Mateo 16:16 - ONUGBÙ NYƐNYÃ VUVƆ

¹⁶ Simɔnɛ Petro ebui lɛ nu asɛ, “Wɔ nu Kristo, ɛkpã Kpaya nɛ yɛ Eyi.”

Mateo 16:16 Iomraidhean Croise

Mateo 1:16

klɛ Yakɔb yɛ enu Yosɛfu yɛ aka, Maria yɛ enyine gɛ ba mɔ Yesu akɔ, gɛ be klu asɛ Kristo.

Mateo 14:33

Ɔkɛlɛ bagɛ ba kpasɛ opupu nɛ mɛ na kpɛ atɔkpuesi kɔ yɛ, aaɖɔ sɛ, “Kɛgbɛagba wɔ onu Kpaya yɛ Eyi.”

Mateo 16:15

Yesu ebisi balɛ asɛ, “Pɔ wɔnɔ xɔ̃?” “Anee nɔ sɛ yɛ mɛ inu?”

Mateo 26:63

Pɔ Yesu adɛ fɔɛ nɛ alɛ. Kpayaɔzakɔanɔ nɛ etsre yɛ asɛ, “Ɛka atabu nɛ ɛkpã Kpaya nɛ nyi mɛ kɔ wɔ sɛ, Tsre lɔ onu gɛ wo nu Kristo, Kpaya yɛ Eyi.”

Mateo 27:54

Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Mateo 4:3

Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”

Marko 14:61

Pɔ Yesu adɔ sɛɛ̃ klɛ edi bu shu nu. Kpayanɔgbla nɛ eze bisi Yesu asɛ, “Wo nu Kristo, Kpaya yɛ Eyi Yuyula?”

Luka 2:11

Obo nɛ Daviti ɔma nɛ mɛ bamɔ Ayɛyɛkɛkɔ kɔ nɔ, yɛ nu Kristo Apalete.

Yohanɛsɛ 1:49

Ɔkɛlɛ Nataniɛl ebu aɖɔ sɛ, “Rabbi, wɔ nu Kpaya yɛ Yi, wɔ nu Ekusi nɛ Izraɛl.”

Yohanɛsɛ 11:27

Mata etsre Yesu asɛ, “Ee, Apalete, ɛyɛkɛ lɛabha ŋa sɛ wɔ nu Kristo, Kpaya yɛ Yi, gɛ abà kanɔ nɛ mɛ.”

Yohanɛsɛ 20:31

Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.

Yohanɛsɛ 6:57

Anasɛ gɛ ɛkpã Aka akpɛ mɛ klɛ ɛlɛ alasɛ Aka nɛ so, anɔ nɛ gɛ aŋã dɔ nɛ mɛabha aba za nɛ ɛkpã alasɛ mɛ so.

Yohanɛsɛ 6:68

Simɔn Petro ebulɛnu akɔ yɛ asɛ, “Apalete, ane yɛ ɔkɔ bu ba vɛ? Wɔ ahwɛ ɛkpã mabekemabeke ebui na lɛ.

Yohanɛsɛ 6:69

Bu yɛkɛŋa klɛ bunyi sɛ wɔ nu Kpaya dzyɔgo Anɔ.”

Axwɛwɛwa 14:15

“Banɔ mɔ, kide so pɛ nɔ bhɛtɛ kana? Bulɔ tsyɛ banɔdzyrame ko lɔ nu, ansɛ wɔnɔa na. Bɔɔ mɛna nɔ kibui dzyɔgo, butsre nɔ sɛ no tsyina kede ɔkpɛ ebuia nɛdi gɛ la ma kibuinyɛbuim nɛ tɛbhɛbhɛ vɛnɔ Kpaya lulu nɛ ɔkɔ, gɛ abhɛtɛ owũsise anɛ kesukpa anɛ aƒu anɛ kɛdɔnyɛdɔ gɛ kpasɛ alɛ mɛ.

Axwɛwɛwa 8:36

Gɛ ba vɛ nɛ kidzo nɛa bha, ba ba tɔnɔ buni tuli klɛ anɔgbla nɛ asɛ, “Di, buni tuli nũ. Kide so pɛ ɛta yɛkɛ bunikpɛkpɛ?”

Axwɛwɛwa 8:37

Flipo etsre yɛ asɛ, “Onu gɛ ɔyɛkɛɔŋa nɛ wɔ idzyim petee, klɛ ɔbɔ yɛkɛ bunikpɛkpɛ.” Anɔgbla nɛ bui lɛ nu asɛ, “Ɛyɛkɛ ŋa sɛ Yesu Kristo yɛ enu Kpaya yɛ Eyi.”

Axwɛwɛwa 9:20

Tsɛɔ̃ ko Saolo agbla kpa Kpayɛbui nɛ ɖɔ nɛ oxogokɔ bevugbla nɛm asɛ Yesu yɛenu Kpaya yɛ Eyi.

