Mateo 10:1 - ONUGBÙ NYƐNYÃ VUVƆ

¹ Yesu ekulu yɛ badɔkpasɛ lɔfɔntɛabha nɛ amɛna yɛ ɔbha klɛ akɔ balɛ kabhaŋɛŋa sɛ tɛ ba yɛkɔ akɛka ɛfufɔɛkpã ebu tɛ be beke banyanyanyɛ di.

Mateo 10:1 Iomraidhean Croise

Mateo 19:28

Yesu etsrea la sɛ, “Itsre nɔ kɛgba nɛ sɛ, nɛ kibe lɛ gɛ bebe tsodzini kɛdɔnyɛdɔ abhɛtɛ kɛ vuvɔ, gɛ Anɔdzyrame yɛ Eyi nɛ ebe zhi aza yɛ bukusiegbu gɛ kalɛ shu adanɛ nɛa bha, Wɔnɔa gɛ ɔlɛ mɛe de tsyɛ obo za bukusigbu lɔfɔnɛtubha nɛa bha, ozo klu bubhui nɛ Izraɛl amadi lɔfɔntabha.

Mateo 26:20

Gɛ owulago nɛ ɔna, Yesu akpasa za kɛdɔŋɛŋa nɛ shu anɛ yɛ banɔ Lɔfɔntɛabha.

Mateo 26:47

Nɛ kibe lɛ nɛ gɛ eke dzia ɖɔ kaɖɔ, Yuɖasɛ, gɛ enu Kɛfɔntɛabha nɛ ɔmɛayɛ teli, nɛ ebe ku. Banɔɛza gbla lɛ yɛe de nɛ baa hɛ nɛ busukpogunu, gɛ benu banɔ gɛ kpayaɔzakɔanɔ anɛ beshishe nɛ ba kpɛ yɛe si.

Mateo 4:23

Yesu aga nyɔ ekoeyi nɛ Galelia, anɛ kɛdɔkɛkasɛ nɛ balɛ oxogokɔevu nɛm, kibui dzyɔgo nɛ tɛɖuɖɔ denɔ bukusiɔŋakɔ nɛ shu, klɛ ebeke banya nyaanya nɛ banɔ mɛ.

Mateo 6:13

Klɛ tɛ gbanɔ lɔ kpɛ tɛfifekedi mɛ, pɔ bu lɔ odenɔ ezizi nɛ ahwɛ mɛ.’

Mateo 9:35

Yesu aga ɛma anɛ ɛmabhli nɛ petee mɛ, aakasɛ dɔ nɛ ixogokɔevu nɛ mɛ, klɛ aaɖɔ kibui dzyɔgo nɛ edenɔ bukusiɔŋakɔ nɛ shu klɛ eebeke banyanyanya nɛ banɔ mɛ.

Mateo 9:38

No bisi Kɛxwɛaka sɛ tɛ asɛsɛ baxwɛwa nɛ buya nɛ mɛ.”

Luka 10:19

Ɛkɔ nɔ bupu sɛ tɛ nɔɔ gaa beblidzya anɛ butabuadzɔ tɛ nɔŋa bupu petee gɛ bu lɔɛ titi nɛ wɔnɔ shu niabha, kizizinyɛzizi tɛ babhɛtɛ nɔ.

Luka 21:15

Alasɛ ɛba kɔ wɔ ebuiɖɛɖɔ nɛ kibuinyinyi sɛ ba gɛ bata pɛɛ wɔɛbui ba tɛ bana kibui nɛ shu shɛ̃nahwɛ pɛnɔ betsyinɛ la ɖɔ.

Luka 24:49

Ɛba tɛsɛsɛ nɔ kɛgɛ mɛ Aka na ɖɔlu, pɔ nɔ za ɔma gbɛgbla nɛ mɛ, ɔdɔtɔnɔ kibenɔ gɛ ba bayɛkɔ kemi edenɔ owũsise enyumu kɔ nɔ.”

Luka 6:13

Gɛ kevlɔ nɛ na, eklu yɛ badɔkpasɛ amɛna yɛ ɔbha klɛ ebu banɔ lɔfɔnɛtɛabha nɛ balɛmɛ, gɛ edzu balɛ nyi asɛ bakpɛkpɛ:

Yohanɛsɛ 17:2

Alasɛ wɔ ɔkɔ yɛ kabhaŋɛŋa nɛ banɔ nɛ petee abha sɛ tɛ aba kɔ ɛkpã mabeke banɔ petee gɛ ɔyɛkɔ kpɛ ahwɛ kɔ yɛ.

Yohanɛsɛ 3:27

Kɔ kibui nɛ so Yohanɛs ebuilɛ nu aɖɔ sɛ, “Anɔ aba yɛkɛ kɛdɔnɔ ko gɛ bakɔ yɛ denɔ owũsise.

Yohanɛsɛ 3:35

Aka adɛmɛnɔ nɛ Eyi klɛ ayɛkɔ kɛdɔnyɛdɔ akpɛ yɛ ahwɛ.

Yohanɛsɛ 6:70

Yesu ebuilɛnu asɛ, “Anɛ mɛ klu nɔ banɔ lɔfɔ nɛtiabha? Pɔ sɛ wunɔ mayɛ teli enu Abonsam!”

Axwɛwɛwa 1:8

Pɔ nɔ bɔ yɛkɛ kemi onu gɛ Ɔfufɔɛ Dzyɔgo nɛ ɔɔba wɔnɔa bha, klɛ no bo dzi mɛ bebuimɔɖɔ nɛ Yerusalɛm, klɛ nɛ Yuɖia petee anɛ Samaria, ɔyɛkɔ ɔdɔnanɔ kesukpa nɛ ibekekɔ.”

Axwɛwɛwa 19:15

Kiwi nɛ tili nɛ, ɔfufɔɛkpã nɛ ɔbɔ dɛmɛ ɔkɔa lɛ ɔsɛ, “Yesu nɛ inyi yɛ, klɛ inyi kibui denɔ Paolo shu, pɔ wɔ nu ane?”

Tɛbubukasɛ 12:1

Kɛdɔmumɔ gbla gɛ bhɛtɛ bi kɛwɛ̃ nɛ owũsise: adzɛ gɛ ba yɛkɔ kiwi enyumu akɔ ansɛ kɛpɔtɛ, ɔplɛnɔ wele nɛ yɛ butsrukpɔe si klɛ awɛ̃wɛ̃ lɔfɔntabha bukusikutu tsri yɛ ada mɛ,