Mateo 13:11 - ONUGBÙ NYƐNYÃ VUVƆ

¹¹ Ebui lɛ nu asɛ, “Ba tɛ yɛkɔ ebui kpukpu nɛ owũsise bukusiɔŋakɔ nɛ tɛtiti akɔ nɔ, pɔ ganɛ kɔ balɛ.

Mateo 13:11 Iomraidhean Croise

Mateo 13:10

Badɔkpasɛ na tɔnɔ yɛ aba klɛ le bisi yɛ asɛ, “Kide so pɛ ɔɖɔ kaɖɔ otsre banɔ nɛ akpalɛ mɛ?”

Mateo 16:17

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.

Mateo 19:11

Yesu ebu kɛlɛ nu asɛ, “Ganɛ anɔnyanɔ ko ya ba yɛkɛ kibui nɛ, pɔ ba gɛ balɛ ba kɔɛ lɛ nɛ ko.

Mateo 20:23

Yesu etsre alɛ asɛ, “Nɔ bɔ na kantse nu wɛ̃ kɛgba, pɔ mɛ kɛŋa mɛ anɛ kɛbɛtɛkpɛ mɛ zɛza ganɛ mɛ ba kɔ kɛlɛ. Ɛzakɔɛ lɛ nɛ lɛ kɔ bagɛ mɛ Aka abala elu kɔ ɔklɛ.”

Marko 10:40

pɔ tɛ ɔza mɛ kɛŋa mɛ nɛ kɛbɛtɛkpɛ mɛ xũ nɛ, ganɛ mɛ ba kɔ kɛlɛ. Ɛzakɔɛ lɛ nɛ lɛ kɔ bagɛ ba bala ɛlɛ elukɔ.”

Marko 4:11

Etsre alɛ asɛ, “Ebuikpukpu nɛ gɛ alɛ Kpaya bukusi nɛ mɛ, ba tɛ yɛkɔ akɔ wɔnɔ. Pɔ banɔ nɛ gɛ ba ma wɔnɔɛshi xũ nɛ kibuinyɛbui ga akpalɛ mɛ kɔ alɛ

Luka 8:10

Aɖɔ asɛ, “Kpaya bukusiɔŋakɔ nɛ ebuikpukpu nɛ tɛtiti ba tɛ yɛkɔ kɔ nɔ, pɔ kɔ ba gugɔɛ ɛɖɔ kaɖɔ ganɔ akpalɛ mɛ, sɛ tɛ, “ ‘kɛlɛlɛmɛ sɛ ba mɔ, tɛ ba tɛ mɔ; kɛlɛlɛmɛ sɛ be nu, tɛ beti nu kɛlɛesi.’

Yohanɛsɛ 6:65

Avɛ lɛabha aɖɔ asɛ, “Kɛlɛ so gɛ itsre nɔ sɛ anɔnyanɔ atɛ ba ba me ɔkɔ gɛ odunu Aka nɛ yɛ akɔ yɛ dzo.”

Yohanɛsɛ 7:17

Onugɛ anɔ teli apɛɛ asɛ tɛ abhɛtɛ Kpaya tɛpɛpɛɛ, aba pɛa sɛ tɛ eti asɛ mɛ̀ kɛdɔkɛkasɛ nɛ de Kpaya kɔ, pɛnɔɔ kɛ nu sɛ mɛ nahwɛ kaɖɔ mɛ ɖɔ.

Axwɛwɛwa 16:14

Bagɛ bala ta tɔ nɛ bulɔ nɛ teli enu adzɛ gɛ beklua sɛ Liɖia, gɛ aga apɔtɛ ŋɛŋaedzi kedzi alasɛ ehoeyi aza yɛahwɛ, klɛ ede Taɛtira ɔmagbla nɛm, klɛ enu anɔ gɛ akpɛ kɛtɔkpue si kɔ Kpaya. Apalete na danɛ yɛ idzyi akɔ sɛ tɛ evu Paolo kibui nɛ asɔlɛ.

Romanɛ 11:25

Badzya mɔ, ɛtɛɛ pɛ sɛ tɛ nɔ za matimatim ɔkɔ ebui kpukpua, sɛ tɛ nɔ tɛ bo ku ishuawɔ̃: Izraɛl atɛ za nɛ batɔm gɛganɛ edi nɛa pɛ tie lim ɔdɔnanɔ kibelɛ mɛ gɛ bagɛ dɛ nu Yuɖanɛ nɛ tɛkɛklam petee be tsoku.

Romanɛ 16:25

Ɔtsɔ̃, kɔ anɔ nɛ gɛ yɛ ana wɔnɔesi dzu ganɔ mɛ kibui dzyɔgo nɛ Yesu Kristo kibui nɛ tɛbubuɖɔ, anɛ ebuikpukpu tɛbubukasɛ gɛ ekpu agɔagɔ gɛ atɛ ba fla nɛ nu,

1 Kɔrintioanɛ 13:2

Onugɛ atɔnu kɛdɔkukɔ lɛ mahwɛ klɛ ɛba na ebuikpukpu petee anɛ ebuititi petee kesi nu, klɛ onugɛ tɛyɛyɛkɛŋa lɛ mahwɛ gɛ kɛba kpa betu, pɔ pɛ ɛdɛdɛmɛ nɛ anɔ, ɛdɛ nu kɛdɔnyɛdɔ.

