɛ, “Kɔnelius gɛ enu Italia keyuovulo aka nɛ ɔkɔ lɔ de. Enu anɔ dzyɔgo klɛ esi Kpaya kifu, klɛ Yuɖanɛ nɛ petee akɔ yɛ ɔzakɔ. Axwɛdɛ nɛna teli etsre yɛ asɛ akɔ wɔ ɔba yɛ bupa mɛ tɛ enu ebui nɔɔ nɛ gɛ alɛ wɔ ahwɛ pɛ ɔbɔ ɖɔ.”

Axwɛwɛwa 10:7

Gɛ Kpaya axwɛdɛ nɛ gɛ aɖɔ kaɖɔ nɛ tsre yɛ na shɛ beke nɛ, Kɔnelius eklu yɛ baxwɛdɛ tɛabha nɛ keyutugbani terikpo gɛ nu anɔ gɛ edi yɛ ɔkɔ.

Axwɛwɛwa 12:11

Petro aba vɛ ishum klɛ aɖɔ sɛ, “Ɔtsɔ̃ nɛɛ eba ti otro maza klɛ mɛ sɛ Apalete nɛ yakpɛ yɛ axwɛdɛ klɛ ebe bu mɛ nɛ Heroɖes buɖɛ mɛ nɛ kɛdɔ nyɛdɔm gɛ Yuɖanɛ nɛ bee di kidzoe nu sɛ tɛ kɛ ba mɛa bha.”

Axwɛwɛwa 12:7

Nɛ kibi tilim ko, Kpaya axwɛdɛ teli ko ya ba klɛ ebe bui fu akpɛ buvu nɛ peteem. Etu Petro kɛdɔ nɛ yɛ ɔwɔã nɛm klɛ anyɛmɛ yɛ. Klɛ etsrea sɛ, “Kɔɛa tsɔ, vu ɔlɔ!” Klɛ buɖɛ nɛ bule nɛ yɛ buhukpɔ.

Axwɛwɛwa 16:36

Anɔ nɛ gɛ akpɛa lɛ buvu nɛ etsre Paolo asɛ, “Bebhuiklu na kpɛ odu asɛsɛ sɛ ba shɛnahwɛ Silas anɛ wɔ shu. Ɔtsɔ̃ nɛɛ nɔ bɔ naa shɛ so, nɔ vɛ nɛ ishu yuyɔm.”

Axwɛwɛwa 5:19

Pɔ nɛ elishi nɛ mɛ Apalete nɛ axwɛdɛ aba danɛ buvu nɛ budunu klɛ ebua lɛ eyinɔ.

Axwɛwɛwa 7:19

Agɛganɛ kɛtɔkpum nɛ bulɔ banɔ nɛ shu klɛ etii bulɔ bakashishe nɛ akpesi ganɔ balɛa bha tutrɔ sɛ ba yɛkɔ balɛ beyivuvɔ nɛ atɛ̃ɛ sɛ tɛ be de tsi.

Tɛbubukasɛ 12:14

Ba kɔ adzɛ nɛɛ odi gbɛgbla beglebe tɛabha, sɛ tɛ aba yɛkɔ epruru nɔ avɛ ɔklɛ gɛ ba bala elu kɔ yɛ nɛ ayakpa nɛ mɛ, ɔkɛlɛ gɛ le be di yɛabha tɔnɔ kibe tili, gɛ nu agɔ tata anɛ kapɛ, ɔkɛlɛ gɛ eblidzya nɛ ɔhwɛ ɔtɛɔ na yɛ.

Tɛbubukasɛ 12:4

Yɛ otse nɛ ɔgba awɛ̃wɛ̃ nɛ owũsise kapɛ zɛzɛ nɛ bupɛ tɔtam klɛ awãnya alɛ atrɔ kesukpa nɛabha. Eblidzyagbla nɛ eli titi nɛ adzɛ nɛ gɛ yɛ kɛmɔ na nɛ otugba, sɛ tɛ ebe vu eyi nɛ atã kibelɛ gɛ anya mɔ yɛ ko.

Tɛbubukasɛ 12:6

Adzɛ nɛ esi avɛ ayakpam nɛ ɔkɔ toli gɛ Kpaya abala lu kɔ yɛ, ɔkɛlɛ le be di yɛabha kɔ ewi kɛkpã tirikpo, kɛfɔɛfɔ tabha anɛ afɛtehlo (1,260).