Marko 16:16 - ONUGBÙ NYƐNYÃ VUVƆ

¹⁶ Anɔnyanɔ gɛ ayɛkɛ aŋa pɛ nɔɔ kpɛ buni ɔkɔ yɛ nɛ ebe dzi anɔ gɛ be bu, pɔ anɔnyanɔ gɛ adɛ yɛkɛ aŋa be be bu yɛ butsipɔ.

Marko 16:16 Iomraidhean Croise

Mateo 28:19

Kɛlɛ so, nɔ vɛ tɛ nɔ dɔ bhɛtɛ amadi nɛ petee tɛ le dzi badɔkpasɛ, tɛ nɔ kpɛ buni kɔ banɔ nɛ Aka anɛ Eyi nɛ nyi mɛ anɛ Ɔfufɔɛ dzyɔgo,

Marko 1:15

Aɖɔ asɛ, “Kibe nɛ tɛ na,” “Kpaya bukusi nɛ tɛ tso bunɔ lɔ. So no tsyina kitem tɛ nɔ yɛkɛ kibui dzyɔgo nɛa bha ɔŋa!”

Luka 8:12

Agɛ la lɛ kidzo nɛ mɛ ale nu banɔ bagɛ be nu ebui, klɛ ɔfufɔɛ tsutsɔmɔ nɛ ebe bu kibui nɛ balɛ idzyi nɛ mɛ, sɛ tɛ batɛ yɛkɛaŋa tɛ ba ba mɔ ɛkpã.

Yohanɛsɛ 20:31

Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Yohanɛsɛ 3:5

Yesu ebui lɛ nu asɛ, “Itsre wɔ kɛgbɛagba sɛ, anɔnyanɔ atɛ be tsoku Kpaya bukusiɔŋakɔ odɛ nu sɛ be ditsodzi yɛ amɔ nɛ́ buni nɛ̀ Ɔfufɔɛ.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Yohanɛsɛ 6:29

Yesu etsre alɛ asɛ, “Kpayɛa xwɛ kɛlɛ nu sɛ, tɛ nɔ yɛkɛ anɔ nɛ gɛ akpɛ nɛabha ŋa.”

Yohanɛsɛ 6:35

Kɛlɛ Yesu ebu etsre alɛ asɛ, “Mɛ nu ɛkpã gbɛ̃gbɛvu. Anɔ nɛ gɛ aba mɛ ɔkɔ bubhɛ tɛ ba yi yɛ, klɛ anɔ nɛ gɛ ayɛkɛ nɛabha ŋa oniwɛ tɛ bɔ tɛ yɛ.

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

Yohanɛsɛ 8:24

Itsre nɔ sɛ nɔ bɔ tsi nɛ wunɔ ebuizizi mɛ, onugɛ nɔ dɛ yɛkɛŋa sɛ ɛnu agɛ ɛɖɔ sɛ ɛnu, nɔ bɔ tsi gbɛagba nɛ wunɔ ebuizizi mɛ.”

Axwɛwɛwa 10:43

Batɔnu nɛ petee aɖɔ edenɔ yɛ shu sɛ anɔnyanɔ gɛ anya yɛkɛ yɛa bha aŋa ko amɔ buzizi tɛyɛyɛkɔ tsye ganɔ yɛ kinyim.”

Axwɛwɛwa 13:39

Ganɔ yɛa bha nɛ anɔnyanɔ gɛ ayɛkɛ aŋa nɛɛ ba bhɛtɛ yɛ ana ganɔ kidzonyɛdzoa bha gɛ nɔ tɔ na nɛ Mose ɔshã nɛ nu flogo.

Axwɛwɛwa 13:46

Ɔkɛlɛ Paolo anɛ Banabasɛ ebu etsrea lɛ nɛ kifu masimasim asɛ: “Alasɛ tɛ bu ɖɔ Kpaya kibui nɛ tsre nɔ putɔnɔ. Gɛ no ti gbe lɛ klɛ nɔ dɛ mɔ nɔ shu sɛ nɔ na kɔ ɛkpã mabeke mabeke nɛɛ, ɔtsɔ̃ nɛɛ bu tsyina tɔ bagɛ edi nu Yuɖanɛ.

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Axwɛwɛwa 2:41

Banɔ nɛ gɛ ba yɛkɛ kibui ba kpɛ buni akɔa lɛ, klɛ banɔ ansɛ akpãtata balɛ la za yɛkɔ ata tɛkpikpe nɛm kiwi lɛlɛ.

Axwɛwɛwa 22:16

Klɛ ɔtsɔ̃ nɛɛ kide oko dzi opo? Vu lɔ, tɛ ɔyɛkɛ bunikpɛkpɛ tɛ oplu wɔ buzizi nɛ ɔtɛ̃ɛ, ganɔ yɛ kinyi kuklu mɛ.’

Romanɛ 3:6

Ganɛ kana kɛ lɛ! Onu gɛ kana kɛɛ lɛ, kɛlɛ Kpaya eze be kuluebhui nɛ kanɔ?

Romanɛ 4:24

pɔ kɔ bulɔ tsyɛ, kɔ bagɛ Kpaya aba kɔ tɛnɛna nɛ tsyɛ— kɔ bulɔa gɛ bu yɛkɛ yɛa bha ŋa gɛ bu feke Yesu bulɔ Apalete nɛ ebu denɔ bekpu mɛ.

2 Tɛsolonianɛ 1:8

Aba tɛta butɔ akɔ bagɛ eti nyi Kpaya pɛ ba taa tatɔ nɛ bulɔ Apalete Yesu kibuidzyɔgo.

2 Tɛsolonianɛ 2:12

klɛ so sɛ tɛ be bu bagɛ ba dɛ yɛkɛ kɛgba nɛa bha ŋa nɛ petee pɔ, gɛ ba mɔ same nɛ kɛtɔkpum gɛganɛ shu.

1 Petro 1:21

Ganɔ yɛabha nɔ yɛ kɛ Kpaya abhaŋa, agɛ anyɛmɛ yɛ edenɔ bekpui mɛ klɛ akpɛ yɛ nyi nɛabha klɛ so wũnɔ tɛyɛyɛkɛŋa nɛ yɛ kidzo abha didi lɛ Kpaya mɛ.

1 Petro 3:21

klɛ buni nɛ bu ba dzi bunikpɛkpɛ gɛ ɔtsɔnɛ bubhui nɔ tsyɛ ɔyɛkɛ—ganɛ kibo bubu nɛ ishuidzya shu pɔ tɛtɛtrɔ ɛkpã dzyɔgo zɛza kɔ Kpaya. Kɛ yɛkɛ kɔ nɔ ganɔ Yesu Kristo yɛ tɛnyɛnyɛmɛ denɔ bekpuimɛ,

Tɛbubukasɛ 20:15

Onu gɛ ba dɛ mɔ anɔ teli kinyi nɛ ɛkpã keplukpa nɛ mɛ, ba ba yɛkɔ yɛ atɛ̃ akpɛ kifuivɔ nɛ mɛ.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”