Mateo 19:16 - ONUGBÙ NYƐNYÃ VUVƆ

¹⁶ Ɔtsɔ̃ nɛɛ anyɛ teli aba tɔnɔ Yesu klɛ ebisi asɛ, “Adɔkasɛ, kibui dzyɔgo ɖueɖu kɛlɛ lɛ sɛ ɛbhɛtɛ tɛ ɛmɔ ɛkpã gɛ ɛtɛba beke di?”

Mateo 19:16 Iomraidhean Croise

Mateo 19:15

Kibe lɛ gɛ atrɔ ahwɛ nɛ balɛa bha beke, avɛ yɛ kidzo nɛa bha denɔ ɔklɛ.

Mateo 19:26

Yesu edi alɛ klɛ asɛ, “Nɛ anɔdzyrame kapɛ mɛ, kɛ tɛ ba za bubɔɛbɔɛ, pɔ nɛ Kpaya kɔ, kibuinyɛbui lɛ bubɔɛbɔɛ.”

Mateo 19:29

Klɛ anɔnyanɔ gɛ atɛ shɛ alɔ bapa, yɛadzyalɛ, yɛadalɛ, yɛaka, yɛeni, yɛeyialɛ, yɛ kaya akpɛ mɛ so, aba yɛkɛ kɛdɔɛ lɛ nɛ ɛzakɔ kɛfɔɛfɔ klɛ aba mɔ ɛkpã gɛ ɛtɛ ba beke.

Mateo 25:46

“Ɔkɛlɛ la ba shɛ avɛ ede tsoku batɔtɛtɛta mabeke mabeke mɛ, pɔ banɔnɛna na ba vɛ ɛkpã mabeke mabekemɛ.”

Yohanɛsɛ 10:28

Ɛkɔ alɛ ɛkpã mabeke mabeke, klɛ lɛtɛ ba tsi, anɔnyanɔ atɛ ba bhɛ lɛ nɛ mɛ ahwɛ.

Yohanɛsɛ 12:25

Anɔ nɛ gɛ adɛmɛnɔ nɛ yɛ kpã aba lɛla lɛ, nɛlɛmɛ agɛ adɛ pɛɛ yɛ kpã nɛ kanɔ nɛ mɛ aba bala lɛ kɔ ɛkpã mabekemabeke.

Yohanɛsɛ 3:15

sɛ anɔnyanɔ gɛ ayɛkɛ yɛ abhaŋa aba mɔ ɛkpã mabeke.”

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 5:39

Nɔ kpasɛ kpayaplukpa mɛ ebui mɔmɔ alasɛ nɔ yɛ kɔ sɛ ɛlɛmɛ nɔ bɔ ga gɛ nɔ bɔ mɔ ɛkpã mabekemabeke. Kpayaplukpa mɛ ebui alɛ aɖɔaɖɔ denɔ mɛ shu,

Yohanɛsɛ 6:47

Itsre nɔ kɛgbɛ sɛ, anɔ nɛgɛ ayɛkaŋa aba mɔ ɛkpã mabekemabeke.

Yohanɛsɛ 6:68

Simɔn Petro ebulɛnu akɔ yɛ asɛ, “Apalete, ane yɛ ɔkɔ bu ba vɛ? Wɔ ahwɛ ɛkpã mabekemabeke ebui na lɛ.

Axwɛwɛwa 16:30

Ɔkɛlɛ eklua lɛ ebu eyinɔ klɛ ebisi asɛ, “Bapalete mɔ, klɛ mɛ ba bhɛtɛ pɛ eba mɔ ɛkpã?”

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Romanɛ 5:21

sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.

1 Timotio 1:16

Pɔ kibui lɛ nɛ shu so pɛ be di mɛ eshutukubui sɛ tɛ nɛ mɛ mɛɛ, ansɛ eziziadɛ nɛ be zizi nɛ shi, tɛ Kristo Yesu ebe bu yɛ tɛdudɔfɔɔ̃ nɛ gɛ obekekɔ ma kɔɛ lɛ nɛ akasɛ ansɛ kibui gɛ bagɛ ba ba yɛkɛ yɛa bha aŋa nɛ be di abhɛtɛ pɛ la ba mɔ ɛkpã mabeke mabeke.

1 Timotio 6:12

Gɔnɛ tɛyɛyɛkɛŋa tɛgugɔnɛ dzyɔgo. Nyɛna ɛkpã gɛ tɛ ba beke nɛm ovunɔ, ɛgɛ ɛlɛ mɛ le kulu wɔa kɔ, nɛ kibe lɛ gɛ ɔbhɛtɛ wɔ ishu mɛ dɛdanɛ dzyɔgo nɛ bebuimɔɖɔ gelee amɛ.

1 Timotio 6:19

Ganɔ kidzoe nɛa bha la ba bala kɛdɔ kɔshu ansɛ kesikpɛkpɛ gɛganɛ kɔ kibe nɛ gɛ ba, sɛ tɛ ɛkpã nɛ gɛ nu ɛkpã gbɛagba nɛ ku balɛ ahwɛ.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

Titusɛ 3:7

sɛ tɛ, yɛ ɛyamyuyɔ nɛ tɛ dzyɔ lɔ, bu ba dzi beyi gɛ kidzoenudidi lɛ bulɔ ahwɛ anɛ ɛkpã mabeke mabeke mɛ.

1 Yohanɛsɛ 1:2

Ɛkpã ba koeyi, bumɔɛ lɛ klɛ buɖɔaɖɔ nɛ lɛ shu, klɛ bu bu ɛkpãmabeke ebui tsre nɔ, gɛ lɛza Aka nɔ bha klɛ lɛ ba koeyi kɔ lɔ.

1 Yohanɛsɛ 2:25

Klɛ kɛnɛ nɛ aɖɔlu kɔ lɔ—ɛkpã mabekemabeke kuratsyɛ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

Yuɖa 1:21

Nɔ nyɛna wɔnɔ shu ɔkpɛ Kpaya anɔ ɖuɖɔm nɛ kibe lɛ mɛ gɛ no dzi ozo po ApaleteYesu Kristo eshutukubui didi sɛ tɛ amɛna nɔ kɔ ɛkpã gɛ tɛ ba beke di.