Marko 9:43 - ONUGBÙ NYƐNYÃ VUVƆ

⁴³ Onu gɛ wɔ ɔhwɛ toli ɔkɔ sɛ oku buzizi mɛ, bhui ɔlɛ ɔtɛɛ̃. Abɔ kɔ wɔ sɛ tɛ ɔhwɛ torikpo ɔza wɔ ahwɛ nɛ ɛkpã mɛ, ɔyɛkɔ dɛ sɛ tɛ ɔyɛkɔ ɛhwɛ tɛbha ɔvɛnɔ butsutsɔmɔ mɛ, nɛ ɔklɛ gɛ kifu tii ni.”

Marko 9:43 Iomraidhean Croise

Mateo 17:27

“Pɔ sɛ tɛ bu tɛ da nɛ balɛa bha, vɛ kɛvɔ nɛ mɛ tɛ ɔdɔ kpɛ wɔ ɖaɖuwɛ. Yɛkɔ kɛkpã tutɔpu nɛ gɛ obo bu, yaka kɛlɛ onugbu nɛ mɛ klɛ ɔbɔ mɔ kɔba tɛalɛ̃ kihoeyi tili. Yɛkɔɛ lɛ tɛ ɔdɔ kɔ kadzyɔ nɛ mɛ nɛ wɔnɔ nu.”

Mateo 25:41

“Ɔkɛlɛ aba ɖɔ tsre bagɛ bedzi yɛ kɛbɛtɛkpɛ nɛ mɛ asɛ, ‘Nɔ shɛ nɛ mɛ ɔbha, wɔnɔa gɛ ba ɖɔɛ bui akpɛ, ayɛkɔ tɛ̃a kpɛ kifu gɛ tɛba ni di mɛ gɛ ba bala elu kɔ ɔfufɔɛkpã nɛ ɛlɛ baxwɛdɛ.

Mateo 3:12

Yɛ, kawɛ̃sa nɛ kalɛ yɛ ahwɛmɛ, klɛ ebe ŋuse yɛ kedzripi, aba yalɛ yɛ agɔnɛ nɛ ada kpɛ owulem klɛ aba pɔɛ tɛhwɛ nɛ kifu gɛ tɛ ba ni di mɛ.”

Mateo 5:22

Pɔ itsre nɔ sɛ, anɔnyanɔ gɛ amɔ oblo nɛ yɛadzya be be kulu kebhui nɛ yɛ. Ɔyɛkɔplɛnɔ anɔnyanɔ gɛ ebe tsre yadzya sɛ, ‘Ɔmɛtã kɔ kɛdɔnyɛdɔ,’ ebe bu shu nu nɛ Bebhuiklu naa mɛ. Pɔ anɔ nɛ gɛ aaɖɔ sɛ, ‘Wɔ agã onu!’ ebe tsoku butɔm anɛ kifu mabeke mabekem.

Marko 9:44

[Nɛ ɔklɛ gɛ asɔ̃ eti be tsi edi, klɛ kifu nɛ tsyɛ tɛ ba ni di.]

Luka 14:13

Pɔ kɛbɛlɛmɛ sɛ oklu banɔ kɔ kɛdɔ ŋɛŋa, klu betsyutsyuini, bakpata, bagɛ ba ta na ga, awɔ̃hu pupu elete,

Luka 14:21

“Axwɛdɛ nɛ etsodzi aba klɛ etsre yɛ apalete ebuia nɛ. Ɔkɛlɛ bupa nɛ elete nɛ amɔ obulo klɛ akpɛ yɛ axwɛdɛ nɛ asɛ, ‘Koeyi ɔvɛ zia tɛ ɔdo di edzo nɛabha anɛ buvude edzo nɛ mɛ tɛ ɔgbanɔ betsutsuni, bagɛ buga ma balɛ shu, aŋhupupu elete nɛ bagɛ ba ta na ga.’

Luka 3:17

Yɛ kɛtɛ́ nɛ lɛ yɛ ahwɛ gɛ aba pɛ́ agɔnɛ akulɔ elu kesukpa, klɛ aba yɛkɔ agɔnɛ nɛ akpɛ yɛ owule mɛ, pɔ aba yɛkɔ bukulɔɛ nɛ akpɛ kifu manimani mɛ.”

Romanɛ 8:13

Alasɛ onu gɛ nɔɔ lɛ nɛ buzizi ɛkpã nɛ nu, no bo tsi, pɔ onu gɛ nɛ Ɔfufɔɛ nɛ nu kɛlɛ alɛ nɔ bɔ yɛkɔ ishuidzyam ebuikpã nɛ ɔkɔ butsi, nɔ bɔ za nɛ ɛkpã,

1 Kɔrintioanɛ 9:27

Oo ɛtu mɛ shuidzya klɛ ɛbhɛtɛ lɛ mɛ anɔdzidzi sɛ tɛ nɛ kɛlɛede ɛɖɔ kibui dzyɔgo kɔ ba bhlatɔ, mɛnahwɛ be ti be tsodikpɛ mɛ abha ŋɛŋa mɛ.

Galatianɛ 5:24

Bagɛ benu Kristo Yesu ayɛ ba tɛ kpla buzizi ɛkpã nɛ asɔ nɛ ɛlɛ tɛpɛpɛɛ.

Koloseanɛ 3:5

Pɔ kɔ butsi, kɛdɛnyɛdɔ gɛ kɛ nu wunɔ kesukpaɛ dɔ: ɔmamɛdɛdɛ, ɛkpãzizi zɛza, kɛdɔ kukuanɔli, ebuizizi bhɛbhɛtɛ anɛ kɛdɔ gbɛgbla pɛpɛɛ gɛ kɛ nu obudi busɔlɛsɔlɛ.

Titusɛ 2:12

Lɔɔ kasɛ lɔ sɛ buɖɔ sɛ, “Ao” kɔ kpaya mɛ mazamaza anɛ kanɔmɛdɔ pɛpɛɛ, klɛ tɛ ɔna ishu ganɔ, tɛfuflɔ̃ anɛ kpayamzɛza ɛkpã nɛ ɔtsɔ̃ nɛa nɔmɛ,

Hebriuanɛ 12:1

Kɛlɛso, bebuimɔɖɔ gɛ la kana lɔ anasɛ ɔmunɔ gelee, nɔ kɔ lɔ bu ebui tsyɛtsyanɔ kanyãka anɛ ezizi gɛ la nyɛna lɔ nɛ tɛ̃, klɛ nɔ kɔ lɔ yɛkɔ amɛgɛganɛ kpanisi tɛ lɔ bu tisisi gɛ kɛlɛ kɔlɔ.

1 Petro 2:1

Kɛlɛso, nɔ bu wɔnɔshu denɔ ebuikpã petee mɛ, anɔwuwɔɛ, otro petee, awɔ̃dzɛdzã anɛ anɔshuzizi kanyakaɛ di.