1 Kɔrintioanɛ 15:51

Nɔ tatɔ, itsre nɔ kibui kpukpui nɛ: Bulɔ petee butɛba tsi, pɔ ba be tysina lɔ tɛzɛzɛ mɛ—

1 Kɔrintioanɛ 2:14

Anɔ nɛ gɛ Ɔfufɔɛ ɔma yɛ mɛ atɛ yɛkɛ dɔ denɔ Kpaya Ɔfufɔɛ mɛ, alasɛ lenu agãebui kɔ yɛ, klɛ atɛ be nu alɛesi, alasɛ ɔfufɔɛ mɛ la ba de.

1 Kɔrintioanɛ 2:7

Ao, bu ɖɔ Kpaya kibuinyinyi kpukpu, kibuinyinyi gɛ ayɛkɔ ekpu klɛ Kpaya abhɛtɛ kɔ bulɔ kabhaŋɛŋa flogo gɛ abhɛtɛ kanɔ.

1 Kɔrintioanɛ 4:1

Kɛlɛ so, alasɛ banɔ ba yɛkɔ lɔ anasɛ Kristo baxwɛdɛ klɛ sɛ tɛ ba yɛkɔ Kpaya ebui kpukpu akpɛ alɛ ahwɛ.

1 Kɔrintioanɛ 4:7

So ane yɛ abhɛtɛ wɔ ɔgatɔ nɛ anɔ teli shu? Kide gɛ lɛ wɔ ahwɛ gɛ ɔdɛ yɛkɛ lɛ? Klɛ onugɛ ɔyɛkɛ lɛ, kɛdeso gɛ ɔfekeshu anasɛ kɛlɛlɛmɛ ɔdɛ na yɛkɛ?

Efesoanɛ 1:18

Ɛka klukpaya tsyɛ sɛ wɔnɔ idzyi aŋɔhu la danɛ sɛ tɛ nɔ tii kidzoenudidi kɔ kɛ gɛ lɛ so gɛ eklu nɔ, yɛ kededɔŋɛŋa nɛ shu bhubhui nɛ kpayabanɔ nɛ mɛ,

Efesoanɛ 1:9

Klɛ akɔ lɔ ti yɛ tɛpɛpɛɛ ebuikpukpu anɛ yɛ tɛpɛpɛɛ dzyɔgo gɛ abhɛtɛlu nɛ Kristo mɛ,

Efesoanɛ 5:32

Kɛnɛ kinu kibui kpukpu dzudzu—pɔ ɛɖɔaɖɔ denɔ Kristo anɛ busɔlɛɔha nɛ shu.

Efesoanɛ 6:19

Klukpaya nɛ mɛ tsyɛ tɔkpu, tɛ kibenɔ nɛ gɛ ɛdanɛ mɛ onugbu, ba bakɔ mɛ ebui sɛ tɛ nɛ kifu mazɛlɛmɛ tɛ ɛkɔ ale tii kibui dzyɔgo anɛ̀ ebuikpukpu,

Koloseanɛ 2:2

Mɛ tɛbhɛtɛ kɛ lɛ nu sɛ tɛ ba kpɛ balɛ idzyi kemi nɛ̀ tɛ ba kpɛ alɛ ketsu nɛ́ tɛdɛdɛmɛ mɛ, sɛ tɛ ba yɛkɛ ehueyi mumɔ gelee nɛ kibuiesi nunu nɛna, nɛ kɛlɛmɛ tɛ ba beti Kpaya ebukpukpu, be klu sɛ Kristo,

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

1 Timotio 3:9

Alasɛ tɛ ba nyɛna kɛgba dzudzu mɛ tɛyɛyɛkɛŋa ɔplɛnɔ idzyim dɛdanɛ evunɔ.

Yakobo 1:5

Onu gɛ kibuinyinyi kɛɛ ma wɔnɔmɛayɛ teli ahwɛ, alasɛ tɛ ebisi Kpaya, gɛ yɛakɔɛdɔ fãa kɛpɔ mazɛlɛ shu, klɛ bá ba yɛkɔ kɛlɛ akɔ yɛ.

1 Yohanɛsɛ 2:20

Pɔ nɔ yɛkɛ bubɔ sɛsra denɔ Ishubhubhui Anɔ nɛ ɔkɔ, klɛ wũnɔ petee nɔ nyi kɛgbɛagba.

1 Yohanɛsɛ 2:27

Wɔnɔ xũ nɛ, bubɔsɛsra nɛ gɛ nɔ yɛkɛ denɔ yɛ ɔkɔ bu wɔ nɔɛ mɛ, klɛ nɔ dɔ pɛɛ anɔnyanɔ sɛ tɛ akasɛ nɔɛ dɔ. Pɔ anasɛ gɛ yɛ bubɔsɛsra kasɛ nɔ nɛ ebui nɛ petee shu klɛ anasɛ gɛ bubɔsɛsra nɛ nu kɛgbɛagba, ganɛ kɛdɔ gɛ kɛyi dɔ—anasɛ gɛ kɛ kasɛ nɔ, nɔ wɔ yɛ mɛ.