Mateo 18:10 - ONUGBÙ NYƐNYÃ VUVƆ

¹⁰ “Di kɛlɛ ɔkɔ sɛ no ti di bunuvɔɛ bhlia nɛ ɔmɛayɛ kanyaka bhliyii. Alasɛ itsre nɔ sɛ balɛ baxwɛdɛ nɛ owũsise naa mɔ mɛ Aka nɛ owũsise nɛ amɛ kibenyɛbe.

Mateo 18:10 Iomraidhean Croise

Mateo 1:20

Pɔ kɛlɛede gɛ akpɛ kɛtɔkpum ana nɛɛ, Kpaya axwɛdɛ ebe bu ishu akasɛ yɛ nɛ bulɛla mɛ asɛ, “Yosɛfu Daviti yɛeyi, tɛ si kifu nɛ Maria tɛgbɛgbanɔ vɛnɔ bupa mɛ ansɛ wedzini ana nɛ shu, alasɛ ɛya nɛ gɛ ɛlɛ yɛ shu nɛɛ lɛ de Ɔfufɔɛ Dzyɔgo nɛ ɔkɔ.

Mateo 12:20

Tɛwa yɛyɛkɛ kɛpɔ kanyaka eti be dzyini, klɛ kanɛgbɛ keputakpa tɛtã kanyaka eti be wulu kalɛ atɛ̃, ɔdɔ nanɔ kibe lɛ gɛ agbanɔ kɛdzyudzyɔ avɛnɔ kabhaŋɛŋam.

Mateo 18:14

Kana wɔnɔ Aka nɛ owũsise tsyɛ atɛ ba pɛɛ asɛ tɛ banuvɔ bhlia nɛ kanyaka alɛla.

Mateo 18:6

Pɔ onu gɛ anɔ teli aba kɔ sɛ beyi bhlia nɛ di gɛ ba yɛkɛ mɛa bha ŋa nɛ be de ku buzizi mɛ, aba pɛ kɔ yɛ adɛ onu gɛ ba yɛkɔ buhɔ gbla tsa kpɛ yɛ oli pɛ ba yɛkɔ ada tɛ̃ akpɛ aƒu odzudzukɔ.

Mateo 2:13

Gɛ kiwiɔyɛkɔ bebuiti na shɛ beke, Apalete nɛ axwɛdɛ nɛ ada wɛ̃ nɛ Yosɛfu bulɛlam klɛ etsrea sɛ, “Lɔ, yɛkɔ ŋɛvuvɔ anɛ yeni tɛ osi vɛ Egibte. Za ɔkɛlɛ ɔdɔ nanɔ kibe lɛ gɛ eba tsre wɔ, alasɛ Heroɖesɛ abaa pɛ anuvɔ na sɛ tɛ eyi.”

Mateo 2:19

Kɛlɛe de gɛ Heroɖesɛ etsi, Apalete nɛ axwɛdɛ aba wɛ̃ nɛ Yosɛfu bulɛlam nɛ Edzyibite

Mateo 24:31

Klɛ aba kpɛ yɛ baxwɛdɛ nɛ buxulɔ̃ɛ bubɔ gɛganɛɛ kɛdɔ kukulu, klɛ be be xogo yɛ banɔ nɛ gɛ ebu nɛ alɛ talɛ̃ nɛ mɛ, denɔ owũsise nɛ obekekɔ ɔyɛkɔ vɛnɔ ɔgɔgɔɛkɔ.

Luka 1:19

Axwɛdɛ ebushunu asɛ, “Mɛ nu Gabrɛlɛ. ɛlɔ kititi nɛ Kpaya kinyi mɛ, klɛ akpɛ mɛ asɛ ɛba ɖɔaɖɔ kɔ wɔ klɛ tɛ ɛtsre wɔ ebui dzyɔgoa nɛ.

