Marko 13:11 - ONUGBÙ NYƐNYÃ VUVƆ

¹¹ Kibe nɔɔ nɛ gɛ be vu wɔnɔ avɛnɔ kebhui nɛ, nɔ tɛ ganɛ awɔ̃ oputɔnɔ nɛ kibui nɔɔ nɛ gɛ nɔ bɔ ɖɔ. Nɔ ɖɔ kibui nɔɔ nɛ gɛ ba kpɛ wɔnɔ nu nɛ kibee lɛ nɛ mɛ, alasɛ ganɛ wɔnɔ ɖɔ kaɖɔ, Ɔfufɔɛ Dzyɔgo ɔlɛ ɔɖɔ.

Marko 13:11 Iomraidhean Croise

Mateo 10:17

“Nɔ lu awɔ̃ nɛ banɔdzyrame, be be vu nɔ ayɛkɔ akpɛ ahwɛ kɔ bamani klɛ ba ba mɛna nɔɛ dɔ nɛ balɛ ixogokɔevu nɛ mɛ.

Marko 13:12

“Adzya aba yɛkɔ yɛadzya akpɛ ahwɛ kɔ butsi, klɛ aka aba yɛkɔ yɛ eyi akpɛ ahwɛ. Beyi baba lɔ kititi nɛ balɛ eni nɛ aka shu, klɛ la ba kɔ sɛ be yi balɛ.

Marko 13:9

“No di wɔnɔ shua bha. Baa yɛkɔ wɔnɔ akpɛ ahwɛ kɔ bamani klɛ le be tu wɔnɔ nɛ ixogokɔvu nɛm. Mɛ so, nɔ bɔ wɛ̃ nɛ bekusi anɛ ɛshãletegbla nɛ amɛ, klɛ no bo dzi ansɛ bebuimɔɖɔ kɔ balɛ.

Luka 21:12

“Pɔ flogo gɛ anɛ nɛ petee aba ba, ba be vu nɔ klɛ ba ba yɛkɔ nɔ akpɛ ahwɛ. Ba ba yɛkɔ nɔ akɔ bebhuiklu nɛ oxogokɔvu nɛ mɛ klɛ la ba kpɛ nɔ vu, klɛ la ba gbanɛ nɔ vɛnɔ bekusi nɛ̀ ba mani nɛ ɔkɔ nɛ mɛ nyi nɛ tɔkpu.

Yohanɛsɛ 3:27

Kɔ kibui nɛ so Yohanɛs ebuilɛ nu aɖɔ sɛ, “Anɔ aba yɛkɛ kɛdɔnɔ ko gɛ bakɔ yɛ denɔ owũsise.

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Axwɛwɛwa 3:13

Abraham Kpaya, Isaka anɛ Yakɔpu, bulɔa ka lɛ Kpaya, nɛ atɛ danɛ yɛ axwɛdɛ Yesu shu. Nɔ yɛkɔ yɛ ɔkpɛ ahwɛ kɔ sɛ tɛ be yi, klɛ nɔ shɛ̃nahwɛ yɛ shu nɛ Pilato amɛ, nɛ kibe lɛ gɛ yɛ apɛa sɛ tɛ akɔ yɛ kidzo tɛ aga vɛ flogo.

Axwɛwɛwa 4:31

Gɛ be klu Kpaya beke, ɔkɛlɛ gɛ be xogo nɛ ɔhwa. Klɛ balɛ petee yuku nɛ Ɔfufɔɛ Dzyɔgo klɛ be bu Kpaya kibui nɛ aɖɔ nɛ kifu masimasi.

Axwɛwɛwa 6:10

pɔ ba dɛ na kititi lɔ nɛ yɛ kibuititi nɛ shu ɔdɔgɔsɛ yɛ Ɔfufɔɛ nɛ gɛ ɔlɛa bha aga pɛ aɖɔ kaɖɔ.

Axwɛwɛwa 6:15

Banɔ nɛ petee ge dzi kebhui nɛ mɛ nee di Stefano amɛ nɛm kpraraara, klɛ bamɔ sɛ yɛ amɛ nɛmɛ aawɔɛ ansɛ Kpaya axwɛdɛ amɛ.

Axwɛwɛwa 7:55

Pɔ Stefano gɛ eyuku nɛ Ɔfufɔɛ Dzyɔgo nɛ edi owũsise klɛ amɔ Kpaya ishuyuyɔ, anɛ Yesu gɛ eli kititi nɛ Kpaya kɛŋam.

1 Kɔrintioanɛ 2:13

Kɛnɛ kɛlɛ lɔ ɖɔ, ganɛ nɛ ebui gɛ Anɔdzyrame kibuinyinyi gɛ akasɛ lɔ pɔ nɛ ebui nɛ gɛ Ɔfufɔɛ nɔ kasɛ, kɛ kasɛ ɔfufɔɛ gbɛagba nɛ ɔfufɔɛ mɛ ebui.

Efesoanɛ 3:5

gɛ ba dɛ kɔ banɔ nɛ tii nɛ tɛmumɔ bhlatɔɛ anasɛ ɔtsɔnɛ gɛ be bukasɛ aganɔ Kpaya bakpɛkpɛ shubhubhui nɛ batɔnu nɛabha.

Yakobo 1:5

Onu gɛ kibuinyinyi kɛɛ ma wɔnɔmɛayɛ teli ahwɛ, alasɛ tɛ ebisi Kpaya, gɛ yɛakɔɛdɔ fãa kɛpɔ mazɛlɛ shu, klɛ bá ba yɛkɔ kɛlɛ akɔ yɛ.

1 Petro 1:12

Bebu akasɛ alɛ sɛ anɛ balɛ nahwɛ ba dɛ axwɛ kɔ pɔ wũnɔ, kibelɛlɛ gɛ ba ɖɔ ebuianɛ gɛ ɔtsɔnɛ be tsre nɔ bagɛ balɛ ɖɔ Kibui Dzyɔgo kɔ nɔ nɛ Ɔfufɔɛ Dzyɔgo ba sɛsɛ denɔ owũsise. Baxwɛdɛ kuratsyɛ ba pɛɛ kukuku sɛ tɛ be di ebuia nɛ mɛ.