Mateo 11:11 - ONUGBÙ NYƐNYÃ VUVƆ

¹¹ Itsre nɔ kɛgba sɛ: Nɛ banɔ nɛ gɛ badzɛ ba mɔ nɛ mɛ akanyaka aka vɛ otugba pɛ agbɛgbla dɛ Yohanɛsɛ Enikpɛ; pɔ agɛ enu ebhliyi nɛ owũsise bukusiɔŋakɔ agbɛgbla dɛ yɛ.

Mateo 11:11 Iomraidhean Croise

Mateo 11:10

Anɔa nɛ shu ba ŋlɔmɛ ebuia nɛ asɛ: “ ‘Ɛba kpɛ mɛ axwɛdɛ putɔnɔ kɔ nɔ, yɛ ebe wũse wɔ kidzo nɛ akpɛ otugba kɔ nɔ.’

Mateo 11:12

Denɔ Yohanɛsɛ Enikpɛ nɛ kibe ɔbɔ nanɔ ɔtsɔ̃ nɛɛ, owũsise bukusiɔŋakɔ nɛ yɛkɔ amɛgɛganɛ vɛ otugba, klɛ banɔ amɛgɛganɛ ba nyɛna bulɛ evunɔ.

Mateo 3:1

Nɛ ewia lɛlɛ nɛ mɛ Yohanɛsɛ Enikpɛ nɛ aba, nɛ kibui nɛ tɛɖuɖɔ nɛ Yuɖea Ayakpam,

Mateo 3:11

“Ɛɛkpɛuni kɔ wɔnɔ nɛ buni kɔ kite mɛ tsyitsyina. Pɔ mɛede anɔ nɛ gɛ alɛ kemi adɛ mɛ aba ba, yɛ butsrukpɔaklɔ tsyɛ ɛdɛ na gɛ ɛba vunɔ. Yɛ aba kpɛuni kɔ nɔ nɛ Ɔfufɔɛ Dzyɔgo anɛ kifu.

Mateo 5:19

Anɔnyanɔ gɛ ebule ɔshã nɛ obhliyi ɔkɔ toli klɛ akasɛ banɔ bhlatɔ tsyɛ asɛ ba bhɛtɛ ana, be be kulu yɛ ebhliyia dɛ nɛ bukusiɔŋakɔ nɛm nɛ owũsise, pɔ aanɔ nɛ gɛ aabhɛtɛ klɛ aakasɛ ɛshãɛ nɛɛ, be be kulu yɛ asɛ agbɛgbla nɛ owũsise bukusiɔŋakɔ.

Luka 1:15

alasɛ ebe dzi agbɛgbla nɛ Apalete nɛ amɛ. Ama sɛ tɛ awɔɛ̃ bulu ɔdɔgɔsɛ kɛdɔ wuwɔɛ̃ gɛganɛ kanyakaɛ di, klɛ Ɔfufɔɛ Dzyɔgo kuratsyɛ lɔ bo yuku yɛ de nɔ yɛ tɛmumɔɛ mɛ.

Luka 7:28

Ɛtsre nɔ, nɛ ba gɛ badzɛ amɔ nɛ shi anɔnyanɔ ama gɛ etri adɛ Yohanɛsɛ, pɔ agɛ enu ebhliyi nɛ Kpaya bukusi nɛ mɛ etri adɛ Yohanɛsɛ.”

Luka 9:48

Kɛlɛ aɖɔ etsre alɛ sɛ, “Anɔ nɛ gɛ ayɛkɛ anuvɔ bhliyia nɛ mɛ nyi mɛ ayɛkɛ mɛ, klɛ anɔ nɛ gɛ ayɛkɛ mɛ, ayɛkɛ anɔ nɛ gɛ akpɛ mɛ. Alasɛ agɛ enu ebhliyidɛ nɛ wunɔ petee shi—ye nu agbɛgbladɛ.”

