Marko 2:5 - ONUGBÙ NYƐNYÃ VUVƆ

⁵ Amɔ balɛ tɛyɛyɛkɛŋa, so aɖɔ etsre anyɛnya nɛ asɛ, “Meyi ba yɛkɔ wɔ buzizi nɛ etsye wɔ.”

Marko 2:5 Iomraidhean Croise

Mateo 9:2

Banɔ teli be tuku anɔgbɛgba nɛ oputsoa bha ebe lu. Gɛ Yesu amɔ bagɛ ba mɛna anɔ nɛ tɛyɛyɛkɛŋa, etsre anɔgbɛgba nɛ asɛ, “Kpɛɛ te, meyi; ba yɛkɔ wɔ buzizi nɛ etsye wɔ.”

Mateo 9:22

Yesu etsyina edi adzɛ. Klɛ aɖɔ asɛ, “Kpɛɛ te, eyiadzɛ,” “wɔ tɛyɛyɛkɛŋa nɛ tɛ beke wɔ bunya.” Klɛ adzɛ nɛ bunya nɛ gbla beke kɔ yɛ denɔ ɔɖɔ lɛ nɛ mɛ.

Mateo 9:5

Kiɖue gɛ lɛ bubɔɛbɔɛ dɛ: sɛ tɛ baɖɔ asɛ, ‘Ba yɛkɔ wɔ buzizi nɛ etsye wɔ,’ pɛnɔɔ sɛ tɛ baɖɔ asɛ, ‘Lɔ tɛ ɔga’?

Marko 2:6

Kibe lɛlɛ nɛ mɛ, ɛshãdɔkasɛ teli baza kesi nɛ ɔklɛ, ba zaa nyɔ kibui nɛ mɛ edi nɛ ɔhaglɔ asɛ,

Marko 5:34

Yesu etsre yɛ asɛ, “Adzɛ wɔ tɛyɛyɛkɛŋa nɛ tɛ beke wɔ bunya. Gavɛ nɛ ishu yuyɔ mɛ tɛ ɔmɔ ɔhwɛ denɔ wɔ butɔ nɛ mɛ.”

Luka 5:20

Gɛ Yesu amɔ balɛ tɛyɛyɛkɛŋa, aɖɔ sɛ, “Ɔbhɛa, bayɛkɔ wɔ ebuizizi nɛ etsye wɔ.”

Luka 8:48

Kɛlɛ Yesu etsre adzɛ nɛ asɛ, “Eyiadzɛ, wɔ tɛyɛyɛkɛŋa nɛ kɔ wɔ shu bhui. Vɛ nɛ ishu yuyɔɛ mɛ.”

Yohanɛsɛ 2:25

Adɛ pɛɛ kibui mumɔɖɔ denɔ anɔ shu, alasɛ enyi kɛdɔnɔ gɛ kɛlɛ anɔ mɛ.

Yohanɛsɛ 5:14

Nɛ kɛlɛede Yesu amɔ yɛ nɛ busɔlɛvu nɛ mɛ, klɛ etsre yɛ asɛ, “Di, wɔ shui mɛ zɛ gɛganɛ. Yɛlɔ ebui zizi bhɛtɛ odinuana kizizidɛ ba ba wɔ abha.”

Axwɛwɛwa 11:23

Gɛ ede ku ɔkɛlɛ amɔ Kpaya ɛyamyuyɔ nɛ kɛdɔbhɛbhɛtɛ nɛ ɔkɛlɛ, klɛ so amɔ same klɛ akpɛa lɛ petee bugɛganɛ sɛ ba za kɛgbam nɛ Apalete anɛ balɛ idzyi petee.

Axwɛwɛwa 14:9

Anyɛ nɛ ataa tɔ nɛ kibui nɛ gɛ Paolo aaɖɔ. Paolo evu awɔ̃hũ nɛ yɛ, klɛ amɔ sɛ kabhaŋɛŋa kalɛ kɛkpata nɛ ahwɛ sɛ tɛ be beke yɛ bunya

Axwɛwɛwa 5:31

Kpaya eti bu yɛ ede dzu yɛ kɛŋam ansɛ Ekusieyi anɛ Ayɛyɛkɛkɔanɔ gɛ aba kɔ kitem tsyitsyina anɛ buzizi tɛyɛyɛkɔ tsye Izraɛlanɛ.

1 Kɔrintioanɛ 11:30

Kɛlɛso gɛ wunɔ banɔ gelee nɔ botso klɛ nɔ nya, klɛ wunɔ banɔ tekɛkla teli no tsi.

2 Kɔrintioanɛ 2:10

Onugɛ nɔ yɛkɔ kibui otsye anɔteli, mɛ tsyɛ ɛyɛkɔ tsye yɛ. Klɛ kɛgɛ ɛyɛkɔ tsye—onugɛ kɛdɔ tili za sɛ ba yɛkɔ tsye—ɛyɛkɔ tsye nɛ Kristo amɛ anɛ́ wunɔɛ tɔkpu,

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

Koloseanɛ 3:13

Nɔ bhɛtɛ terikpo nɛ aglɔ klɛ nɔ yɛkɔ tsye kibuinyɛbui di gɛ kɛba za wɔ ahwɛ nɛ ɔhaglɔ. Yɛkɔ tsye anasɛ gɛ Apalete nɛ ayɛkɔ etsye nɔ.

Yakobo 5:15

Klɛ kpayakuklu nɛ gɛ ede tɛyɛyɛkɛŋam nɛ aba bhɛtɛ anyɛnya nɛ bunya lu ba beke, Apalete nɛ ebe feke yɛ ewunɔ. Onu gɛ kɛlɛ sɛ abhɛtɛ buzizi, ba ba yɛkɔ etsye yɛ.