Marko 4:17 - ONUGBÙ NYƐNYÃ VUVƆ

¹⁷ Pɔ gɛ igu dɛ za alɛ so la dɛ za nɛ ɛkpã dzidze. Kibe lɛ gɛ butɔ ɔdɔgɔsɛ tɛkpɛkpatɔnɔ ba nɛ kibui nɛ shu ko ba wɔlɛ kplitaa.

Marko 4:17 Iomraidhean Croise

Mateo 11:6

Ba yula aanɔ nɛ gɛ ataa wɔlɛ ekoeyi akpɛ mɛ so.”

Mateo 12:31

Klɛ so itsre nɔ, buzizi kanyaka anɛ kibusobui kanyaka ba ba yɛkɔɛ kɛlɛ etsye anɔ, pɔ buzizi kanyaka nɛ Ɔfufɔɛ nɛ shu ba tɛ ba yɛkɔ etsye.

Mateo 13:21

Pɔ gɛ kibui nɛ dɛ kpɛ igu nɛ yɛ mɛ so adɛ nyɛna kibui nɛm dzroɖoɖo. So onu gɛ bunuhu ɔdɔgɔsɛ tɛkpɛkpatɔnɔ tili nya ba nɛ kibui nɛ shu ko awɔlɛ ekoeyi.

Marko 4:16

Babhlatɔ, gɛ dzi ansɛ eyi gɛ ba hwɛ atrɔ ɔklɛ gɛ aklagbu alɛ, be nu kibui, klɛ la gbla yɛkɛɛ lɛ nɛ same.

Marko 4:18

Kana ke babhlatɔ tsyɛ teli ba sɔnɔ eyi nɛ gɛ awɔlɛ ku ewi nɛ mɛ, be nu kibui;

Luka 12:10

Klɛ anɔnyanɔ gɛ aɖɔ kibui zizi nɛ Anɔdzyrame Eyi nɛ shu ba ba yɛkɔ etsye yɛ, pɔ anɔ nɛ gɛ aɖɔ kibui zizi nɛ Ɔfufɔɛ Dzyɔgo nɛ shu ba tɛ ba yɛkɔ etsyɛ yɛ.

Yohanɛsɛ 8:31

Kɔ Yuɖanɛ gɛ ba yɛkɛ yɛabhaŋa, Yesu aɖɔ sɛ, “Onugɛ nɔ nyɛna mɛ kɛdɛkɛkasɛ nɛ mɛ ovunɔ, no nu mɛ badɔkpasɛ kɛgbɛagba.

Galatianɛ 6:12

Bagɛ ba pɛɛ asɛ tɛ beku awɔ̃ nɛ kede bui mɛ ba la wlãnkɛ sɛ tɛ be bhui bunyɛnyɛ kɔ nɔ. Kɛ dɔ tirikpo shu so gɛ babhɛtɛ lɛ kɛlɛ nu sɛ ba dɛ pɛɛ sɛ tɛ ba kpatɔnɔ alɛ nɛ Kristo yɛ butsiosi nɛ shu.

2 Timotio 1:15

Onyi sɛ anɔnyanɔ nɛ Asia kɛdɔ nɛ mɛ na tɛ shɛ alɔ mɛ, ɔyɛkɔ plɛnɔ Fidzyelusɛ anɛ Hɛmodzyenesɛ.

2 Timotio 4:10

alasɛ Dimasɛ, gɛ aɖɔ kanɔa nɛ mɛ so, eti tu alɔ mɛ klɛ ashɛ avɛ Tesalonika. Krɛsinsɛ atɛ shɛ avɛ Galatia, klɛ Titusɛ avɛ Dalmatia.

2 Timotio 4:16

Nɛ mɛ tɛwɛwlãnkɛ tutɔpu nɛ mɛ, anɔnyanɔ adɛ ba plɛnɔ mɛ, pɔ anɔnyanɔ ashɛ alɔ mɛ. Ba tɛ nyɛna kɛlɛ evunɔ kɔa lɛ.

Hebriuanɛ 10:29

Kɛlɛ lɛ nu anɔ teli etiti ɔtsɛrɛ nɛ Kpaya yɛ Yi abha, gɛ amɔ onugbunyɛnya dzyosu gɛ lɔ plu yɛ shu anasɛ kɛdɔ gɛ kɛlɛ shu dɛbhui, gɛ akula ɛyɛmɛyuyɔ anɔ Ɔfufɔɛ kideso gɛ bata tɛta yɛ batɔ gɛganɛ?

1 Yohanɛsɛ 2:19

Ba shɛ nɛ bulɔɛ shi, pɔ ba dɛ nu bulɔ banɔ kɛgbɛagba. Alasɛ onugɛ benu bulɔ banɔ ba ta wɔ bulɔ bha, pɔ balɛ tɛ shɛshɛ̃ nɛ kasɛ sɛ balɛ akanyaka edi nu bulɔ ayɛ.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.