Mateo 13:23 - ONUGBÙ NYƐNYÃ VUVƆ

²³ Pɔ eyii nɛ gɛ adɔ kesukpa dzyɔgo nɛa bha, alɛ nu anɔ gɛ enu kibui klɛ enu kɛlɛe si. Klɛ kibui nɛ ba yu eyuyu gelee nɛ kɛfɔɛfɔm, nɛ ɛzakɔ afɛtehlo, afata mɛ ɔyɛkɔ dɛ eyi nɛ gɛ ba ɖa.”

Mateo 13:23 Iomraidhean Croise

Mateo 12:33

“Dzu osi dzyɔgo, klɛ ɔlɛ eyuyu nɛ tsyɛ ebe dzi adzyɔgo, tɛ dzu osi kpã, klɛ ɔlɛ eyuyu nɛ tsyɛ ebe dzi akpã, alasɛ osi ɔlɛ eyuyu nɛ la ba yɛkɔ akpɛ ɔlɛ kɛxawũ nɔ.

Mateo 13:8

Kana ke eyii nɛ teli adɔ kesukpa dzyɔgoa bha, gɛ akɔ sɛ le yu, nɛ kɛfɔɛfɔmɛ, anɛ afɛtehlomɛ, anɛ afata mɛ ɔyɛkɔ dɛ agɛ ba ɖa.

Mateo 3:10

Kawɛ nɛɛ ke tsri isigu nɛa bha kukuu ku, klɛ osi kanyaka gɛ ɔtɛ bo yu eyuyu dzyɔgo be be tẽ ɔlɛ ebho klɛ la ba yɛkɔ atɛ̃a kpɛ kifum.

Mateo 3:8

No yu eyuyu anɛ kitemtsyitsyina nyɛnyɛna vunɔm.

Marko 10:15

Itsre nɔ kɛgbɛagba sɛ, anɔnyanɔ gɛ atɛ ba yɛkɛ Kpaya bukusiɔŋakɔ ansɛ anuvɔ bhli, atɛ ba na bulɛ mɛ etsoku.”

Marko 4:20

Ba ga sɔnɔ eyi nɛ gɛ adɔ kesukpa dzyɔgo nɛa bha, balɛ benu Kpayɛbui klɛ bayɛkɛ kɛlɛ klɛ kɛ yu gelee nɛ, afata, afɛtehlo, ɔyɛkɔ nanɔ kɛfɔɛfɔ nɛ balɛ mɛ ansɛ kana gɛ bahwɛ alɛ.”

Luka 13:9

Onugɛ lɔ yu kɛgɔ gɛ kɛtɛba, abɔ! Onugɛ lo di yu klɛ tɛ otẽ ɔlɛ ɔtɛ̃.’ ”

Luka 8:15

Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.

Luka 8:8

Tsyɛ eyi bhlatɔ wɔlɛ adɔ kesukpa dzyɔgo abha. Le yi klɛ le yu ɛzakɔ kɛfɔɛfɔ dɛ agɛ bahwɛ.” Gɛ aɖɔ kɛnɛ nɛ, akpɛ ogugu gɛganɛ sɛ, “Anɔ nɛ gɛ batɔ lɛ yɛ ahwɛ sɛ tɛ enuu, kɔ ye enu.”

Yohanɛsɛ 15:16

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Yohanɛsɛ 8:47

Anɔ gɛ enu Kpaya ayɛ, yɛ enu kibui gɛ Kpaya aɖɔ. Kɛ dɔnɔ so gɛ nɔ tɔ nu bui kɛlɛ nu sɛ, nɔ dɛ nu Kpaya yɛ.”

Axwɛwɛwa 16:14

Bagɛ bala ta tɔ nɛ bulɔ nɛ teli enu adzɛ gɛ beklua sɛ Liɖia, gɛ aga apɔtɛ ŋɛŋaedzi kedzi alasɛ ehoeyi aza yɛahwɛ, klɛ ede Taɛtira ɔmagbla nɛm, klɛ enu anɔ gɛ akpɛ kɛtɔkpue si kɔ Kpaya. Apalete na danɛ yɛ idzyi akɔ sɛ tɛ evu Paolo kibui nɛ asɔlɛ.

