Marko 2:2 - ONUGBÙ NYƐNYÃ VUVƆ

² So, banɔ gelee be xogo nɛ yɛ ɔbha, ɔzakɔ ɔdɔ za, ɔyɛkɔ obo yinɔ kedunu nɛ ɔtɔ nɛ petee, klɛ aɖɔ Kpayabui nɛ etsre alɛ.

Marko 2:2 Iomraidhean Croise

Mateo 5:2

klɛ etenɔ balɛ kɛdɔ kasɛ pɛ aɖɔ sɛ,

Marko 1:14

Gɛ be vu Yohanɛsɛ akpɛ buvu, Yesu ashɛ̃ avɛ Galelia, adaa ɖɔ Kpaya kibui dzyɔgo.

Marko 1:33

Ɔma nɛ petee bexogo nɛ bupa nɛ kedunu,

Marko 1:37

klɛ gɛ ba mɔ yɛ ba kpɛ ogugu aɖɔ asɛ, “Anɔnyanɔ edzi apɛ wɔ!”

Marko 1:45

Nɛ kɛlɛ maza lɛ mɛ ekoeyi avɛ ada ɖɔɛ bui nɛ akana wee. Nɛ kɛlɛ mɛ, Yesu ada da na ɔma mɛ tsoku awɔɛ̃, pɔ ekoeyi ada za ɛzakɔ gɛ anɔ ama. Tsyɛ banɔ be de ɔkɔnyɔkɔ atɔnɔ yɛ aba.

Marko 2:1

Ewui bhli telie de, gɛ Yesu eze be ku Kapenaumɛ, banɔ nɛ nu yɛ dɔ sɛ aba kepi.

Marko 2:13

Yesu aza ba vɛ kɛvɔ nɛ tɔ. Banɔ gelee aza ba ebe xogo nɛ yɛ ɔbha, klɛ akpa balɛ kɛdɔ kasɛ.

Marko 6:34

Kibe lɛ nɛ gɛ Yesu ede ku pɛ amɔ banɔɛza nɛ piim, eshutukubui eku yɛ nɛ balɛ, alasɛ baza kɔ yɛ anasɛ ibhoshi gɛ agbɛgbanɔ ama kɔ ɛlɛ. So etenɔ balɛ kɛdɔ edidedi kasɛ.

Luka 12:1

Nɛlɛbe, gɛ banɔɛza anasɛ akpã bexogo, so ba ga aglɔ abha, Yesu akpɛ kaɖɔɖuɖɔ oputɔnɔ kɔ yɛ badɔkpasɛ sɛ: “No di shuabha mɔmɔ nɛ Farisianɛ nɛ gɛ be bunɛyekedɔ, gɛ kinu otroebui bhɛbhɛtɛ shu.

Luka 5:17

Kiwui tirikpo gɛ Yesu akasɛ dɔ, Farisianɛ anɛ ɛshãdɔkasɛ, gɛ be de bakɔxoe kanyaka mɛ nɛ Galelia, Yuɖea anɛ Yerusalem, ba zaesi nɛ ɔkɛlɛ. Klɛ Apalete nɛ kemi aza kɔ yɛ sɛ tɛ ebu bunya nɛ banyɛnya nɛ shui mɛ.

Luka 8:1

Kɛnɛ nɛede, Yesu agɛdzo anyɔ denɔ ɔma gbɛgbla anɛ ɔma bhliyi torikpoɛ mɛ ɔvɛnɔ ɛbhlatɔɛ, aɖɔ kibui dzyɔgo denɔ Kpaya bukusi shu. Banɔ lɔfɔnɛtɛabha nɛ aza yɛ ɔbha,

Luka 8:11

“Kɛkpalɛ nɛesi kɛlɛ nu sɛ: Eyi alɛ nu Kpaya bui.

Axwɛwɛwa 11:19

Ɔtsɔ̃ nɛɛ bagɛ balɛ mɛ lakpɛ ozi nɛ Stefano tɛkpɛkpa tɔnɔ nɛ mɛ na ga kidzo avɛ ede ku Foenisia, Siprɔsɛ anɛ Antiɔkɛ, klɛ ba ɖɔ kibui nɛ etsre Yuɖa nɛ nɛ ko.

Axwɛwɛwa 14:25

klɛ gɛ ba ɖɔ kibui nɛ Pɛga, ba vɛ ede zhieku Attalia.

Axwɛwɛwa 16:6

Paolo anɛ yɛshopoalɛ na nyɔa ganɔ Frigia anɛ Galatia kɛdɔ nɛm pete, gɛ Ɔfufɔɛ Dzyɔgo nɛ ɔdɛ kɔa lɛ kidzo sɛ baɖɔ kibui nɛ Eshia kɛdɔ nɛm.

Axwɛwɛwa 8:25

Kibe lɛ nɛ gɛ ba mɔaɖɔ pɛ be bu Apalete nɛ bui na ɖɔ, Petro anɛ Yohanɛsɛ be tsodzi avɛ Yerusalɛm, klɛ baa ɖɔ kibui dzyɔgo nɛ Samarianɛ ɛmabhli nɛ mɛ.

Romanɛ 10:8

Pɔ kide kibui nɛ ɖɔ? “Kibui nɛ tsobunɔ wɔ, kɛ kpasɛ wɔ onugbu nɛm anɛ wɔ idzyi nɛm,” kɛlɛ nu, tɛyɛyɛkɛŋa kibui nɛ gɛ buu bu ɖɔ sɛ:

2 Timotio 4:2

Ɖɔ Kibui; bala kɔ ebe nɛ gɛ aba nɛ ebe nɛ mɛ tɛ kukuei; dzyɔanɔ, tsrenɛ anɔ tɛ ɔkpɛ anɔ kemi—nɛ tɛdudɔfɔ̃ piim anɛ awɔ̃lulu nɛ kɛdɔkɛkasɛ mɛ.