Mateo 12:41 - ONUGBÙ NYƐNYÃ VUVƆ

⁴¹ Niniveanɛ na ba lɔɔ titi nɛ kebhuim nɛ ɔtsɔ̃ nɛ tɛmumɔɛ nɛm banɔ klɛ be be bui lɛ pɔ; alasɛ be tsyina kitem nɛ Yona kibuiɖuɖɔ nɛ mɛ, klɛ ɔtsɔ̃ agɛ adɛ Yona nɛ ya lɛ ɔkɛ̃ naa.

Mateo 12:41 Iomraidhean Croise

Mateo 12:39

Yesu ebui lɛ nu asɛ, “Atɔkpum gɛganɛ anɛ ɔmamdɛdɛ banɔ nɛ obonobo kanɔa nɛ mɛ bee bisi asɛ tɛ ba mɔ kibui yiyinɔanɔ! Pɔ ba tɛ ba kɔ anɔnyanɔ kɛkanyaka, Yona atɔnu na yɛ ko.

Mateo 12:42

Ozhizhi Adzɛeni nɛ aba lɔ kititi nɛ kebhuim nɛ tɛmumɔɛ nɛm banɔ klɛ ebe bui lɛ kɛpɔ; alasɛ alɔ edenɔ kanɔ nɛ obekekɔ sɛ ta aba tatɔ nɛ Salomo kibuinyinyi, klɛ ɔtsɔ̃ agɛ yɛ adɛ Salomo nɛ yalɛ ɔkɛ̃ naa.

Mateo 12:45

Ɔkɛlɛ ɔfufɔɛ nɛ ootsodzi ɔvɛ ɔdɔ gbanɔ tigene bhlatɔ gɛ tsɔmɔ dɛ ɔlɛ nahwɛ nɛ ata shu, klɛ lɛ ba tsoku da za ɔkɛlɛ. Klɛ anɔ yɛ tɛzɛza mɛ ba tsodzi tsɔmɔ dɛa na gɛ aza putɔnɔ. Kana kɛ ba za kɔ kɛtɔkpum gɛganɛ tɛmumɔɛ nɛm banɔ.”

Mateo 12:6

Itsre nɔ sɛ, agɛ agbɛgbla dɛ kpayavu nɛ alɛ ɔkɛ̃.

Mateo 16:4

Atɔkpum gɛganɛ anɛ aglɔbui bhɛbhɛtɛ kanɔa nɛ mɛ banɔ naa pɛɛ ebui yiyinɔanɔɛ dɔmumɔ, pɔ ba tɛ ba kɔ akanyaka odu nu sɛ Yona kɛdɔmumɔ.” Ɔkɛlɛ Yesu ashɛ̃ nɛ balɛ ɔbha klɛ ada fla shɛ.

Mateo 17:17

Yesu ebui lɛ nu asɛ, “Ao banɔ gɛ ba dɛ pɛ̃ klɛ tɛyɛyɛkɛŋa ma nɔ ahwɛ,” “kɛlɛ za mɛ ɛba za wɔnɔ bha ɔdɔnanɔ? Kɛlɛ za mɛ ɛba za plɛnɔ wɔnɔ ɔdɔnanɔ? Yɛkɔ anuvɔ nɛ ɔmɛna mɛ nɛ ɔkɛ̃.”

Mateo 23:36

Itsre nɔ kɛgba sɛ, ebuia nɛ petee aba ba tɛmumɔɛ nɛ mɛ banɔa nɛa bha.

Luka 11:32

Nineve banɔ ba lɔ aza nɛ kɛbhuikuklu nɛ tɛmumɔɛnɛ be be bualɛ pɔ, alasɛ balɛ be titsyinɛtem nɛ Yona kibui ɖuɖɔ nɛ mɛ, klɛ ɔtsɔnɛ agɛ adɛ Yona alɛ ɔkɛnɛ.

Yohanɛsɛ 3:31

Anɔ nɛ gɛ aba denɔ kabha aba ɖama dɛ balɛ petee, agɛ ede kesukpa aɖama dɛ balɛ yɛ enu kɛsukpa nɛ ayɛ, klɛ aɖɔaɖɔ anasɛ agɛ ede kesukpa nɛ mɛ. Anɔ nɛ gɛ ede owũsise yɛ aɖama dɛ petee.

Yohanɛsɛ 4:12

Wɔ otri dɛ bulɔ aka Yakobo, gɛ yɛ akɔ lɔ kizi klɛ yɛnahwɛ awɔ̃ɛ buni denɔ kɛlɛ mɛ, klɛ ye yialɛ nɛ̀ yɛ baga nɛ banɔ nɛ gɛ be di baga nɛabha?”

Romanɛ 2:27

Anɔ nɛ gɛ edi bhui bunyɛnyɛ nɛ ishuidzya nɛ mɛ klɛ tsyɛ pɛ anyɛna ɔshã nɛm evunɔ, ebe bu wɔabha agɔ, onu gɛ ɛshãeplukpa nɛ bunyɛnyɛ bhubhui lɛ wɔahwɛ tsyɛ, onu anɔ gɛ ɔda ɔshã.

Hebriuanɛ 11:7

Ganɔ tɛyɛyɛkɛŋa abha Nowa, gɛ betsrɛnɔ denɔ ebui nɛ gɛ ba ka mɔ, nɛ kifu sisi bhubhui mɛ afatɛ kɛniabha opupu sɛ tɛ ebu yɛ bupa. Nɛ yɛ tɛyɛyɛkɛŋa nɛ mɛ ebu kanɔ nɛ mɛ pɔ klɛ ebe dzi balɛ kɛdɔ dzyɔgo nɛ kusi gɛ kɛ ba ganɔ tɛyɛyɛkɛŋa bha.