Marko 5:7 - ONUGBÙ NYƐNYÃ VUVƆ

⁷ Akpɛ ogugu gɛganɛɛ asɛ, “Yesu, Apaletedɛ nɛ yɛ Eyi, kɛdee wɔ pɛɛ denɔ mɛ ɔkɔ? Tanɛ Kpaya sɛ ɔtɛ bɔ bhɛtɛ mɛ kibui kpã!”

Marko 5:7 Iomraidhean Croise

Mateo 16:16

Simɔnɛ Petro ebui lɛ nu asɛ, “Wɔ nu Kristo, ɛkpã Kpaya nɛ yɛ Eyi.”

Mateo 26:63

Pɔ Yesu adɛ fɔɛ nɛ alɛ. Kpayaɔzakɔanɔ nɛ etsre yɛ asɛ, “Ɛka atabu nɛ ɛkpã Kpaya nɛ nyi mɛ kɔ wɔ sɛ, Tsre lɔ onu gɛ wo nu Kristo, Kpaya yɛ Eyi.”

Mateo 4:3

Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”

Mateo 8:29

Ɛfufɔɛkpã elete nɛ ba kpɛ ogugu asɛ, “Kidee wɔ ɔɔpɛ denɔ bulɔ kɔ, Kpaya yɛ Eyi?” “Ɔba ɔkɛ̃ sɛ tɛ ɔbɔ nyama bulɔ flogo tɛ bulɔ ɔɖa nɛ mɛ ɔbɔ na dza?”

Marko 1:24

“Kidee wɔ Yesu Nazarɛtɛ eyi nɛ ɔpɛɛ denɔ bulɔ ɔkɔ? Ɔba sɛ tɛ obo beke lɔ dza? Inyi anɔ nɛdi gɛ onu, wɔ nu Kpaya Ɔfufɔɛ Dzyɔgo Anɔ!”

Marko 14:61

Pɔ Yesu adɔ sɛɛ̃ klɛ edi bu shu nu. Kpayanɔgbla nɛ eze bisi Yesu asɛ, “Wo nu Kristo, Kpaya yɛ Eyi Yuyula?”

Marko 3:11

Onu gɛ ɛfufɔɛkpã nɛ mɔ yɛ ko lɛ wɔlɛ dɔ nɛ yɛ otugba nɛ igugu kpɛkpɛ sɛ, “Wo nu Kpaya Yeyi.”

Marko 5:6

Gɛɛ amɔ Yesu asɛsɛ akpanɛsi klɛ ede dzu ekuisiesi nɛ yɛ etem.

Marko 5:8

Alasɛ Yesu eti tsre yɛ asɛ, “Koeyi ɔbɔ fla, wɔ ɔfufɔɛkpã nɛ anyɛ anɛ mɛ!”

Luka 1:32

Aba gbɛgbla klɛ be be klu yɛ asɛ agɛ Agbɛgbladɛ nɛ yɛ Eyi. Apalete Kpaya aba yɛ kɔ yɛ aka Daviti bukusi nɛ akɔ yɛ,

Luka 4:34

“Ah! Kɛde wɔ pɛɛ nɛ blɔ shu, Yesu Nazarɛtɛ eyi? Ɔba se tɛ obo beke bulɔ ɛkpã? Ɛnyi anɔ nɛ gɛ onu—Kpaya ye Yi dzyɔgo!”

Luka 6:35

Pɔ dɛmɛ nɛ bagɛ ba dɛ pɛɛ́ wɔɛ bui, bhɛtɛ kɛdzyɔgo kɔ alɛ, klɛ pa kɛdɔ kɔ alɛ tɛ ɔtɔdi dzoɛnu sɛ ɔbɔ tsodzi ɔyɛkɛ kɛdɔnyɛdɔ nɛ ba lɛ ahwɛ. Ɔkɛlɛ wɔɛ bhɛ tri, klɛ nɔ bodzi Owũsise Apaletedɛ yɛ yialɛ, alasɛ yɛ yɛyamɛyɔ kɔ ba gɛ betehuahwɛ nɛ bagɛ balɛ kɛtɔkpumɛ gɛganɛ.

Luka 8:28

Gɛ anɔ namɔ Yesu, akpɛ ogugu klɛ awɔlɛ adɔ Yesu otugba nɛ yɛ ɛtsrɛ nɛ shu, klɛ akpɛ ogugu gɛganɛ asɛ, “Kibui ɖuweɖu kɛlɛ lɛ bɔnɛ wɔɛ shi, Yesu, owũsise Ɖɛɖama Kpaya yɛ Yi? Ɛkpɛ kɛtɔkpuesi kɔ yɔ, tɛbhɛtɛ mɛ kizizi nyɛzizi!”

