Biblia Todo Logo
Bìoball air-loidhne

- Sanasan -




Marko 13:26 - ONUGBÙ NYƐNYÃ VUVƆ

26 “Nɛ kibee lɛ nɛ mɛ banɔ aba mɔ Anɔdzyrame yɛ Eyi nɛ gɛ aaba denɔ ɔmunɔ nɛ mɛ nɛ kemi gɛganɛɛ nɛ same mɛ.

Faic an caibideil Dèan lethbhreac




Marko 13:26
15 Iomraidhean Croise  

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.


Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.


Itsre nɔ kɛgba, banɔ teli gɛ be lii titi nɛ ɔkɛ̃ be ti be mini butsi flogo pɛ ba ba mɔ Anɔdzyrame yɛ Eyi nɛ aaba nɛ yɛ bukusi mɛ.”


“Nɛ kibe lɛ nɛ mɛ Anɔdzyrame yɛ Eyi nɛ kɛdɔmumɔ nɛ ba wɛ̃ nɛ owũsise, klɛ amadi petee nɛ kesukpa nɛa bha na be tsishu. Ba ba mɔ Anɔdzyrame yɛ Eyi nɛ ɔmunɔ nɛ mɛ gɛ ede owũsise nɛ aaba, nɛ kemi anɛ ishubhubhui gbɛgbla mɛ.


“Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.


Yesu ebui lɛ bunu asɛ, “Mɛnu Kristo.” “Klɛ nɔ bɔ mɔ Anɔdzyrame yɛ Eyi nɛ gɛ ezhiedzi Agbɛgbladɛ nɛ kɛŋam gɛ aaba denɔ ɔmunɔ nɛ mɛ nɛ owũsise.”


Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”


Klɛ etsre balɛ asɛ, “Itsre nɔ sɛ kɛgba lɛ nu sɛ, banɔ teli gɛ beli kititi nɛ ɔkɛ̃ nɛ batɛ ba mɔ butsi flogo pɛ Kpaya Bukusiɔzakɔ nɛ ɔbɔ ba nɛ kemi.”


Nɛ kibelɛlɛ nɛ mɛ ba ba mɔ Anɔdzyrame Yi gɛ àba nɛ ɔmunɔ nɛ mɛ, nɛ́ kemi nɛ̀ ishudɛdanɛ gbɛgbla mɛ.


Banɔ nɛ asɛ, “Galelianɛ mɔ, kide no li kititi nɛ ɔkɛŋ pɛ no zoo di kɛlɛm ana? Yesua nɛ gɛ ba yɛkɔ ashɛ̃nɔ avɛnɔ owũsise nɛ wɔnɔ ɔbha, ebe tsodzi aba ansɛ kana gɛ nɔ mɔ yɛ gɛ ashɛ̃ avɛ owũsise.”


Alasɛ Apalete nɛ nahwɛ ebe zhi ede owũsise aba, nɛ tɛxũxlɔ̃nɔ gɛganɛ, nɛ axwɛdɛgbla ogugu anɛ Kpaya kɛdɔkuklua xũlɛ̃, klɛ bagɛ be tsi nɛ Kristo mɛ be be bhuso lɔ.


Bu dɛ za ebuifɛfatɛ ede kibelɛlɛ gɛ bu tsre nɔ denɔ kemi anɛ̀ bulɔ Apalete Yesu Kristo yɛ tɛbɛba, pɔ bu dzi ebuimɔɖɔ kɔ yɛ tɛgbɛgbla.


Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.


Lean sinn:

Sanasan


Sanasan