Luka 10:16

“Anɔ nɛ gɛ ata nɔ atɔ ata mɛ atɔ, anɔ́ nɛ gɛ adɛ̀ yɛkɛ nɔ adɛ yɛkɛ mɛ; pɔ anɔ gɛ adɛ yɛkɛ mɛ adɛ yɛkɛ agɛ akpɛ mɛ.”

Luka 16:22

“Kɛbe na gɛ adɔbisi netsi, klɛ baxwɛdɛ ne feke yɛ avɛnɔ Abraham ɔbha. Ehueyi elete nɛ tsyɛ tsi klɛ bavubɔ yɛ.

Axwɛwɛwa 10:3

Kiwi tili, ansɛ kemuze ɛɖɔtɛta mɛ ana, amɔ kɛdɔbubukasɛ. Amɔ Kpaya axwɛdɛ teli wee, gɛ aba yɛ ɔbha klɛ asɛ, “Kɔnelusɛ!”

Axwɛwɛwa 12:15

Banɔ nɛ bupa nɛm nɛ betsre adzɛnuvɔɛ na sɛ, “Ɔma nɛ awɔ̃.” Gɛ asa zɛa ɖɔ nɛ be tsrea sɛ onu kɛgba aɖɔ nɛa kɛlɛalɛ “Yɛ Kpaya axwɛdɛ nɛ wɔ ɔmɔ.”

Axwɛwɛwa 12:23

Nɛ ɔkɛlɛ ɔlɛ nɛ ko, alasɛ Heroɖes adɛ kpɛ Kpaya kinyi nɛ kabha so nɛ, Apalete nɛ yaxwɛdɛ teli ebe huebho, klɛ asɔ̃ aba ŋa yɛ klɛ etsi.

Axwɛwɛwa 27:23

Kivu nɛ elishi nɛɛ axwɛdɛ kɔ Kpaya gɛ yɛ anɔ mɛ inu klɛ mɛ ɛdɛ kɛxwɛ kɔ nɛɛ, aza mɛ ɔbha

Axwɛwɛwa 5:19

Pɔ nɛ elishi nɛ mɛ Apalete nɛ axwɛdɛ aba danɛ buvu nɛ budunu klɛ ebua lɛ eyinɔ.

Romanɛ 14:10

Kɛlɛ, wɔ, kide so pɛ okulu kebhui nɛ wadzya? Ɔdɔgɔsɛ obu wadzya bha ɔgɔ? Alasɛ bulɔ petee ba lɔ Kpaya kebhuiegbu nɛ amɛ.

Romanɛ 14:21

Kɛ bɔ dɛ sɛ tɛ ɔtɛ ŋa kɛdzya ɔdɔgɔsɛ ɔwɛ̃ bulu ɔdɔgɔsɛ ɔbhɛtɛ kɛdɔnyɛdɔɛ di gɛ ba kɔ sɛ wɔadzya aba wɔlɛ.

Romanɛ 15:1

Bulɔagɛ gɛganɛ alasɛ tɛ bu di bagɛ ba dɛ gɛganɛ nɛ ɛwɔlɛkɔ nɛ eshutukubui tɛ bu ti ku ishuawɔ̃.

1 Kɔrintioanɛ 11:22

Bupa ma wɔnɔ ahwɛ gɛ nɔ bɔ ŋaɛdɔ gɛ nɔ bɔ wɔɛ̃ dɔ nɛ bulɛ mɛ? Pɛnɔ no to di Kpaya busɔlɛɔha nɛ ɔkpɛ kɛbuinyɛbui mɛ klɛ nɔ pɛɛ sɛ tɛ nɔ kpɛ banɔ nɛ gɛ kɛdɔnyɛdɔ ma balɛ ahwɛ nɛ wɔ̃ɛ? Kɛbui ɖuweɖu ɛba tsiɖe nɔ? Ɛkpɛ nɔɛ nyi nɛabha nɛ kibui nɛ shu Ao kɛ mɛlɛmɛ!

