Mateo 10:15 - ONUGBÙ NYƐNYÃ VUVƆ

¹⁵ Itsre nɔ kɛgba sɛ, kɛ ba za bubɔɛbɔɛ kɔ Sorom anɛ Gomora nɛ kebhuikluwi nɛa bha ɔyɛkɔ dɛ ɔma nɔɔ lɛlɛ.

Mateo 10:15 Iomraidhean Croise

Mateo 12:36

Pɔ itsre nɔ sɛ, kɛ ba bisi sɛ banɔ ba ɖɔ balɛ tɛzɛzam akasɛ nɛ kebhuiwi nɛa bha nɛ balɛ kibui gɛ ma kibuinyɛbuim gɛ ki koeyi denɔ balɛ onugbu mɛ.

Mateo 5:18

Itsre nɔ kɛgba, ɔdɔnanɔ kibe lɛ gɛ owũsise anɛ kesukpa kaa lɛla, kɛdɔ ŋuŋlɔmɛ bhli dɛ, kɛdɔŋlɔmɛshi kɛdɔfuflɔ̃ bhli, ganɔ kidzo nyɛdzoa bha nɛ tɛ baa lɛla nɛ Ɔshã nɛm ɔdɔnanɔ kibe lɛ gɛ kibuinyɛbui kɛ bɛɛ lɛm beke.

Mateo 7:22

Bee gelee aba ɖɔ etsre mɛ nɛ kiwi lɛ nɛa bha sɛ, ‘Apalete, Apalete ganɛ wɔɛ nyi mɛ lɔɔ ɖɔ ebui lu, klɛ lɔ kɛka ɛfufɔɛkpã bu klɛ bu bhɛtɛ ebui gɛ eyinɔ anɔ gelee?’

Marko 6:11

Ɔkɛlɛ gɛ noo ku pɛ baa dɛ yɛkɛ wɔnɔ, klɛ ba dɛ taa nɔ batɔ, no xule osumududu nɛ wɔnɔ butsrukpɔ nɛ olu tɛ nɔ shɛ̃, tɛ kidzi kibuimɔɖɔ nɛ balɛ shu.”

Yohanɛsɛ 12:48

Kebhui kuklu alɛ kɔ anɔ nɛ gɛ adɛ pɛɛ mɛ ebui klɛ adɛ yɛkɛ mɛ ebui, kɛ bui lɛlɛ nɛ gɛ ɛɖɔ kɛ ba bu yɛ pɔ nɛ kiwui gugɔɛ nɛabha.

Yohanɛsɛ 6:39

Klɛ kɛɛ nɛ kɛlɛ nu agɛ akpɛ mɛ nɛ tɛpɛpɛɛ, sɛ ɛtɛ lɛla bagɛ balɛ petee akɔ mɛ, pɔ tɛ ɛnyɛmɛ alɛ nɛ kiwui gugɔɛ nɛabha.

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

Axwɛwɛwa 17:31

Alasɛ atɛ trɔ kiwi nɔ nɛ gɛ ebe klu kebhui nɛ kanɔ nɛ kɛgbam ganɔ anɔ nɛ gɛ eti bu nɛa bha. Atɛ trɔ kɛklãgbu nɛ ebuia nɛa bha kɔ banɔ nyanɔ ganɔ yɛ tɛfifeke denɔ butsi mɛ.”

1 Kɔrintioanɛ 3:13

yɛ kɛxwɛ nɛ ba kasɛ kɛdɔnɔ gɛ kɛ nu, alasɛ Kiwui nɛ ba bui lɛ yinɔ. Be be bui lɛ akasɛ nɛ kifu, klɛ kifu ba feke anɔnyanɔ kɛxwɛ nɛ tɛpɛpɛ̃ mɛ edi.

1 Tɛsolonianɛ 5:4

Pɔ wɔnɔ, badzya mɔ, nɔ ma otumu mɛ sɛ tɛ kiwi nɛ ba yinɔ nɔ ansɛ ezi.

Hebriuanɛ 10:25

Nɔ tɛ kɔ lɔ zukɔlɔ kɛtɔkputsyɛtsya kɔ dɛ, anasɛ gɛ banɔ teli ba yɛkɔ trɔ shu gɛ ba bhɛtɛ, pɔ nɔ kɔlɔ kpɛ agulɔ kemi—klɛ petee ɔyɛkɔ dɛana anasɛ gɛ nɔ mɔ Kelizɛza nɛ gɛ aba.

2 Petro 2:6

onugɛ ayɛ ɔmagbɛgbla Sodom anɛ Gomora ganɔ kɛfutɛtã gɛ be dzi butɔ, klɛ abhɛtɛ alɛ tɛmumɔlu kɔ kɛgɛ ba ba bhɛtɛ bagɛ be dinu kpayayɛ,

2 Petro 2:9

onugɛ kana lɛ lɛ, kɛlɛalɛ Apalete enyi kana gɛ ebe bhui Kpaya banɔ denɔ tɛfifekedi mɛ klɛ tɛ anyɛna ebuikpã lete kɔ kebhui kuklu wui, kibelɛlɛ gɛ be tsiri balɛ batɔ tɛtɛta nɛabha.

2 Petro 3:7

Nɛ kibui lɛlɛ nɛ ke ɔtsɔ̀nɛ owũsise anɛ kesukpa ba gɔ alɛ lu kɔ kifu, be lui lɛ kɔ kebhuikuklu kiwui nɛ̀ kɛlɛ tɛzizi kɔ banɔ nɛ gɛ ba dɛ yɛkɛ kpayabhaŋa.

1 Yohanɛsɛ 4:17

Nɛ kidzoɛ nɛabha, tɛdɛdɛmɛnɔ na nɛ bulɔɛ mɛ sɛ tɛ idzyi aza bulɔ ahwɛ nɛ kebhuikuklu wui nɛabha, alasɛ nɛ kanɔa nɛ mɛ bu lɛ anasɛ yɛ.

Yuɖa 1:6

Klɛ kpayaxwɛdɛ nɛ gɛ ba dɛ nyɛna balɛ kabhaŋɛŋa ɛzakɔ nɛm evunɔ pɔ pɛ ba shɛnahwɛ balɛ nahwɛ bapa nɛ shu—balɛlɛ nɛ evu akpɛ otumu mɛ, gɛ akpɛ buɖɛ gɛ ba za vɛnɔ xũii kɔ kebhuikuklu nɛ Kiwigbla nɛa bha.

Yuɖa 1:7

Nɛ kidzoe lɛlɛ nɛɛ dia bha, Soɖom anɛ Gomora anɛ ɛma nɛ gɛ kana lɛ na yɛkɔ balɛ shu akɔ azhuzhɔlɛbui anɛ buzizi. Be dzi ansɛ tɛdidibhɛtɛ kɔ bagɛ ba mɔ kifu mabeke mabeke mɛ batɔ tɛtɛtɛta.