Mateo 16:8 - ONUGBÙ NYƐNYÃ VUVƆ

⁸ Gɛ enyi kibui nɔɔ nɛ gɛ baa nyɛna so, Yesu ebisi asɛ, “Wɔnɔ tɛyɛyɛkɛŋa bhli banɔ, kide pɛɛ kɛŋɛŋa maza maza wɔnɔ ahwɛ bui nɔɔ ɖɔ?

Mateo 16:8 Iomraidhean Croise

Mateo 14:31

Ɔkɛlɛ nɛ ko, Yesu ebu ɔhwɛ klɛ anyɛna yɛ. Aɖɔ asɛ, “Wɔ tɛyɛyɛkɛŋa bhli anɔ, kide so pɛ ɔdɛ yɛkɛ ɔŋa!”

Mateo 16:7

Ba nyɛna kibui nɛ edi nɛ aglɔm asɛ, “Alasɛ bɔ dɛ mɛna kɛŋɛŋa kanyaka so.”

Mateo 6:30

Onu gɛ kana Kpaya eenyumuɛ dɔ kɔ tɛwa nɛ ayakpa mɛ, gɛ kɛ lɛ ɔkɛ̃ nɛ oboo klɛ kivu pɛ ba ba yɛkɔ atɛ̃a kpɛ kifu mɛ, kide so pɛ Kpaya etee nyumu kɛdɔ kɔ nɔ adɛ, O tɛyɛyɛkɛŋa bhli anɔ?

Mateo 8:26

Klɛ etsre alɛ sɛ, “wɔnɔ tɛyɛyɛkɛŋa bhli elete, kide so pɛ noo si kifu ana?” Klɛ evualɔ klɛ akpɛ ɔshã kɔ kɛlɛɛ anɛ buni, klɛ ɔkɔnyɔkɔ dɔ sɛ̃ɛ.

Marko 16:14

Kɛlɛede mɛ Yesu aba wɛ̃ nɛ Kɛfɔntoli nɛ amɛ gɛ baa ŋɛ dɔ; Yesu etsrenɔalɛ nɛ balɛ mayɛkɛ mayɛkɛŋa nɛ shu nɛ balɛ tɛmadɛmɛ gɛganɛ sɛ tɛ ba yɛkɛ baga tɛ mɔ yɛ nɛ tsyɛa bha ŋa sɛ atɛ lɔ.

Yohanɛsɛ 16:30

Ɔtsɔnɛ bu ba mɔ sɛ onyi ebuia nɛ petee klɛ so kɛ ma sɛ tɛ anɔnyanɔ ebisi wɔ kɛbuinyɛbui. Kɛnɛ kɔ lɔ sɛ bɔ yɛkɛŋa sɛ ode Kpaya kɔ.”

Hebriuanɛ 4:13

Kɛdɔnyɛdɔ nɛ kɛdɔ bhɛbhɛtɛ nɛ shi nɛ dɛ kpu nɛ Kpaya amɛ. Ba dɛda kɛdɔnyɛdɔ dɔ klɛ kɛdanɛ li agɛ alasɛ bu bhɛtɛ akɔnta kɔ nɛ amɛ.

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.