Marko 12:15 - ONUGBÙ NYƐNYÃ VUVƆ

¹⁵ Bu buya pɛnɔɔ bɔtɛ buya?” Pɔ Yesu enyi balɛ butsutsɔmɔ. Ebisi alɛ asɛ, “Kide so pɛ nɔ tɔ kɛgba kɔ mɛ?” “Nɔ yɛkɔ wɔnɔ kɔba nɛ tili ɔmɛna tɛ idi.”

Marko 12:15 Iomraidhean Croise

Mateo 20:2

Adɛmɛ asɛ aba bua kiwi zɛzɛ kɛbhɛ gɛ nu dinario akɔa lɛ, klɛ asɛsɛ balɛ nɛ buya nɛ mɛ.

Mateo 22:18

Pɔ gɛ Yesu enyi butsutsɔmɔ nɔ gɛ kpasɛ balɛ kɛtɔkpum so, etsre balɛ asɛ, “Wɔnɔ betroni, kide pɛ nɔ pɛ mɛ sɛ tɛ no bu nɛ kɛgbam?

Marko 10:2

Farisianɛ teli be feke yɛ edi klɛ be bisi yɛa sɛ, “Kɛ lɛ ɔshã mɛ sɛ tɛ anyɛ ashɛ̃nahwɛ yɛedzini shu dza?”

Marko 12:14

Ba ebe ku yɛ ɔbha klɛ la ɖɔ asɛ, “Adɔkasɛ, bunyi sɛ onu anɔ gɛ ɔna. Anɔdzyrame ataa na wɔ tsyina, alasɛ wɔ otoo di banɔ nɛ di gɛ be nu nɛ ɔkɔ, pɔ ɔkasɛ Kpaya kidzo nɛ kɛgbɛagba nɛ nu. Kɛbɔ sɛ tɛ ba kɔ kadzyɔ Kaɛzaro pɛnɔɔ kɛmɛtã?

Marko 12:16

Ba yɛkɔ kɔba nɛ amɛna, klɛ ebisi alɛ asɛ, “Anee kɛtɔkpu klɛ tsri yɛa bha? Klɛ anee kɛdɔ ŋuŋlɔmɛ klɛ tsri?” Be bu klɛ nu asɛ, “Kaɛzaro yɛ.”

Luka 20:23

Yesu amɔ aganɔ balɛ bushɛwuwa klɛ etsre alɛ sɛ,

Yohanɛsɛ 21:17

Butramɛ aza ɖɔ tsre asɛ, “Simɔnɛ Yohanɛsɛ yɛ eyi, ɔdɛmɛ mɛ bui xã?” Kɛ puɛ Petro alasɛ butramɛ nyɔ na gɛ Yesu ebisi yɛ bui nɛ sɛ, “Ɔdɛmɛ mɛ bui?” Aɖɔ sɛ, “Apalete, ɔnyi ebui nɛ petee; onyi sɛ ɛdɛmɛ wɔɛ bui.” Yesu aɖɔ sɛ “Kɔ mɛ ibhoshi nɛ kɛdɔŋɛŋa.

Yohanɛsɛ 8:6

Ba yɛkɔ tɛbibisi anasɛ kɛgbatɛtɔ tɛ ba mɔɛ dzo ebu buzizi akɔ yɛ. Pɔ Yesu ezhi akpla klɛ etenɛ kɛdɔ aŋlɔmɛ elu kesukpa nɛ yɛ wɔɛ.

Axwɛwɛwa 5:9

Petro ebisi yɛ asɛ, “Kɛlɛ lɛ baza sɛ tɛ nɔ dɛmɛ ɔsɛ obo feke Apalete nɛ Ɔfufɔɛ nɛ odi? Di! Banɔ nɛ ga da vubɔ wenyine nɛ butsrukpɔ nɛ lie dunu, klɛ be be feke wɔ tsyɛ ebu eyinɔ.”

1 Kɔrintioanɛ 10:9

Nɔtɛ kɔlɔ feke Apalete nɛ edi, anasɛ gɛ beteli abhɛtɛ—beblidzya benemi alɛ gɛ betsi.

Hebriuanɛ 4:13

Kɛdɔnyɛdɔ nɛ kɛdɔ bhɛbhɛtɛ nɛ shi nɛ dɛ kpu nɛ Kpaya amɛ. Ba dɛda kɛdɔnyɛdɔ dɔ klɛ kɛdanɛ li agɛ alasɛ bu bhɛtɛ akɔnta kɔ nɛ amɛ.

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.