1 Kɔrintioanɛ 16:11

Anɔnyanɔ, nɛlɛmɛ, atɛ ɖɔ sɛ ata yɛkɛ yɛ. Nɔ kpɛ yɛ dzo nɛ ishu yuyɔ mɛ sɛ tɛ ebe tsodzi aba mɛ ɔbha. Idi yɛ anɛ badzya nɛ́ dzoenu.

1 Kɔrintioanɛ 9:22

Kɔ bagɛ ba gblɔdzɔ ɛba gblɔdzɔ́, sɛ tɛ ibu bagɛ ba gblɔdzɔ. Ɛba dzi kɛdɔ nɛ petee kɔ banɔ nɛ petee sɛ tɛ ganɔ kidzonyɛdzo abha tɛ ɛyɛkɛkɔ be teli.

2 Kɔrintioanɛ 10:1

Kristo yɛ tɛyɛyɔ anɛ ishunyɛnyɛna, ibisi denɔ wunɔ kɔ—Mɛ, Paulo, gɛ mɛ “kɛwɔ̃ɛ ku” kibelɛlɛ gɛ bu tsya amɛ nɛ amɛ nɛ wunɔ, pɔ “ɛgɛganɛ” kibelɛlɛ gɛ ɛma!

2 Kɔrintioanɛ 10:10

Alasɛ beteli baɖɔ sɛ, “Yɛ buplukpa nɛ lupu klɛ bu lɛ kemi, pɔ nɛ yɛnahwɛ enu agɛ adɛ gɛganɛ klɛ yɛ kaɖɔɖuɖɔ ke di nu kɛdɔnyɛdɔ.”

Galatianɛ 6:1

Madzyalɛ mɔ, onugɛ bevu anɔ teli gɛ abhɛtɛ kibuizizi, wɔnɔ bagɛ nɔ nu ɔfufɔɛmɛ ayɛ nɔ kasɛ yɛ kidzo dzyɔgo nɛ ishu nyɛnyɛna mɛ. Pɔ nɔ di ɛshuabha sɛ tɛfifekedi kɛ tɛba kɔ wɔ.

1 Tɛsolonianɛ 4:8

Kɛlɛ so, anɔ nɛ gɛ adɛ yɛkɛ kɛdɔkɛkasɛ ganɛ anɔ yɛ adɛ yɛkɛ, pɔ Kpaya, nɛ gɛ aakɔ nɔ yɛ Ɔfufɔɛ Dzyɔgo.

1 Timotio 4:12

Tɛ kɔ anɔnyanɔ ebu wɔnɔa bha agɔ alasɛ no ko she so, pɔ nɔ kɔ kɛ gɛ bagɛ ba yɛkɛaŋa nɛ ebe diabhɛtɛ nɛ kaɖɔ ɖuɖɔ mɛ, anɛ ɛkpã mɛ, anɛ tɛɖuɖɔ mɛ, anɛ tɛyɛyɛkɛŋa mɛ ganɛ nɛ ishu bhubhui mɛ.

Hebriuanɛ 1:14

Kpayaxwɛdɛ ganɛ bukpɛ la kpɛ alɛ sɛ tɛ ba dɛ axwɛ nɛ ɔfufɔɛ kɔ bagɛ ba ba mɔ tɛyɛyɛkɛ kɔ?

Hebriuanɛ 9:24

Alasɛ Kristo adɛ tsoku kagba nɛ mɛ gɛ anɔdzyrame dzu gɛ enu kagba dzyɔgo nɛ buyi, etsoku owũsise nahwɛ avɛ sɛ tɛ ɔtsɔ̃nɛ ada wɔɛ̃ nɛ Kpaya amɛ kɔ lɔ.

Tɛbubukasɛ 8:2

Klɛ mɛ mɔ kpayaxwɛdɛ tiegene gɛ be li kititi nɛ Kpaya amɛ, klɛ ba kɔa lɛ buxulɔ̃ɛ tugene.