Mateo 16:21 - ONUGBÙ NYƐNYÃ VUVƆ

²¹ Denɔ kibe lɛ nɛ mɛ Yesu etenɔ ebuie si bu kɔ yɛ badɔkpasɛ nɛ asɛ alasɛ tɛ avɛ Yerusalɛm tɛ ada tɔ nɛ ebui gelee mɛ nɛ beshishe nɛ ahwɛ mɛ, kpayaɔzakɔanɔ anɛ ɛshãdɔkasɛ, klɛ kɛ ba za sɛ tɛ be yi yɛ klɛ nɛ kiwi tramɛ ebe tsodzi anyɛmɛ aba ɛkpãm.

Mateo 16:21 Iomraidhean Croise

Mateo 12:40

Alasɛ kana gɛ Yona aza kɛkpãgbla nɛ ɛya mɛ ewi tata nɛ itumu tɛta, kana Anɔdzyrame Yeyi nɛ tsyɛ aba za tisim ewi tata nɛ itumu tɛta.

Mateo 16:22

Petro agbanɛ yɛ eyinɔɛ de klɛ ada kpa yɛ. Ɔkɛlɛ Petro aɖɔ asɛ, “Ao, Apalete!” “Kibui nɛ tɛ ba ba wɔa bha!”

Mateo 16:28

Itsre nɔ kɛgba, banɔ teli gɛ be lii titi nɛ ɔkɛ̃ be ti be mini butsi flogo pɛ ba ba mɔ Anɔdzyrame yɛ Eyi nɛ aaba nɛ yɛ bukusi mɛ.”

Mateo 17:12

Pɔ itsre nɔ, Eliya atɛ ba kukuuku, klɛ ba dɛ kpɛ yɛ xaŋũ, pɔ ba bhɛtɛ kɛdɔnyɛdɔ gɛ ba pɛɛ nɛ yɛ. Kana Anɔdzyrame yɛ Eyi nɛ tsyɛ abaa tɔ nɛ balɛ tɛhwɛm.”

Mateo 17:9

Gɛ be zhi butu nɛ aaba, Yesu akpɛ alɛ ɔshã sɛ, “Nɔ tɛ ɖɔ tɛ anɔnyanɔ enu kɛdɔnɔ gɛ nɔ dɔ mɔ, ɔdɔ nanɔ kibe lɛ gɛ be feke Anɔdzyrame yɛ Eyi nɛ edenɔ bekpum.”

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Mateo 26:2

“Ansɛ gɛ no nyi, ewi tabha ko ala gɔ kɔ Tɛfɛflawi nɛ tɛŋɛŋa, klɛ la ba yɛkɔ Anɔdzyrame yɛ Eyi nɛ akpɛ ahwɛ kɔ la kplasɔ.”

Mateo 26:47

Nɛ kibe lɛ nɛ gɛ eke dzia ɖɔ kaɖɔ, Yuɖasɛ, gɛ enu Kɛfɔntɛabha nɛ ɔmɛayɛ teli, nɛ ebe ku. Banɔɛza gbla lɛ yɛe de nɛ baa hɛ nɛ busukpogunu, gɛ benu banɔ gɛ kpayaɔzakɔanɔ anɛ beshishe nɛ ba kpɛ yɛe si.

Mateo 27:12

Gɛ kpayanɔgbla nɛ ɔma banɔ shishe nɛ be bisi yɛ ebui nɛ gɛ ba yɛkɔ nɛ yɛ shu, edi bu kibui nyɛbui nu.

Mateo 27:63

Klɛ bede tsre yɛ asɛ, “Aka, ” “bu baka sɛ kibe lɛ nɛ gɛ aka lɛ nɛ ɛkpã etronia lɛlɛ na aɖɔ asɛ, ‘Nɛ ewi tata ede ɛba tsodzi lɔ.’

Mateo 28:6

Avama ɔkɛ, atɛ lɔ, ansɛ gɛ aɖɔ aba fla nɔ. Nɔ ba tɛ no bo di ɔkɛlɛ gɛ awũsɔ.

Marko 8:31

Ɔkɛlɛ akpa kɛdɔ kasɛ balɛ asɛ, Anɔdzyrame yɛ Eyi alasɛ tɛ atɔ nɛ ebui gelee mɛ klɛ beshishe na tɛ ba yɛkɛ yɛ, kpayaɔzakɔanɔ anɛ ɛshãdɔkasɛ, klɛ kɛba za sɛ tɛ be yi yɛ klɛ nɛ ewi tataede ebe tsodzi alɔ.

Marko 9:12

Yesu asɛ, “Tɛ bu ka nɛ klɛa bha nɛ, kɛ lɛ sɛ tɛ Eliya aba eputɔnɔ, kɔ kɛdɔnyɛdɔ tɛŋuŋuse. Klɛ kidee so pɛ ba za ŋlɔmɛ elu asɛ Anɔdzyrame yɛ Eyi nɛ alasɛ tɛ aba tɔ gelee tsyɛ tɛ batɛ yɛkɛ yɛ?

Luka 17:25

Pɔ tɛtɔpu alasɛ tɛ amɔ butɔ ebui gelee klɛ tɛmumɔɛ nɛ be bu yɛ akpã.

Luka 24:46

Etsre alɛ sɛ, “Kibui nɛ la ŋlɔmɛ elu: Kristo aba mɔ butɔ klɛ aba nyɛmɛ denɔ betsitsi nɛ shi nɛ́ kiwui tramɛ nɛabha,

Luka 9:31

be bushuakasɛ nɛ́ ishu bhubhui mɛ, gɛ ba ɖɔaɖɔ nɛ Yesu. Ba ɖɔaɖɔ denɔ yɛ tɛshɛ̃shɛ̃, gɛ aba amɛna tɛ kɛbɛlɛ mɛ nɛ Yerusalɛm.