Axwɛwɛwa 17:11

Ɔtsɔ̃ nɛɛ Bɛreanɛ na bhɛtɛ banɔ adɛ Tɛsalonianɛ, alasɛ balɛ nɛɛ bayɛkɛ Kpaya kibui nɛ awɔ̃ dzudzu mɛ klɛ ba nyɔ klɛ shu mɔɔ mɔ kiwinyɛwi sɛ tɛ bamɔ sɛ kibui nɛ gɛ Paolo aɖɔ nɛ nu kɛgba dza.

2 Kɔrintioanɛ 9:10

Ɔtsɔ̃nɛ agɛ akɔ kɛdɔɖɛɖa ayadɛ klɛ gbɛ̃gbɛvu kɔ kɛŋɛŋa aba kɔɛdɔ tsyɛ klɛ wɔɛ dɔɖɛɖa ba kpetrɔ klɛ kɛdɔbɛbala nɛ kɛdɔtsutsu kɔ kɛdzyɔgo bhɛbhɛtɛ ba kpe.

Filipianɛ 1:11

gɛ ki yuku nɛ tɛzɛza dzyɔgo eyuyu gɛ aba ganɔ Yesu Kristo abha— kɔ ishubhubhui anɛ Kpaya kabhakpɛkpɛ.

Filipianɛ 4:17

Ganɛ sɛ ɛpɛɛ kɛdɔkukɔ, pɔ idi kɛdɔnɔ nɛ gɛ ba ba yɛkɔ ata kɔ wɔ.

Koloseanɛ 1:10

Klɛ bu klukpaya sɛ tɛ nɔ za nɛ ɛkpã nɛ Apalete tɛpɛpɛɛ klɛ tɛ kiku yɛ awɔ̃ nɛ́ kidzonyɛdzo abha, tɛ kɛmɛna tɛyuyu anɛ kɛxwɛwɛwa dzyɔgo, tɛ bu zɛ she nɛ́ Kpaya kibui titi mɛ,

Koloseanɛ 1:6

gɛ kɛ ba kɔ nɔ. Nɛ kanɔ petee mɛ kibui dzyɔgoɛ nɛ kiyu eyuyu klɛ kishe, anasɛ gɛ kɛbhɛtɛ nɛ wɔnɔɛ shi, dɛnɔ kiwui nɛ gɛ no nui lɛ klɛ nɛ nu Kpaya eshutukubui didi nɛ kɛlɛ gbam petee.

1 Tɛsolonianɛ 4:1

Gɔgɔɛ nɛɛ, badzya mɔ, bu kasɛ nɔ kana gɛ nɔ bɔ za sɛ tɛ no ku Kpaya awɔ̃, ansɛ gɛ nɔ lɛ nɛ kɛgbɛagba mɛ. Ɔtsɔ̃ nɛɛ bu bisi denɔ nɔ kɔ klɛ bu tsre nɔ nɛ Apalete Yesu mɛ sɛ nɔ bhɛtɛ ana otsodzini ɔzɔ bhɛtɛ.

2 Tɛsolonianɛ 2:10

klɛ nɛ kibui tsutsɔmɔ kanyaka gɛ wɛɛ bagɛ bee beke. Be beke alasɛ ba dɛ dɛmɛ asɛ tɛ ba ɖɔ kɛgba sɛ tɛ be bua lɛ.

Hebriuanɛ 4:2

Alasɛ bulɔ tsyɛ bɔ yɛkɛ Kibui Dzyɔgo nɛ gɛ ba ɖɔ tsre lɔ, anasɛ gɛ ba bhɛtɛ, pɔ kibui ɖuɖɔ gɛ be nu kɛdziŋɛŋa kanyaka ka ma kɛlɛ shu kɔ alɛ, alasɛ bagɛ be nuɛlɛ ba dɛ yɛkɔɛ lɛ tɛyɛyɛkɛŋa ataplɛnɔ.

Hebriuanɛ 6:7

Bayula kesukpa nɔ nɛ gɛ sɛbha adɔ trɔ kalɛa bha ziazia ke zhi dɔ mɔmɔ kɔ bayadɛ.

Hebriuanɛ 8:10

Kɛnɛ kɛlɛ nu onugbunyɛnya gɛ ɛba nya nɛ Izraɛl bupa nɛ kibe lɛlɛ nɛede, Apalete nɛ yɛ aɖɔ. Ɛba yɛkɔ mɛ ɛshã kpɛ balɛ kɛtɔkpui mɛ klɛ ɛba ŋlɔmɛ lɛ trɔ balɛ idzyi mɛ. Ɛba dzi balɛ Kpaya, klɛ ba be dzi mɛ banɔ.

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.