Romanɛ 1:4

klɛ yɛ ganɔ ishubhubhui Ɔfufɔɛ mɛ be bu yɛ akasɛ nɛ kemi sɛ ebe dzi Kpaya Yɛeyi ganɔ yɛ tɛnyɛnyɛmɛ denɔ bekpum: Yɛ enu bulɔ Apalete Yesu Kristo.

2 Kɔrintioanɛ 1:19

Alasɛ Kpaya yɛ Yi, Yesu Kristo, gɛ yɛ bui mɛ nɛ Silas anɛ Timotio bu ɖɔ nɛ wunɔ shi, kɛ dɛ nu “Ee” nɛ “Oo,” pɔ nɛ yɛ mɛ kɛbenyɛbe kɛnu “Ee.”

2 Kɔrintioanɛ 3:3

Nɔ kasɛ sɛ no nu keplukpa gɛ ke de Kristo ɔkɔ, kɛgɛ de koeyi nɛ bulɔ axwɛwuwa nɛ mɛ, gɛ ba dɛ ŋlɔmɛ lɛ nɛ kɛdɔŋuŋlɔmɛ buni pɔ nɛ ɛkpã Kpaya anɛ Ɔfufɔɛ, ganɛ kɛdɔ ŋuŋlɔmɛ kɛklãgbua bha pɔ Anɔdzyrame idzyia bha.

2 Kɔrintioanɛ 6:16

Tɛnyɛnya ɖueɖu kɛlɛ lɛ Kpaya busɔlɛvu anɛ̀ obudi shu? Alasɛ bulɔ nu Kpaya lulu busɔlɛvu. Anasɛ gɛ Kpaya aɖɔ, “Ɛba za nɛ alɛ klɛ ɛba ga nɛ balɛ shi, klɛ ɛba dzi balɛ Kpaya, klɛ ba be dzi mɛ banɔ.”

1 Tɛsolonianɛ 1:9

alasɛ balɛ nahwɛ nɛ aɖɔ tɛyɛyɛkɛ nɛɛ di gɛ nɔ kɔ lɔ. Ba ɖɔ kana gɛ no tsyina tɔ Kpaya pɛ no tsodzi nɛ kɛdɔbhubhɔ nɛede sɛ tɛ nɔ bɔ wa kɛxwɛ ɔkɔ ɛkpã anɛ kɛgba Kpaya,

1 Timotio 3:15

onu gɛ ɛzɛ ba wɔɛ de tsyɛ, tɛ no ti kana gɛ alasɛ tɛ banɔ aga nɛ balɛ shu nɛ Kpaya bupa nɛ mɛ, gɛ nu ɛkpã Kpaya anɛ busɔlɛɔha, gɛ enu buvuosi nɛ kesikpɛkpɛ kɔ kɛgba.

1 Timotio 4:10

(klɛ kɛlɛ shu lɔ wɛxwɛ pɛ buu tɔ), bu tɛ yɛkɔ bulɔ kidzoenudidi nɛ kpɛ ɛkpã Kpaya nɛ mɛ, gɛ enu agɛ Ayɛyɛkɛkɔ banɔdzyrame nɛ petee, klɛ ɔyɛkɔdɛ kɔ bagɛ ba yɛkɛaŋa.

Hebriuanɛ 10:31

Kinu kifusisi bui sɛ tɛ ɔdɔ wɔlɛku ɛkpã Kpaya ahwɛ.

Hebriuanɛ 12:22

Pɔ nɔ ba Zayɔnɛ Butu nɛabha, nɛ owũsise Yerusalɛm, ɛkpã Kpaya ɔma gbɛgbla nɛ mɛ. Nɔ bo ku kpayaxwɛdɛ akpã akɛpã gɛ bexogo nɛ́ same,

Hebriuanɛ 3:12

Badzya mɔ, nɔ di mɔ sɛ, ebuizizi, mayɛkɛŋa dzyi atɛza wɔnɔmɛayɛ nyɛmayɛ ahwɛ tɛ etsyinaede nɛ ɛkpã Kpaya shu.

Hebriuanɛ 9:14

Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!

1 Yohanɛsɛ 4:15

Onugɛ anɔ teli adɛmɛ atrɔ sɛ Yesu enu Kpaya yɛ Yi, Kpaya alɛ yɛ mɛ klɛ alɛ Kpaya mɛ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

1 Yohanɛsɛ 5:5

Ane yɛ abana kanɔ nɛabha ŋa? Anɔ nɛ ko gɛ ayɛkɛŋa sɛ Yesu enu Kpaya yɛ Eyi.

Tɛbubukasɛ 7:2

Ɔkɛlɛ mɛ ɛmɔ kpayaxwɛdɛ bhlatɔ gɛ ede kiwiɔyɛkɔ nɛ aaba, gɛ evunɔ ɛkpã Kpaya nɛ adɛda. Ekulu nɛ oli mɛ gɛganɛ kpayaxwɛdɛ tɛalɛ̃ nɛ gɛ ba tɛ kɔa lɛ kemi sɛ tɛ be zi kɛdɔ nɛ kesukpa anɛ aƒu nɛa bha asɛ: