Marko 4:15 - ONUGBÙ NYƐNYÃ VUVƆ

¹⁵ Banɔ teli ba sɔnɔ eyi nɛ gɛ adɔ kɛdzyo nɛ mɛ, nɛ ɔklɛ gɛ ba hwɛ Kpaya bui. Balɛ gɛ benye nu kibui nɛ ko, Satana aba nyɛna kibui nɛ gɛ ba ɖa nɛ akpɛ ebu nɛ balɛ mɛ.

Marko 4:15 Iomraidhean Croise

Mateo 13:19

Kibe lɛ gɛ anɔ teli enu bukusiɔŋakɔ kibui pɛ edi nu klɛe si, ɔfufɔɛkpã nɛ ɔbɔ ba ɔbɔ bhɛ kɛ gɛ ba tɛ ɖa kpɛ idzyi nɛ mɛ nɛ obu. Kɛlɛ nu eyii nɛ gɛ awɔlɛ adɔ kidzo nɛ shu.

Mateo 22:5

“Pɔ ba dɛ yɛkɔ nɛ kɛlɛ mɛ klɛ ba shɛ, teli ashɛ̃ avɛ yɛ ayakpam, klɛ teli tsyɛ ashɛ̃ avɛ yɛ axwɛ mɛ.

Mateo 4:10

Yesu etsre yɛ asɛ, “Tsuɔvɛ nɛ mɛ ɔbha, Satana! Alasɛ kɛ ŋlɔmɛ li sɛ, ‘Kpɛ kɛtɔkpuesi kɔ Apalete wɔ Kpaya, tɛ ɔdɛ yɛ tite koe xwɛ.’ ”

Marko 4:14

Ayadɛ nɛɛ, Kpayɛbui nɛa hwɛ.

Marko 4:16

Babhlatɔ, gɛ dzi ansɛ eyi gɛ ba hwɛ atrɔ ɔklɛ gɛ aklagbu alɛ, be nu kibui, klɛ la gbla yɛkɛɛ lɛ nɛ same.

Marko 4:4

Gɛ ahwɛ kɛdɔ nɛɛ, eyi teli awɔlɛ adɔ kɛdzo nɛ mɛ, klɛ buzhuɔɛ ba tɔkɛ alɛ amunɔ.

Luka 8:12

Agɛ la lɛ kidzo nɛ mɛ ale nu banɔ bagɛ be nu ebui, klɛ ɔfufɔɛ tsutsɔmɔ nɛ ebe bu kibui nɛ balɛ idzyi nɛ mɛ, sɛ tɛ batɛ yɛkɛaŋa tɛ ba ba mɔ ɛkpã.

Axwɛwɛwa 17:32

Gɛ be nu tɛlɛlɔ denɔ butsi mɛ bui nɛɛ, balɛ beteli amuɔɛ, pɔ beteli asɛ, “Bu pɛ sɛ tɛ bu fla nu kibui nɛ mɛ denɔ wɔ kɔ nɛ klɛ de mɛ.”

Axwɛwɛwa 5:3

Ɔklɛ Petro asɛ, “Ananiasɛ, kɛlɛɛ lɛ za pɛ abosam ayɛkɛ wɔ idzyim ana pɛ kɛlɛ sɛ tɛ ohu otro tsre Ɔfufɔɛ Dzyɔgo pɛ ɔyɛkɔ ehoeyi nɛ gɛ ɔdɛ kesukpa nɛ teli ɔbala kɔ ishu?

2 Kɔrintioanɛ 2:11

sɛ tɛ Satana atɛ ba ŋa bulɔ abha. Alasɛ bu nyi yɛ bushɛwuwa.

2 Tɛsolonianɛ 2:9

Agɛ ama ɔshã kanyaka mɛ nɛ tɛbɛba nɛ ba za nɛ Satana kɛxwɛwɛwa nɛ nu gɛ be bu akasɛ ganɔ itro ebui nɛ petee gɛ abhɛtɛ bi nɛ mɛ,

Hebriuanɛ 12:16

No di klɛ ɔkɔ sɛ anɔnyanɔ atɛ bhɛtɛ azhuzhɔlɛbui, ɔdɔgɔsɛ ansɛ Esao gɛ eti nyi Kpaya, yɛ gɛ nɛ kɛŋɛŋa tirikpo shu so pɛ adɛ yɛ ɔŋakɔ ansɛ eyianyɛ shishe ana.

Hebriuanɛ 2:1

Alasɛ tɛ buza awɔ̃zɛza abha mɔmɔ, kɔ ebui nɛ gɛ bunu, sɛ tɛ batɛ bege lɔ ashɛnɔ.

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.

Tɛbubukasɛ 20:7

Onu gɛ agɔ akpà zɛzɛ nɛ aafla, Be be bu Satana nɛ yɛ buvu