Yohanɛsɛ 1:15

Yohanɛsɛɛ aɖɔaɖɔ denɔ yɛ shu. Akpɛ ogugu, aɖɔ sɛ, “Anyɛ anɛ yɛ bui mɛ ɖɔ, ‘Yɛ agɛ aba nɛ mɛede etri adɛ mɛ alasɛ alɛ flogo gɛ ba mɔ mɛ.’ ”

Yohanɛsɛ 1:27

Yɛ nu anɔ nɛ gɛ aba ba nɛ mɛede, klɛ yɛ ɔtsrɛklɔ ohui tsyɛ ɛtɛ bana bulɛ.”

Yohanɛsɛ 10:41

klɛ banɔ gelee ba ba yɛ ɔkɔ. Baɖɔ sɛ, “Kɛlɛlɛmɛ sɛ Yohanɛsɛ adɛ bhɛtɛ kɛdɔmumɔ gɛ yinɔanɔ, ebui nɛ petee gɛ Yohanɛsɛ aɖɔ denɔ anyɛ shu le nu kɛgbɛagba.”

Yohanɛsɛ 3:30

Yɛ alasɛ tɛ ebedzi agbɛgbladɛ, mɛ alasɛ tɛ ezhiesi.

Yohanɛsɛ 5:35

Yohanɛsɛ edzi kanɛgbɛ gɛ atɛ̃fu klɛ kɛ kɔ bubhubhui, klɛ nɔ pɛɛ kibe sɛ tɛ nɔ mɔ same nɛ yɛ kifutɛtã.

Yohanɛsɛ 7:39

Kibui nɛ Ɔfufɔɛ shu bui yɛ aɖɔ, bagɛ balɛ ayɛkɛ yɛ abhaŋa, balɛ tɛ yɛkɛ. Ɔdɔtɔnɔ kɛbelɛlɛ ba ka kɔ yɛ Ɔfufɔɛ, kɛlɛbe ba ka kpɛ Yesu nɛabha.

1 Kɔrintioanɛ 15:9

Alasɛ mɛ nu agugɔɛ nɛ banɔkpɛkpɛ nɛ shi klɛ amasɛ tɛ be klu mɛ sɛ anɔkpɛkpɛ, alasɛ epɛɛ buzizi kɔ Kpaya busɔlɛha.

1 Kɔrintioanɛ 6:4

Kɛlɛso onugɛ ebuia nɛdi le ku wunɔɛ shi, nɔ klu ebhuiklu enu anɔ gɛ ɔzakɔ ma yɛ ahwɛ nɛ busɔlɛ nɛ mɛ kruatsyɛ!

Efesoanɛ 2:3

Bulɔ petee tsyɛ bu tɛza balɛ shi nɛ kibe tili, klɛ bu kpɛ bulɔ buzizi ɛkpã tɛpɛpɛɛ nɛabha klɛ bu lɛ kɛlɛ tɛpɛpɛede nɛ bulɔ atɔkpuimɛ. Anasɛ bagugɔɛ, nɛ tɛmumɔe mɛ bulɛ kɔ butɔ.

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

2 Timotio 1:10

pɔ ɔtsɔ̃, be be bu kɛlɛ akasɛ ganɔ Ayɛyɛkɛkɔlɔ, Kristo Yesu tɛwɛ̃wɛ̃ nɛ mɛ, gɛ ebe zi butsi klɛ ayɛkɔ ɛkpã anɛ matsimatsi amɛna ɔtɔ ganɔ kibuidzyɔgo nɛ mɛ.

Hebriuanɛ 11:40

Kpaya atrɔ kibui dzyɔgodɛ tili elu kɔlɔ sɛ tɛ baza plɛnɔ lɔ tɛ ba babhɛtɛ alɛ tɛ ba na.

1 Petro 1:10

Nɛ tɛbhubhuiyɛkɛ nɛ shu, batɔnu, gɛ ba ɖɔaɖɔ denɔ ɛyɛmɛyuyɔ gɛ kɛ ta ba kɔ nɔ, be tsuɛ lɛ mɛ mɔmɔ klɛ nɛ tɛnyɛnyɛna gbɛgbladɛ,