Marko 9:12 - ONUGBÙ NYƐNYÃ VUVƆ

¹² Yesu asɛ, “Tɛ bu ka nɛ klɛa bha nɛ, kɛ lɛ sɛ tɛ Eliya aba eputɔnɔ, kɔ kɛdɔnyɛdɔ tɛŋuŋuse. Klɛ kidee so pɛ ba za ŋlɔmɛ elu asɛ Anɔdzyrame yɛ Eyi nɛ alasɛ tɛ aba tɔ gelee tsyɛ tɛ batɛ yɛkɛ yɛ?

Marko 9:12 Iomraidhean Croise

Mateo 16:21

Denɔ kibe lɛ nɛ mɛ Yesu etenɔ ebuie si bu kɔ yɛ badɔkpasɛ nɛ asɛ alasɛ tɛ avɛ Yerusalɛm tɛ ada tɔ nɛ ebui gelee mɛ nɛ beshishe nɛ ahwɛ mɛ, kpayaɔzakɔanɔ anɛ ɛshãdɔkasɛ, klɛ kɛ ba za sɛ tɛ be yi yɛ klɛ nɛ kiwi tramɛ ebe tsodzi anyɛmɛ aba ɛkpãm.

Mateo 26:24

Anɔdzyrame yɛ Eyi nɛ aba shɛ ansɛ gɛ ba ŋlɔmɛ elu nɛ yɛ shu. Pɔ butɔ kɔ anɔɔ nɛ gɛ yɛ aba ga Anɔdzyrame yɛ Eyi nɛe si! Anɔa lɛlɛ ba dɛ mɔ yɛ tsyɛ ata pɛ̃ kɔ yɛ adɛ.”

Marko 10:33

Etsre balɛ asɛ, “Bu vɛ Yerusalɛm,” “klɛ la ba tɛ ga Anɔdzyrame yɛ Eyi nɛesi akɔ kpayaɔzakɔanɔ anɛ ɛshãdɔkasɛ. Bee bu yɛ butsipɔ klɛ la ba yɛkɔ yɛ akpɛ ahwɛ kɔ bagɛ edi nu Yuɖanɛ,

Marko 9:13

Pɔ itsre nɔ, Eliya atɛ ba, klɛ ba bhɛtɛ kɛdɔnyɛdɔ gɛ ba pɛɛ nɛ yɛ, anasɛ gɛ ba ŋlɔmɛ elu nɛ yɛ shu.”

Marko 9:31

alasɛ aakasɛ yɛ badɔkpasɛ nɛ kɛdɔ. Etsre balɛ asɛ, “Ba baa ba ga Anɔdzyrame yɛ Eyi nɛ kesi ayɛkɔ akpɛ banɔ ahwɛ. Ba ebe yi yɛ, klɛ nɛ ewi tata kede nɛ ebe tsodzi alɔ.”

Luka 1:76

Klɛ wɔ, mɛ yi, ba be klu wɔ sɛ ebuiɖɔlu Aɖɛɖama Adɛ, alasɛ ɔbɔ putɔ kɔ Apalete tɛ ɔdɔ ŋuse kidzo nɛ mɛ ɔkɔ yɛ,

Luka 23:11

Ɔkɛlɛ Heroɖesɛ nɛ̀ yɛ keyutugbani bakpɛ yɛ tsɔ klɛ ba kpɛ yɛ wɔɛ̃. Ba yɛkɔ kedziŋɛŋa awui dzidze akpɛ kɔ yɛ, klɛ betsidzinɛ yɛ avɛnɔ Pilato ɔkɔ.

Luka 23:39

Bezizi nɛ mayɛ teli gɛ banya yɛ asɔ nɛ ɔkɛlɛ, aɖɔ kɛbui akula Yesu asɛ: “Anɛ wɔ nu Kristo? Bu shu klɛ tɛ obu lɔ!”

Axwɛwɛwa 1:6

So gɛ ba ba tsya, be bisi yɛ asɛ, “Apalete, nɛ kibee nɛ mɛ obo tsodzini bukusi ɔŋakɔ nɛ odzuesi kɔ Izraɛlanɛ nɛ dza?”

Axwɛwɛwa 4:11

Yɛ enu “ ‘kɛklãgbu nɛ gɛ wɔnɔ bevudzu nɛ ba shɛnahwɛ atɛ̃, pɛ kɛ ba dzi kidriɔxãkɔɛ klãgbu.’