Marko 4:19 - ONUGBÙ NYƐNYÃ VUVƆ

¹⁹ pɔ kanɔa nɛ mɛ butɔ, ehoeyi anɔ wɛwɛɛ, nɛ kɛnɔmɛdɔ tɛpɛpɛ she da kibui nɛ balɛ mɛ, gɛ kɛ kɔ sɛ kibui nɛ dɛ yu.

Marko 4:19 Iomraidhean Croise

Mateo 13:22

Eyii nɛ gɛ adɔ ewi mɛ alɛ nu anɔ gɛ enu kibui, pɔ ɛkpã nɛ mɛ butɔ nɛ kɛnɔmɛdɔ anɔwuwɔɛ eshe ada yɛ so kibui nɛ dɛ yu eyuyu nɛ yɛ mɛ.

Mateo 19:23

Ɔkɛlɛ Yesu etsre yɛ badɔkpasɛ nɛ asɛ, “Itsre nɔ kɛgba sɛ, aba gɛganɛ kɔ ehoeyielete sɛ tɛ etsoku owũsise bukusiɔŋakɔ nɛ mɛ,

Mateo 3:10

Kawɛ nɛɛ ke tsri isigu nɛa bha kukuu ku, klɛ osi kanyaka gɛ ɔtɛ bo yu eyuyu dzyɔgo be be tẽ ɔlɛ ebho klɛ la ba yɛkɔ atɛ̃a kpɛ kifum.

Marko 4:18

Kana ke babhlatɔ tsyɛ teli ba sɔnɔ eyi nɛ gɛ awɔlɛ ku ewi nɛ mɛ, be nu kibui;

Luka 10:41

Apalete ebuilɛnu asɛ, “Mata, Mata, otsishu klɛ ɔkpɛ shu tɔ nɛ kɛdɔ bhɛbhɛtɛ gelee shu,

Luka 21:34

Nɔ di shuabha, odinuana wunɔ dzyi aba yɛ nɛ̀ butɔ, tɛbubuku, nɛ kifu sisi ɛkpã zɛza, klɛ kiwui lɛlɛ kɛba ba wɔabha nɛ matimati mɛ anasɛ kɛgbatɛtɔ.

Yohanɛsɛ 15:2

Ete ɔshɛ̃nyɔshɛ̃ nɛ mɛ mɛ gɛ lɔ dɛ yu nɛ ebu, nɛlɛmɛ lɛ gɛ yu akanɛ lɛ sɛ tɛ lɛ yu gelee.

Romanɛ 12:2

Nɔ tɔɔ yɛkɔ wɔnɔ shu nɛ ɔkpɛ kanɔ nɛ tɛzɛza mɛ ɔtsɔlɛ, pɔ no dzi banɔ gɛ otsyina ganɔ wɔnɔ atɔkpum vuvɔ bhɛbhɛtɛ. Kɛlɛmɛ nɔ bɔ na Kpaya tɛpɛpɛ nu fekedi pɛ nɔ bɔ trɔahwɛ yɛ tɛpɛpɛ nɛa bha—yɛ tɛpɛ̃pɛ, kɛku awɔ̃ klɛ kɛna.

Efesoanɛ 2:2

nɛ gɛ nɔ za kanɔ mɛ ebui nɛede klɛ agɛ aŋa bukusi nɛ kɛlɛmɛ, ɔfufɔɛ nɛ gɛ lɔ waɛxwɛ ɔtsɔ̃nɛ nɛ́ bagɛ ba ta ta tɔ nɛ mɛ.

Efesoanɛ 6:12

Alasɛ bulɔ tɛwuwlãkɛ nɛ ma ishuidzya anɛ dzyosu shu, pɔ bagɛ ba ŋɛabha, ɛshã, kanɔa nɛ mɛ otumu mɛ kemi anɛ ɛfufɔɛ tsutsɔmɔ bugɛganɛ nɛ owũsise kɛdɔ nɛ mɛ be.

Filipianɛ 4:6

Tɛ kɔ wɔnɔ idzyi ahwa nɛ kɛdɔnyɛdɔ shu, pɔ nɛ kibuinyɛbui mɛ, kpayakuklu anɛ tɛbibisi, anɛ ahwɛhuhu, kɔ wɔɛdɔ bibisi vɛ Kpaya kɔ.

1 Timotio 6:17

Bu otsre behoeyielete nɛ kanɔa nɛ mɛ sɛ ba tɛ za nɛ butɔm gɛganɛ pɛ ɔdɔgɔsɛ ba yɛkɔ kidzoenudidi atrɔ balɛ kɛnɔmɛdɔ nɛa bha, gɛ ɔtɛ bɔ na awɔ̃ lu nɛ kɛlɛa bha, pɔ ba yɛkɔ balɛ kidzoenudidi nɛ atrɔ Kpaya bha, yɛ akɔlɔ kɛdɔnyɛdɔ gelee kɔ bulɔ same mumɔ.

2 Timotio 4:10

alasɛ Dimasɛ, gɛ aɖɔ kanɔa nɛ mɛ so, eti tu alɔ mɛ klɛ ashɛ avɛ Tesalonika. Krɛsinsɛ atɛ shɛ avɛ Galatia, klɛ Titusɛ avɛ Dalmatia.

2 Petro 1:8

Alasɛ onugɛ ebuianɛ lalɛ wũnɔ ahwɛ nɛ alɛ tɛkpikpe mɛ, la ba nyɛna nɔ evunɔ sɛ no ti bo dzi banɔ gɛ nɔ tɛ bɔ za kibuinyɛbuim klɛ nɔ tɛ bɔ na kɛdɔnyɛdɔ bhɛtɛ nɛ wɔnɔ Apalete Yesu Kristo nɛ tɛtiti mɛ.

Yuɖa 1:12

Banɔa nɛ be nu kibo nɛ wɔ anɔɛbui dɛdɛmɛ kɛdɔŋakɔ, ba ŋa kɛdɔ nɛ wɔ nɛ kibui bhli kanyaka mamɔ mamɔ—baga agbɛgbanɔ gɛ ba nyunɔ balɛ shu tite. Be nu ɛmunɔ gɛ tɛ dɔ subha, gɛ kɛlɛɛ fu flanɔ; ɛkɔpɔɛfube besi, gɛ eyuyu ama ɛlɛm, klɛ la kpa ɛlɛ nɛ igu—lɛ tsi etsi tabha.