Marko 15:21 - ONUGBÙ NYƐNYÃ VUVƆ

²¹ Anyɛ teli gɛ ede Sirene, Simɔnɛ, gɛ enu Alɛksanda anɛ Rufusɛ alɛ aka, abaa fla denɔ yɛ dzogɛga bha ebe tsoku ɔma nɛ mɛ, klɛ banɔ nɛ ba trɔ yɛa bha sɛ ayɛkɛ butsiosi nɛ etuku.

Marko 15:21 Iomraidhean Croise

Mateo 27:32

Gɛ ba vɛ yɛ ɔkplasɔ kɔ, ba tsyanɔ anyɛ teli gɛ ede Sirene, gɛ be kulu asɛ Simɔnɛ nɛ kidzo nɛ mɛ, klɛ ba trɔ anyɛ nɛa bha sɛ tɛ ayɛkɛ butsiosi nɛ etuku akɔ yɛ.

Mateo 5:41

Anɔ teli atrɔ wɔa bha sɛ ɔgbanɛ yɛ kidzo kekplo tierikpo, ga bukplo tɔbha nɛ yɛ.

Marko 15:20

Klɛ gɛ ba kpɛ yɛ butsɔ nɛ beke, be bu awi dzɛdzã nɛ yɛ shu, klɛ ba yɛkɔ yɛnahwɛ bawi nɛ akpɛ kɔ yɛ. Ɔkɛlɛ ba gbanɔ yɛ ebueyinɔ sɛ tɛ ba da kplasɔ.

Luka 14:27

Klɛ anɔnyanɔ gɛ edi tuku yɛ butsiosi klɛ atɔnɛ mɛ atɛ bana mɛ adɔkpasɛ dzi.

Luka 23:26

Gɛ ba gbanɛ yɛ ashɛ̃nɔ, be vu Simɔn gɛ ede Sirene, gɛ ede kɔxɔemɛ avɛ ɔma nɛ mɛ, klɛ ba yekɔ butsiosi nɛ atrɔ yɛ klɛ ba kɔ yɛ etuku ɔlɛ gɛ aza Yesu kede.

Yohanɛsɛ 19:17

Etuku yɛ nahwɛ butsiosi, ekoeyi avɛ Atɔkpuaxwa ɔzakɔ (gɛ beklu nɛ Aramaikɛ bunuhu mɛ asɛ Golgata).

Axwɛwɛwa 11:20

Pɔ nɛ banɔ nɛ teli gɛ bede Siprɔsɛ Sirene, na shɛ vɛ Antiɔk klɛ bada kpa kaɖɔ ɖɔ tsre Grikianɛ nɛ tsyɛ, edenɔ Apalete Yesu kibui dzyɔgo nɛ shu.

Axwɛwɛwa 13:1

Nɛ Antiɔkɛ busɔlɛ mɛha nɛ mɛ batɔnu anɛ badɔkasɛ aza: Banabasɛ, Simeɔnɛ gɛ be klua yɛ sɛ Anɔtutu, Lusiusɛ gɛ ede Sirene, nɛ Manaɛn (edzi anɔ gɛ be he aplɛnɔ Heroɖesɛ gɛ edzi ekusi) nɛ Saolo.

Axwɛwɛwa 2:10

Frigia anɛ Pamfilia, Egibte anɛ Libia bupɛ nɛm gɛ ebunɔ Sirene ɔbha, befu nɛ gɛ ede Roma

Axwɛwɛwa 6:9

Kititi lulɔ ba ba, pɔ, denɔ banɔ nɛ gɛ be nu ishuahwɛ zɛzanɔ oxogokɔvu nɛm ɔkɔ (ansɛ gɛ beklua lɛ) Yuɖanɛ ge de Sirene anɛ Alɛksandrɛa ɔkɔ plɛnɔ Silisia anɛ Asia amadi nɛm. Banɔa na ba kpa ebui wɛlãkɛ nɛ Stefano,

Romanɛ 16:13

Ɛsɛnɔ Rufusɛ, gɛ be bu denɔ Apalete nɛ mɛ, anɛ yɛeni, gɛ edzi eni kɔmɛ, tsyɛ.