Yohanɛsɛ 20:31

Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.

Axwɛwɛwa 16:17

Adzɛnuvɔɛ anɛ aza Paolo anɛ bulɔ bagɔgɔɛ nɛe de nɛ igugu asɛ, “Banɔa nɛ benu Ɔɖɛɖamakɔ dɛ nɛ Kpaya anɛ baxwɛdɛ, gɛ ba kasɛ wɔ kidzo nɔɔ nɛ gɛ ɔbɔ ga pɛ bebe bu wɔ.”

Axwɛwɛwa 19:13

Yuɖanɛ teli gɛ ba ga fla sɛ ba kɛka ɛfufɔɛkpã ebu na pɛ sɛ tɛ be ze klu Apalete Yesu kinyi akpɛ ba gɛ ɛfufɔɛkpã tsri alɛa bha. Klɛ ba ɖɔ sɛ, “Nɛ Yesu nɛ gɛ yɛ kinyim Paolo aɖɔ Kpaya kibui, ɛtsre wɔ sɛ fla okoeyi.”

Axwɛwɛwa 8:36

Gɛ ba vɛ nɛ kidzo nɛa bha, ba ba tɔnɔ buni tuli klɛ anɔgbla nɛ asɛ, “Di, buni tuli nũ. Kide so pɛ ɛta yɛkɛ bunikpɛkpɛ?”

Romanɛ 16:20

Eti be dze ishuyuyɔ Kpaya nɛ aba yɛɛ Satana akpɛ wɔnɔ butsrukpɔesi. Apalete Yesu eshutukubui didi aza plɛnɔ nɔ.

Hebriuanɛ 2:14

Gɛ ishuidzya anɛ dzyosu alɛ bunuvɔɛ nahwɛ, yɛtsyɛ ayɛkɔ tili nɛ balɛ anɔdzyrame tɛdzidzi mɛ sɛ ganɔ yɛ butsi mɛ tɛ ezi agɛ yɛ vunɔ butsi kemi—gɛ enu Abɔnsam—

Hebriuanɛ 7:1

Mɛltsyizɛdɛk anyanɛ edzi ekusi nɛ Kpayazakɔanɔ nɛ kɔ Kpaya Ɖɛɖamadɛ nɛ Salɛm. Atsyanɔ Abraham gɛ edetẽ bekusi klɛ ayula yɛ,

Yakobo 2:19

Nɔ yɛkɛ ɔŋa sɛ Kpaya terikpo yɛ alɛ. Abɔ! Ɛfufɔɛkpã nɛ tsyɛ yɛkɛ ŋa na— klɛ lɛ shuku nɛ kifu.

2 Petro 2:4

Alasɛ onugɛ Kpaya adɛ yɛkɔ etsye yɛ baxwɛdɛ gɛ ba bhɛtɛ ebuikpã, pɔ asɛsɛ alɛ nɛ kifu mɛ, akpɛ alɛ buɖɛ nɛ otumu ozi mɛ tɛ ba be klu kebhui nɛ alɛ,

1 Yohanɛsɛ 3:8

Anɔ nɛ gɛ abhɛtɛ kibuizizi enu ɔfufɔɛkpã ayɛ, alasɛ ɔfufɔɛkpã nɛ lɔ bhɛtɛ kizizi denɔ kesikpɛkpɛ ke. Kibui nɛ so gɛ Kpaya yɛ Yi aba kɛlɛ nu sɛ tɛ ezi ɔfufɔɛkpã nɛ kɛxwɛwɛwa.

Yuɖa 1:6

Klɛ kpayaxwɛdɛ nɛ gɛ ba dɛ nyɛna balɛ kabhaŋɛŋa ɛzakɔ nɛm evunɔ pɔ pɛ ba shɛnahwɛ balɛ nahwɛ bapa nɛ shu—balɛlɛ nɛ evu akpɛ otumu mɛ, gɛ akpɛ buɖɛ gɛ ba za vɛnɔ xũii kɔ kebhuikuklu nɛ Kiwigbla nɛa bha.

Tɛbubukasɛ 12:12

Kɛlɛ so nɔ mɔ same, wɔnɔ iwũsise anɛ wɔnɔa gɛ ɔlɛ ɛlɛ mɛ! Pɔ butɔ kɔ kesukpa anɛ aƒu, alasɛ ɔfufɔɛkpã nɛ ɔti zhiɔba kesi nɛ wɔnɔ bha! Eyuku nɛ kanya, alasɛ enyi asɛ yɛ kibe nɛ daa dze.”